Matie 6:13 - BII BILA

¹³ Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Matie 6:13 Referans Kwoze

1Korɛntea 10:13

Tɔɔndan oo tɔɔndan co niaa komallo, tɔɔndannda ivanacieeya lan daama la co ni. Kɛ vana lo o lediom coo-o Hala co ni, nduyɛ o cɛlnin mì tɔɔndanndo hiow niaa mayoomu le. Kɛ te tɔɔnndanndo komal niaa pɛ, o yɔngunin niaa fɛlɔɔ mì la tiwba ndu biuvɔnndo, o kon mì la fulan lenin.

Nsaŋ 17:15

I co nɔm piɛi mà faŋa nda o ceendo coo le, kɛ mà manda nda le Vana vɔɔndo.

Matie 26:41

La tiondu mì la piɛi, yɔŋii niaa del o tɔɔndanndo nin. La co yiyanndo le tosaa lende, kɛ dialun vílɛ́iyon co niaa.»

Dɛnnda cɔɔmuanndan 19:1

O kon kɔɔli, mí tuɛi ɲɔɔ maa diom sɛ́lɛ́ bɛndu o halataala, mo va dimio aa: «Halelu-ya! Cindaa, biiloo a kpaayaa co le Hala naa,

2Tesalonikea 3:3

Kɛ vana lo o lediom coo-o Mɛlɛka co ni, o lueinin niaa yoomuan, mò ciindiaa niaa vana kɔlvesɛiyo o ba.

Matie 6:10

Màá masale nɔmnden le hun! Màá hɛnan nɔmndo tosan o lɛŋnden coo, mɛɛ o co tosanndo o halataala yɛ!

Yeremi 15:21

I baŋanin nɔm vanaa vɔɔnda o ba, mì ciindiaa nɔm vanaa diyaa o ba.»

2Piɛr 2:9

Kon co cɔmndo ni maa Mɛlɛka sínà mɛɛ o báŋà vanaa sandaa o tɔɔndanndo nin, mò màndà vanaa tosaa dɛnnda vɔɔnda le nda dɛnɛ palaa tuisio coo o paale yamɛi kiolunin-nden yɛ,

1Tesalonikea 1:10

Le Yeesu po ndɔɔ cumndo fulaa o halataala, o ndu Hala míngí yoomu fulaa vanvílɛ́iya tɛɛn, mó baŋa naa le kɔltuw co hunɔɔ-o-o.

Condii lisai 47:7

La solul Hala condon, la condu! La soli condon le masa naa, la condu!

1Dɛnnda lemasalan 29:11

Le nɔm Mɛlɛka bɔɔbɔɔyɛi, kpaayaa, biiloo, masalen a naŋɔɔ fɛɛn-fɛɛndo co ni. Kani ɲɛm co o halataala-on a mun o lɛŋnden coo n co le nɔm. Nɔm nɔ masalen ɲɔɔn kpow coo ni.

Dɛnnda cɔɔmuanndan 21:4

O vɔɔsuunin nda mɛmɛan kpow o lahɔl. Piɔ́mndo ve lɛnin te, biisi ve lɛnin te, yeela ve lɛnin te, ɲɛ nɛyaa ve lɛnin te, kani ɲɛm tason hiow.»

Condii lisai 10:16

Mɛlɛka co masaa le lɔ́ɔ́-lɔ́ɔ̀ ni, le fɛɛn a fɛɛn pɛɛn. Vanaa-mangalaa-isɔɔa cuunin o lɛŋnde ndɔlen coo.

Dɛnnda cɔɔmuanndan 3:10

Le mɛɛ n bii sɔɛi nii má yɔŋnun vana biuvanndo yɛ, ya bɛɛ i kandanin nɔm o paale dɛnɛ palaale co hunɔɔ o ceendo kpow coo le vanndacieea o lɛŋnden coo kɔlɔɔ solio.

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

1Piɛr 5:8

La pɔɛɛnun te, la va lahɔl, kani yaamɔɔ niaa, masa ɲinaa vɔɔnda co balɔɔ a kuuliaa maa yàlà, le vana o sɔlanin mo de ndu-o.

Condii lisai 41:13

Nɔm, a tosanin i venin vana tɛɛmbua isɔɔ le, A mandanin ya nɔm ikɛi lɔ́ɔ́-lɔ́ɔ̀.

1Dɛnnda lemasalan 16:36

Biiloo co le Mɛlɛka Hala Israɛlla, le fɛɛn a fɛɛn! Mí vannda kpow cɛl o lepilɔɔ aa: «Amiina! Biiloo co le ndu.»

1Dɛnnda lemasalan 4:10

Mí Yaebɛs piɛi Hala Israɛlla, mó dimi aa: «Taa dɔw ya pɛ duaa lekɛ́ndɛi, mɛɛ cɔɔlu ya lɛŋnde kuilul, mà kanda ya a ba nɔm kpaayaa, mà faŋa dɛnɛ palaa a sangaa ya ikɛi polon.» Mí Hala cɛl piɛile ndɔlen.

Tɔŋ miingua 8:16

O lɛŋnde veselɛile len nin, mó dɔaw niaa balo a manne, o fuɲaa niaa mamaa ndáà sina sindɛ loo. O tosa kon kpow le niaa siɛmbulan tuisio a le niaa tɔɔndanndo, haliko mo tosal niaa dɛnɛ kɛndɔɔ siɔdii laci.

Fulaa 15:18

Mɛlɛka co masaa le fɛɛn a fɛɛn ni.»

O Kandɔɔ 22:1

O sɔɔn mun kɔɔli, mí Hala tɔɔndan Abraham, mó veelu ndu aa: «Abraham.» Mí Abraham cɛl aa: «Yòó!»

Kalatea 1:4

Maalii Yeesu yɔngu yoomu ndɔɔ le naa ciindiaa le hakila naalan, mó soli naa o ceen vɔɔndo ho nin, maa mɛɛ hɛnan Hala Fuɲa naa-o co yɛ.

2Korɛntea 1:20

Kani Yeesu co Oi peelu kpemala Hala lan kpow-vo ni. Lelan, o ndu nin naa n dimi ni aa: «Amiina», mì Hala sɔla biiloo.

Condii lisai 47:2

Niaa vannda kpow, la tiɔm balan! La deŋi Hala o lani a ɲaaloo.

Kundalan 5:22

telen mɛmma lolɛima sendían man ma co nɔm tiiya o dembe-o! O kon, vanalanɔ kon bɛnda mò muli aa: Amiina! Màá o tosan lende!

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Dɛnnda cɔɔmuanndan 1:18

I co yoomu. Yáà vi, kɛ tofa vɔ, i co yoomu le fɛɛn a fɛɛn. Kiin piɔ́mndo co ya o ba, kiin ciee-piɔ́mndo pɛɛn.

Matie 5:37

Sɔɛi niaa cɛl pɛ aa ‹Oi› ndi lo lende, i niaa dimi pɛ aa ‹Ɛ-ɛ› ndi lo vɛlɛ lende. I kɛ́-kɛ̀ vana handu nin pɛ o kon kɔɔli, Vana vɔɔndo o ba ken fula ni.»

Daniɛl 4:25

Mí sɔɔn mun kpow n peelun masaa Nebukanɛsar coo.

Talelan 30:8

Yɔɔ vanafondoyɛi a sɔɔn lacòòvan ya levil. Ke ya bolofaa bɛndu le, siinguu ya vɛlɛ vana bala fondo le. Ke ya mɛɛ o bɛndà le kpekula nilan toosiaa yɛ daama.

Tɔŋ miingua 8:2

La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

1Korɛntea 14:16

Dɔw bɛɛ duaa o diola Kɔl-Diandaa, vɛ̀ɛ̀ vana co icali vannda tɛɛn-ndo muli yɛnin aa: «Amiina» te o bii ɲɛ n dimi-o bila le?

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Daniɛl 7:18

Kɛ vanaa diandaa Ó-Hiow-Ɲɔɔn-Kpow-vo-a sɔlanin masalen, mì le va le nda le fɛɛn a fɛɛn.›

Condii lisai 106:48

Màá la va Mɛlɛka Hala Israɛlla balikaa mello lɔ́ɔ́-lɔ́ɔ̀! Mí vannda kpow muli aa: «Màá i tosan lende.» La lisa Mɛlɛka!

Condii lisai 89:52

Éé Mɛlɛka! Yaamɔaa nɔmnda tɛɛmbuu vana n pɔla-o bɛ̀ɛ̀lan, má sui ndu diɔmnde o nɛilan kpow coo.

Condii lisai 72:19

Biiloo co le diola ndɔla biilaalan le fɛɛn a fɛɛn! Màá lɛŋnden kpow le piɔ a biilu ndɔɔ! Amiina! Amiina!

1Masaa 1:36

Mí Benaya po Yehoyada-o mulul masaa aa: «O naŋ! Mɛlɛka, o co Hala vana ni bɛndoo-o soo sɔɔn mun ni.

Dɛnnda cɔɔmuanndan 19:4

Mí bɛndua yuuvɛiyaa bidiin a à hiɔɔlua a ɲaa yoomaa hiɔɔlua baŋ vulan, má biilu Hala, o co icali o kpɛŋɛ lemasaa ndɔɔ nin-ndo, má dimi aa: «Amiina! Halelu-ya!»

Dɛnnda cɔɔmuanndan 5:13

Mí tuɛi ɲɛm cɔwnun-ndon diomndan solio, mun o halataala, mun o lɛŋnden coo, mun o lɛŋnden bɛngu, mun o mɛmma ihɛllan nin a ɲɛ-ɲɛ co o fondala lan, mí n va dimio aa: «Le vana co icali o kpɛŋɛ lemasaa nin-ndo a le Saa téndóó, sangalaa, bɛɛlen, biiloo a masalen le co le fɛɛn a fɛɛn ni.»

Dɛnnda cɔɔmuanndan 3:14

«Sɛval mɛlɛkanɔ vanaa laalannda Laodisee aa: ‹Ɲɛ Amiina, sei lo o lediom coo-o, o co sei toɲaa-o, o ɲɛm Hala soli-on cɔwnun o ba-o dimi-o co hoo ni aa:

Hebreea 11:36

Má mam a tiŋ, má lɔaa nda, má baa a pum yɔlɔn, má vow nda o kaasoo.

1Timote 1:17

Màá Hala Masa co le fɛɛn a fɛɛn-ndo, o vi loo, o co Hala ndu pilɛ kpé-o va bɛɛlen sɔlaa a biiloo lɔ́ɔ́-lɔ́ɔ̀! Amiina!

Yeremi 28:6

«Amiina! Màá Mɛlɛka tosa mɛɛ n dimi nuaa yɛ, mò cua ɲɛm-laandun co le Cɛi-Hala-on ndo, mò mingi mun nanu a vanaa nda kɔɛ o biyɔɔ nin-nda.

Condii lisai 22:28

Vanaa co o lɛŋnden mɛɛlulan-nda kpow a loonunnin a Mɛlɛka o kɔɔ, mà muungu ndu o ibuŋ. Yungula vanaa-mangalaa-isɔɔa kpow la baŋnin vulan ndu o labɛngunin.