Matie 6:6 - BII BILA

⁶ Kɛ nɔm, a va pɛ Hala piɛiyo, luɛi o nɔmndo cɛinin di-di, mà kindan dioo kɔɔli, mà piɛi Fuɲa nɔm o vionɔnndo nin-ndo. Fuɲa nɔm ca o vionnɔnndo nin-ndo yɔngunin nɔm ɲɛ n piɛi-yo.

Matie 6:6 Referans Kwoze

2Masaa 4:33

Mó luɛi, mó kindan dioo kɔɔli nda vana vílɛ́i kon kpé, mó piɛi Mɛlɛka.

Matie 14:23

Ciiyo vannda mingio o la nda lo, mó kɔa landɔ o pembei coo le piɛilen. Mí ɲumndan ma tul ndu lon ndu pilɛ kpé.

Esai 65:24

O kon, telen pá mì nda piɛi ya, mì ya sina pɔɔ piɛile len.

Dɛnnda kiilaa 9:40

Mí Piɛr soli nda kpow o dio, mó baŋ vulan, mó piɛi Hala. O kon kɔɔli, mó muli hɔlla nɛɛ vana vílɛ́i kon va-a, mó dimi aa: «Tabita, cɔn.» Mí Tabita kumbi hɔltan. Ndóò cɔu Piɛr, mó can, mó cal.

Esai 26:20

Lelan, niaa co vanaa niaa-a, la kɔ, la luɛi o cɛila niaala lɔlaalan nin mì la kindan koŋndan niaa kɔɔli, la kɔ vionnun ndon le telen bingi háá mi kɔltuwvo ɲulul.

Condii lisai 34:15

Kpakpala dɛnɛ vɔɔndo, ma tosa dɛnɛ kɛndɔɔ, nuwviaa kɔlɲuloo, ma kela ndu kɔɔli.

Matie 6:18

haliko vannda sina maa o sumndo nin te n co le, fɔ Fuɲa nɔm vana co o vionnɔnndo nin-ndo. O kon, Fuɲa nɔm ca kon sɔɔn viannanndon-ndo dɔawnin nɔm vɔ̀ngɔ̀.»

Dɛnnda kiilaa 10:9

Diimandɔɔ, mɛɛ vanaa nda vem kan-nda tiiyaa Yopé ciee-lekɔɔ, mí Piɛr hel o sɛmtɛ a telen paalen le va nin le tiiyaa o pol-lo le Hala piɛiyo.

Matie 6:4

haliko ma ke vana bala fondoo ɲɛ n co ndu keo-vo o vionnɔnndo nin, mì Fuɲa nɔm co cɔu o vionnɔnndo nin-ndo mingul nɔm.»

Efɛsea 3:14

Le hee ya co o vulan coo Hala Fuɲaa o hɔl ni,

Rɔmnda 8:5

Kani vanaa co kelaa o falon nin-nda, dɛnnda n'falulan nda tosa ni, kɛ a co o Kɔl-Diandaa nin-nda, dɛnnda Kɔl-Diandaa nda tosa ni.

Dɛnnda kiilaa 10:30

Mí Kɔrnɛil muli aa: «O co nihau palɛi ihiɔɔlu, i va Hala piɛiyo o ya lo cɛinin o telen pilɔɔ hoo, o lɛɛlɛ yàándɔɔ a paale yɔngannden. Mí vanndo pum cɔmnun ya a volɔɔla ŋɛlɛngi-ŋɛlɛngi lan lekɔɔ o lepilɔɔ, mó dimul-la aa:

Nsaŋ 1:48

Mí Natanaɛl dimul ndu aa: «Kuɛɛ n sina yɛ ya?» Mí Yeesu mulul ndu aa: «Lɔ́ɔ́ pá mi Filipe veelu nɔm nɛɛ n va o voosu tumndo bɛngu-a, yáà ce nin nɔm.»

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Talelan 25:22

Kani dɛngultan biyaalan n co ndu dengelaa o lebol lende ni. O kon Mɛlɛka dɔawnin nɔm vɔ̀ngɔ̀.