Matie 6:16 - BII BILA

¹⁶ «Telen niaa co va o sumndo nin-ndo, la yii hɔlla maa vanaa muuluannda le. Kani nda, a cɛn pɛ a ɲaandiaa hɔlla le vannda cɔmndo maa o sumndo nin nda co ni. Mì dimul niaa toɲaa, a cii vɔ̀ngɔ̀ ndaa sɔla.

Matie 6:16 Referans Kwoze

Nehemi 1:4

Lɔ́ɔ́ ya tuei sɔɔn mun-ndo, mí cal, mí koŋul, mí mɔnɛi bii ya le palɛi taw. Mí bii sumndo, mí piɛi Hala co o halataala-o.

Daniɛl 9:3

O kon, mí muli hɔlla o Maalii Hala lo le ndu piɛiyo a le ndu tɛɛlɔnndo o sumndo biyɔɔ nin, mí vownun volɔɔla dɛnɛ palaalan, mí suinun pultan.

Luke 18:12

O lɔ́ɔ́ oo lɔ́ɔ̀ bɛngu, lediin ya bii sumndo ni. I co o-tɔ́ndɔɔ solio o ɲɛm nun kpow nin.›

Marke 2:18

Kaandeŋaa Nsaŋ-nda a Faliisia va sumndo biyɔɔ. Má hun ɲuna Yeesu aa: «Le yɛɛ nɛ kaandeŋaa Nsaŋ-nda a kaandeŋaa Faliisia co yɛ sumndo biyɔɔ, mì kaandeŋaa nɔmnda nda va kɛɔ le kon tosaa?»

Condii lisai 69:10

Hala, kaola ya nɔ le Cɛi nɔmndo-o co ya lomɔɔ maa leyin. Yeowla vannda co nɔm-ndan yeowla lan koni nda co ya ni.

Condii lisai 35:13

Ya yɛ, telen nda va a nààlan-ndo, ɲííye va ya biyɔɔ, mí volɔɔla imɔnɔlan vownɔnndo le nda, mí va sumndo biyɔɔ a ya pila tuŋnɔnndo. I ve sanga piɛilen le nda le.

Dɛnnda kiilaa 14:23

O kunda vanaa Hala-a kɛ́-kɛ̀ nin, má kɛsi simlacia, má piɛi Hala, má bii sumndo, má sɔaa nda Mɛlɛka nda laalan-ndo o ba.

Matie 6:5

«La va pɛ Hala piɛiyo, la va maa vanaa muuluannda le, á yeema piɛilen isisi o cɛila lekaanndan nin a o nɛilan coo le vannda cɔmnɔnndo-a. Mì dimul niaa toɲaa, a cii vɔ̀ngɔ̀ ndaa sɔla.

Matie 6:2

Lelan, taa va pɛ vana bala fondoo ɲɛ pum keo, tosà mì vannda kpow muli hɔlla o nɔm ndo maa mɛɛ vanaa muuluannda tosà o cɛila lekaanndan nin a o nɛilan coo yɛ le. Kani nda, le vannda nda sangalaa nda tosà lende ni. Mì dimul niaa toɲaa, a cii vɔ̀ngɔ̀ ndaa sɔla.

Ɛstɛr 4:16

«Kɔ cuungiaa Yuifia co Suse-a kpow nɛɛ pilɛ, mì la bii sumndo le ya, la dia ɲɛ-ɲɛ le, la kol te, háá palɛi ndii yáá, niinoo a lɔan. Ya bɛɛ, i biinin sum pilɛ kon naa buɛyaa nia laandua. O kon kɔɔli, i kɔanin o masaa lo, hali tɔŋndo co bɛɛ o yiyaa lende. Te vu ni, i kɔ vu.»

2Samiɛl 12:16

Mí David tɛɛlun Hala le poombɔ kon, mó va sumndo biyɔɔ. Tuma o muungu o ndu lo cɛinin-ndo, mó lɔl pii ihini lɛŋ.

Condii lisai 109:24

Vulan la co ya ɲiiyaa a sumndo, ɲɛdiaa co ya pɛŋnden, i ɲaw.

1Masaa 21:27

Lɔ́ɔ́ Akab tuei sɔɔn Mɛlɛka-n Elii tɛɛngul ndu mun-ndon-ndo, mó sɛɛsian volɔɔlan lekɔɔ, mó vownun bɔlɔla yuululan, mó bii sumndo. Mó va lɔan a bɔlɔla yuulula lan lekɔɔ, mó muungu kɔlan duɛɛn-duɛɛn.

2Korɛntea 11:27

I sanga, mí yɔkpa, i va lɔan lahɔl telenndan lapum, yiaan a bolole vesɛilen le va ya palaa. Lɔ́ɔ́ lepum, i va sumndo biyɔɔ, hoeiye va ya biyɔɔ, i va a fɛ́lio.

1Korɛntea 7:5

Pɔnɔɔ a lanɔɔ bɛnda mà kɛyan cɛinin te, fɔ dɔ́ɔ́ ma cɛlan le telen bingi cuaa le piɛilen. Kɛ nduyɛ, te telen kon cuu dɔ́ɔ́ pɛ, a muungu diom pilɛ, yɔŋii Setana tɔɔndan nda, kani a tiwnin kɔlta ndalan ba le.

Luke 2:37

mí pɔnɔ ndɔ vu. Mó lo a vii ken háá vɔsilan belaŋɔmaa a lahiɔɔlu, o faŋan o Cɛi-Hala-o nin te, o va kɔlan kaannden tosaa idii a icɔl. O va sumndo biyɔɔ mo va piɛilen.

Malasi 3:14

Nuaa niaa dimi ni aa: ‹Fondo fúú koni vana tosal Hala baalaa ni. Yɛɛ nɛ naa n sɔla yɛ o tɔŋ ndɔɔ biyɔɔ nin, mí n va kafola imɔnɔlan tosaa, haliko mi Mɛlɛka-Nɔ-Kpaayaa-Kpow-vo tuinun naa iɲíí?

2Samiɛl 12:21

Mí buɛyaa ndɔa ɲuna ndu aa: «Dɛnɛ súú yɛɛ nɛ n tosa yɛ hoo? Tuma poombɔɔ va vɔ yoomu-o, a va sumndo biyɔɔ má va caŋndo. Sisa yɛ poombɔɔ vi, kɛ a cɛn mà muungu ɲɛdiaa nɔm dio.»

2Korɛntea 6:5

Vannda lɔɔ naa, má mal naa o kaasoolan. Mí vanaa pum a del naa coo. N tosa baalala kálà-kálàlan, má lɔli naa lahɔl, má tuŋ naa ɲɛdiaa.

Dɛnnda kiilaa 10:30

Mí Kɔrnɛil muli aa: «O co nihau palɛi ihiɔɔlu, i va Hala piɛiyo o ya lo cɛinin o telen pilɔɔ hoo, o lɛɛlɛ yàándɔɔ a paale yɔngannden. Mí vanndo pum cɔmnun ya a volɔɔla ŋɛlɛngi-ŋɛlɛngi lan lekɔɔ o lepilɔɔ, mó dimul-la aa:

Matie 6:1

«La caa dɛ, la tosà dɛnɛ kɛndɔɔ vannda o hɔl haliko ma candu niaa le, yɔŋii niaa fola vɔ̀ngɔ̀ niaa bɛnda le sɔlaa-o Fuɲa niaa co o halataala-o o ba.