Matie 6:12 - BII BILA

¹² Mal naa haki le tɛɛmbuula naalan, mɛɛ naa bɛɛ n mal vanaa tɛɛmbuu a naa-a haki yɛ.

Matie 6:12 Referans Kwoze

Efɛsea 4:32

La va vanaa kɛndɛa, mì la kaolian vellaa-velle. La malnan lahaki maa mɛɛ Hala mal niaa haki o Krista nin yɛ.

Marke 11:25

Telen niaa co cɔnɔn isisi le piɛilen-ndo, te sɔɛi pum co pɛ niaa o kɔl a vanndo pum, la mal ndu haki, haliko mi fuɲa niaa co o halataala-o bɛɛ mal niaa haki le tɛɛmbuula niaalan.

Efɛsea 1:7

Nduyɛ, o Krista nin, o kooma ndɔan nin naa n sɔla baŋaa ni, mí n sɔla hakio malɔɔ le tɛɛmbuula naalan. Kɛndɛi Hala tosal naa-e co i bɔɔ,

Kolɔsea 3:13

La biwnan vellaa-velle mì la tosalan kɛndɛi. Te vanndo nɔ pɛ ɲɛ o kɔl a vanndo pilɔɔ, la malnan lahaki mɛɛ Krista mal niaa haki yɛ.

Luke 11:4

Mal naa haki le hakila naalan, kani naa bɛɛ, n co vanaa-vanaa co tɛɛmbuuo a naa hakio malɔɔ. Mal naa mì n del o dɛɛniaa nin te.»

Luke 6:37

«La kialu yamɛi vana le, haliko yamɛi kilun niaa le. La yaala vana le, haliko vana yaala niaa le. La mal caanda haki, haliko mi niaa bɛɛ sɔla hakio malɔɔ.

Fulaa 34:7

I lò dɛnɛ kɛndɔɔ tosaa háá mì lambilan la tiiya vàá pilɛ. I màl vana haki le dɛnɛ vɔɔndo, le tɛɛmbuuo a le hakio. Kɛ vana tɛɛmbuu pɛ tɔŋndo, i ce ndu vana lahakio. Nduyɛ, i lo cuawva soŋɔ̀ɔ́ háá o lambi yàándɔɔ, háá o lambi hiɔɔlundɔɔ bɛɛ, le yɔŋ vɔɔn fuɲaa ndaa mamaa.»

Condii lisai 32:1

Condii fula o condun David-on nin-nde. Dɛnɛ kɛndɔɔ co le vana kon, vana Hala mal haki le tɛɛmbuula ndɔlan-ndo, vana o mal haki le hakila ndɔlan-ndo.

Condii lisai 130:4

Kɛɛ nɔm, a tiwba mà mal vana haki, lelan, mɛɛ mì vana ke nɔm bɛɛlen.

1Masaa 8:39

mulul nda nɛɛ n co o calta nɔmndan o halataala-a, mà mal nda haki, mà kelu yamɛi vana-vana mɛɛ dɛnnda ndɔlan la co yɛ. Kani nɔm pilɛ kpé sina kɔlta vanndacieea kpow ni.

1Masaa 8:30

Ya vana nɔm baalaa a vanaa nɔmnda, a co Israɛlla-a, n sim pɛ o fondaa ho mì n piɛi nɔm, tuei naa diom nɛɛ n vanin o calta nɔmndan o halataala-a, mà mal naa haki.

Esai 1:18

Mɛlɛka dimi aa: «La hun mì n soonun latulu! Te hakila niaalan la va pɛ lasiaŋa vaŋ, la co muungu lahumbu maa fengbɔ, te la va pɛ lasiaŋa maa kola siaŋa sɔɔtɔtɔ, la co muungu maa kola keese humbu.

Daniɛl 9:19

Maalii, yaŋnun! Maalii, mal haki. Tuei naa diom, keleŋa ɲɛ ya co nɔm ɲunaa-o tosa. Yiyan a kaola nɔmndo o kɔɔ. Kani o kobi nɔmndo ho nin a o yungu nɔmndo ho tɛɛn diola nɔmndan la co piɔlnɔnndo ni.›»

1Masaa 8:34

yaŋ nda nilan nɛɛ n co o halataala-a, mà mal nda haki, mà mingi nda o lɛŋnde n ke sindɛ fuɲaa ndaa mamaa len nin. Kani vanaa nɔmnda nda co ni.

1Masaa 8:50

mà mal vanaa nɔmnda haki le hakila nda cua a nɔm-ndan a le nila kalula nda tosal nɔm-ndan, mà luei vanaa nda co o ba o cɛlen nin-nda kɔl iɲííyo o kɔl, mì vanaa kan tuinun nda iɲíí.

Dɛnnda kiilaa 13:38

Lelan, puapilɛa nia, mɛɛ mì la sina maa: o ndu Yeesu nin niaa tuɛi yoongu malɔɔ lahakio ni. Tɔŋ Moise-o tiwba niaa baŋaa le. Kɛ vana-vana laalan pɛ Yeesu, Yeesu baŋa ndu a hakila ndɔlan kpow.

Matie 9:2

Má cuu ndu vana falun vílɛ́iyo ihini o yalaa nin. Yeesu ndóò cɔu laalan ndaa, mó dimul vana nàà kon aa: «Kindi diallon, po nuu! Hakila nɔmndan la malnun haki.»

Matie 26:28

kooma nian ma co man ni, kooma kpema-an, ma fula le vannda taw hakio malɔɔ-an.

Luke 13:4

N'van tɔ́ a vanaa ŋɔmaa cɛi coocoo vilɛiyo del coo Siloe, mó diw nda-a yɛ, la laalan maa nda yɔŋnun vanaa yɔŋ vɔɔnda hiovɔɔ vanaa tɔ̀a Yerusalɛm coo ni?