Matie 6:9 - BII BILA

⁹ Lelan mɛɛ niaa bɛnda mì la piɛi yɛ co hoo ni aa: ‹Fuɲa naa co o halataala-o, màá vana-vana sina maa ladiandaalan diola nɔmndan la co ni!

Matie 6:9 Referans Kwoze

Dɛnnda cɔɔmuanndan 4:11

«Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

Rɔmnda 8:15

O co kɔl siinguu niaa n'cɛ mì la cal vɛlɛ a isiòòn te niaa sɔla le, kɛ Kɔl siinguu niaa cuavaa Hala-a-o. Ndu koni tosa ni mì n veelu Hala aa: «Pua, Fuɲa naa».

Esekiɛl 36:23

I dindinin diola nila bɛndulan, la niaa nɔɔlia vanaa-mangalaa-isɔɔa tɛɛn-ndan, diola nila niaa nɔɔliaa nda tɛɛn-ndan pɛɛn. O kon, lɔ́ɔ́ ya cɔmnin diondɔɔ nuu niaa tɛɛn vanaa-mangalaa-isɔaa kan o hɔl-lo, a sinanin maa ya co Mɛlɛka ni. Diom Maalii Hala dimi-o co kon ni.

Malasi 1:11

Kandɔɔ ba paalen le can-ndo, kɔlan tiiyaa háá ba le del-lo, vanaa-mangalaa-isɔɔa súúlan kpow a sina bɔɔbɔɔyɛi nii. A co ansan lomɔɔ o diola nilan a ya sálàlan solullo ɲɛm sɔvɛɔn. A toɲa, vanaa-mangalaa-isɔɔa sina bɔɔbɔɔyɛi nii. Ya Mɛlɛka-Nɔ-Kpaayaa-Kpow-vo soaa nuaa ni.

Condii lisai 111:9

O tosa mí vanaa ndɔa sɔla baŋaa, mó yiilu nda kpema fɛɛn-fɛɛndo. Mɛlɛka dendu, vana lakaamaa o co ni.

Esai 64:8

Lelan, yandi Mɛlɛka, dɔawnun tumbé mà hiow ba le, va yiyanndo lɔ́ɔ́-lɔ́ɔ̀ o biondɔnnda naalan coo le. Tofa vɔ niko, naa kpow vanaa nɔmnda naa n co ni.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Kalatea 4:6

Le mɛɛ niaa co cuavaa vialaa yɛ Hala luei Kɔl Po ndɔɔ naa o lakɔl ni, ndu co naa vomɔɔ Hala veeloo ni aa: «Pua!»

Esai 6:3

Má va yondaa vellaa-velle a dimio aa: «O diandaa, O diandaa, O diandaa Mɛlɛka-Nɔ-Kpaayaa-Kpow-vo co ni, lɛŋnden kpow le pɛ cá a biilu ndɔɔ.»

Dɛnnda cɔɔmuanndan 5:12

A va dimio coocoo aa: «Saa téndé nda kelu bololan-ndo bɛnda mò sɔla kpaayaa, bolofaa, kɔlkaloo, yoomuan, bɛɛlen, biiloo a sangalaa.»

Condii lisai 115:3

Hala naa co o halataala, o co hɛnan ndɔɔ kpow tosaa.

Nehemi 9:5

O kon kɔɔli mí leviia: Yosue, Kadmiɛl, Bani, Hasabnia, Serebia, Hodia, Sabania a Petahia dimi aa: «La cɔn mì la mel Mɛlɛka Hala niaa balika. La mel ndu balika le fɛɛn a fɛɛn.» «Màá diola nɔmnda tɔ́ɔ́lan la sɔla biiloo, kani diola hiow naŋɔɔ lan la co ni.

Matie 7:11

Niaa vanaa vɔɔnda ha, te niaa sinà pɛ le cuavaa niaa ɲɛm kɛndɔn keo, vɛ̀ɛ̀ Fuɲa niaa co o halataala-o ndu kɛɛ yɛnin le vanaa ɲunanin ndu-a ɲɛm kɛndɔn keo?

Esai 63:16

Nduyɛ nɔm co fuɲa naa ni. Abraham sina naa le. Israɛl bɛɛ loonun-ndɛ a naa le, kɛ nɔm Mɛlɛka, nɔm co fuɲa naa ni, kabi lɔ́ɔ́ levil, nɔm nɔ diolan ni aa vana naa baŋaa.

Condii lisai 72:18

Biiloo co le Mɛlɛka Hala, Hala Israɛlla pɛɛn! Ndu pilɛ kpé co dɛnnda kaamaalan tosaa ni.

Matie 26:29

I co niaa dimul, i kol-lɛnin mɔima n'rɛsɛnndan man te, háá fɔ nin o masale Fuɲa nuu nin, mì hun kol ma sɛnɛiyan naa niaa.»

Matie 23:9

La veelu vana-vana o lɛŋnden coo aa ‹Fuɲa› niaa le, kani vanndo ndu pilɛ kpé co Fuɲa niaa ni, Fuɲa co o halataala-o pɛɛn.

Matie 5:16

Ɲɛ-tengaa niaa bɛnda mò tenga lende vannda o hɔl, haliko ma ce dɛnnda niaala kɛndɛlan, o kon mà biilu fuɲa niaa co o halataala-o.»

2Dɛnnda lemasalan 20:6

mó piɛi aa: «Mɛlɛka, Hala fuɲaa naa mamaa co o halataala-o. Vɛ̀ɛ̀ o co nɔm te co masalen tosaa o masɛi co o lɛŋnden kpow coo-e coo le? Nɔm o ba yoomuan a kpaayaa co ni. Lelan, vana-vana nɔla mò simul nɔm te.

Luke 15:18

I co cɔnɔn, mì muungu o fuɲa nuu lo, mì dimul ndu aa: Pua, i cua hakio a Hala a á nɔm.

Sakari 14:9

Mɛlɛka tosanin masalen o lɛŋnden kpow coo. O palɛi ken nin, Mɛlɛka ndu pilɛ kpé vanin biilɔnndo ni. Diola ndɔlan daama la vanin diola kpeekpei lan ni.

1Masaa 8:43

yaŋ mial kon nilan nɛɛ n co o fonda nɔm calaa o halataala-a, mà toosiaa balahavɛila ndɔlan kpow mɛɛ o ɲunanin nɔm yɛ, haliko mi vanaa súúla yɛ́-yɛ́a co o lɛŋnden coo kpow-va sina diola nɔmnda bɛndulan, mà ke nɔm bɛɛlen maa mɛɛ vanaa nɔmnda, Israɛlla co nɔm bɛɛlen keo yɛ. O kon mì vanaa kan sina maa diola nɔmndan lekɛ́ndɛi la co o Cɛi ya tangul hoo-o coo ni.

Habakuk 2:14

Kani vannda sinanin biilu Mɛlɛka-o mò hiow ba,

Esekiɛl 38:23

Lende ya cɔmnin bɔɔbɔɔyɛi nii a diondɔɔ nuu ni. I cɔmnin vanaa-mangalaa-isɔɔa sɛ́lɛ́a vana ya co-o, o kon má sina maa ya co Mɛlɛka ni.›»

1Dɛnnda lemasalan 17:24

Màá kpemaa ho peelun, haliko mi diola nɔmndan la sɔla biiloo lɔ́ɔ́-lɔ́ɔ̀, o kon mì vannda dimi aa: ‹Mɛlɛka-Nɔ-Kpaayaa-Kpow-vo, Hala Israɛlla, ndu co Hala le Israɛlla ni.› Tiinda masalen yungu nuu o ba le lɔ́ɔ́-lɔ́ɔ̀, ya David vana nɔm baala pɛɛn!

2Samiɛl 7:26

Màá diola nɔmndan la sɔla biiloo le lɔ́ɔ́-lɔ́ɔ̀, mì vannda va dimio aa: ‹Mɛlɛka-Nɔ-Kpaayaa-Kpow-vo co Hala Israɛlla ni!› Màá cɛi David vana nɔm baalaa lo o simia yili nɔm o hɔl le fɛɛn a fɛɛn!

1Piɛr 1:17

La co Vana hiyan vana o yamɛi kiolɔɔ nin too veeloo o piɛile niaalen nin aa Pua, ó kialu yamɛi vannda mɛɛ dɛnnda vana-vana la co yɛ-o pɛɛn, lelan la kela a siòònde telen niaa co o lɛŋnden coo-o.

1Timote 6:16

Ndu pilɛ kpé co yoomu le fɛɛn a fɛɛn ni. Ɲɛ-tengaa o co nin-ndo, vana-vana nɔla mà sɔɔnguu ndu ikɛi le. Vana-vana ci vɔ Mɛlɛka le, nduyɛ vana nɔla mà ce ndu le. Màá o sɔla bɛɛlen a kpaaya fɛɛn-fɛɛndo! Amiina!

Luke 15:21

Mí poo dimul ndu aa: ‹Pua, i cua hakio a Hala, i cua vɛlɛ hakio a nɔm, i nɔ lɛ di ma veelu ya aa po nɔm te.›

Luke 2:14

«Biiloo co le Hala o halataalaa nin coocoo, kɔlɲuloo co o lɛŋnden coo le vanaa hɛnan ndu-a.»

Esai 66:1

Nuaa Mɛlɛka dimi ni aa: «Halataalaa co kpɛŋɛ ni lemasaa ni, lɛŋnden le co ɲɛ ni kɛsiaa n'peloo ni. Cɛi súú yɛɛ nɛ niaa nɔla yɛnin ya tengullo? Fonda nɛ va yɛnin fonda ni pɛngiaa kpeekpei?

Matie 6:14

Kani te la mal pɛ vannda haki le tɛɛmbuula ndalan, Fuɲa niaa co o halataala-o bɛɛ malnin niaa haki.

Matie 6:6

Kɛ nɔm, a va pɛ Hala piɛiyo, luɛi o nɔmndo cɛinin di-di, mà kindan dioo kɔɔli, mà piɛi Fuɲa nɔm o vionɔnndo nin-ndo. Fuɲa nɔm ca o vionnɔnndo nin-ndo yɔngunin nɔm ɲɛ n piɛi-yo.

Matie 5:48

Lelan, niaa la peelun mɛɛ fuɲa niaa co o halataala-o peelun yɛ.»

Tɔŋ lasálàá 10:3

Mí Moise dimul Aarɔn aa: «Le hee Mɛlɛka ndóò dimi ni aa mɛɛ mì vanaa co ndu sɔɔnguuo ikɛi-ya sina diondɔɔ ndɔɔ, nduyɛ mà biilu ndu vannda kpow o hɔl.» Mí Aarɔn mei kpili.

Kalatea 1:1

Ya kiilaa Pol, o kiilale ndɔlen le fula vanaciee o ba loo, o vanaciee vim too, kɛ o Yeesu Krista nda Hala Fuɲaa tindi ndu Yeesu fulaa vanvílɛ́iya tɛɛn-ndo vem-ndo,

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Matie 26:42

Mí Yeesu faŋan vɛlɛ faŋan diinndɔɔ, mó kɔ piɛi Hala aa: «Pua, te o nɔla tosan mì taala kólaa sangaa ho faŋan ya ikɛi le, maa fɔ mi i kol a ndu, maa hɛnan nɔmndo tosan!»

Esai 37:20

Lelan, yandi Mɛlɛka Hala naa, baŋa naa sunsun mà soli naa Sennakerib o ba, haliko mi masɛi co o lɛŋnden coo-e kpow i sina maa nɔm pilɛ kpé co Mɛlɛka ni.»

Rɔmnda 1:7

Niaa vanaa-vanaa Hala kaola mí la va Rɔm, niaa veelun aa vanaa diandaa-a pɛɛn. Màá Hala Fuɲa naa a Maalii Yeesu Krista tosal niaa dɛnɛ kɛndɔɔ mò ke niaa kɔlɲuloo!

Matie 10:29

Vɛ̀ɛ̀ o co tààngáà ndu pilɛ le nda pisi nɛ́ɛ̀nɛ́ɛ̀a nda ŋiɔn te? Nduyɛ hali o pilɛ del lɛŋ te, te Fuɲa niaa co o halataala-o sina ndi le.