Matie 6:10 - BII BILA

¹⁰ Màá masale nɔmnden le hun! Màá hɛnan nɔmndo tosan o lɛŋnden coo, mɛɛ o co tosanndo o halataala yɛ!

Matie 6:10 Referans Kwoze

Hebreea 10:36

La hiow laci a biuvɔnndo le hɛnan Hala-o tosaa, mì la sɔla ɲɛm o dimi-on.

Nsaŋ 4:34

Mí Yeesu dimul nda aa: «Ɲɛdiaa nuu co hɛnan vana vem ya-o tosaa a vali ndɔɔ siowvo ni.

Matie 26:42

Mí Yeesu faŋan vɛlɛ faŋan diinndɔɔ, mó kɔ piɛi Hala aa: «Pua, te o nɔla tosan mì taala kólaa sangaa ho faŋan ya ikɛi le, maa fɔ mi i kol a ndu, maa hɛnan nɔmndo tosan!»

Matie 12:50

Vana-vana tosa pɛ hɛnan Fuɲa ni co o halataala-o, vana kon co pɔmbɔ nuu, yema nuu a kala nuu ni.»

1Tesalonikea 5:18

la vá Hala balikaa mello o dɛnndan kpow nin. Hɛnan Hala-o co kon le niaa o Yeesu Krista nin ni.

Rɔmnda 12:2

La tuvan a dɛnnda vannda paalen nden hau le, kɛ la mangalan o kɔlkalu sɛnɛiyo sɔlaa nin le hɛnan Hala-o sinaa: o naŋ-ndo, o hɛnan vana-o, o tiun-ndo.

Nsaŋ 6:40

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Kolɔsea 1:9

Lelan naa bɛɛ, kabi naa n tuei lende, n co pɛngi Hala piɛiyo le niaa le. N co ndu ɲunaa haliko mi la sínà hɛnan ndɔɔ ɲɛkɛndɛi, mì Kɔl-Diandaa ndɔɔ yɔngu niaa taasio a kɔlkaloo.

Efɛsea 6:6

La tósa vallo nda o hɔl telen nda nɔ niaa hɔlten coo-o daama le nda hɛnanndo le, kɛ la tosa hɛnan Hala-o a kɔlta niaalan kpow maa cɛa Krista-a.

Condii lisai 40:8

O kon mí dimi aa: «Má cè ya! Ya pila i hin o nɔm ndo. I saalun ɲɛ ya bɛnda le tosaa-o o sɛvaa o sɛbɛ simbulaa nin.»

Matie 7:21

«O co vanaa co ya veeloo aa: ‹Maalii, Maalii›-a kpede le a luɛinin o masale halataala len nin te, kɛ vanaa co hɛnan Fuɲa ni co o halataala-o tosaa-a daama a luɛinin ni.

1Piɛr 2:15

Kani hɛnan Hala-o co ni, mì la tosa dɛnɛ kɛndɔɔ le diɔmaa co haa sɔɔn vɔɔnndon dimio a niaa o kɔɔ-a sondolan kindaa.

Hebreea 13:21

Màá Hala kon ke niaa kpaayaa le dɛnnda kɛndɛla súú-súù ka tosaa, mì la nɔla hɛnan ndɔɔ tosaa. Màá o mala naa o diola Yeesu Krista lan mì n tosà hɛnan ndɔɔ. Màá biiloo va le ndu Yeesu Krista le fɛɛn a fɛɛn! Amiina!

Matie 3:2

mó va dimio aa: «La mal yɔŋ vɔɔndo mì la mangalan, kani masale halataala len le co le tiiyaa.»

Daniɛl 7:27

Masalen, vanabɛnduyɛi a bɔɔbɔɔyɛi lemasɛi o lɛŋnden kpow coo yɔngunnin kunda vanaa diandaa Ó-Hiow-Ɲɔɔn-Kpow-vo-a. Masale ndalen le co le fɛɛn a fɛɛn. Vanaa co masalen tosaa-a kpow a tosalnin nda baalaa, mà bii sɔɛi ndɛi.›

Luke 22:42

«Pua, taa cɛl pɛ, i kòl o taala kólaa sangaa ho nin te. Kɛ o va bɛɛ lende, hɛnan ni tosan te, kɛ o nɔm ndo tosan.»

Nsaŋ 7:17

Vana yeema pɛ hɛnan Hala-o tosaa, ndu sinanin te Hala o ba ɲɛ kon co fulaa ni, te kon te ya pila o ba sɔɔn ya co dimio-on n co fulaa ni.

Daniɛl 2:44

O paale masaa kan, Hala co o halataala-o kɛsinin masale tembunin le fɛɛn a fɛɛn te len. Masale len le hiwnin vanaa súú celen o ba le. Le pesipesinin masɛi tɔ̀ɛi mí le tɛɛmbuu ndi, mí len pila le lo lecoo le fɛɛn a fɛɛn.

Dɛnnda cɔɔmuanndan 19:6

O kon mí tuɛi diomndo maa diom sɛ́lɛ́ bɛndu, maa diom mɛmma bɛndu, vanáà tuei vɛlɛ pɛ aa diom mataŋ bɛndoo ni, mó va dimio aa: «Halelu-ya! Kani Mɛlɛka Hala naa, Vana-Kpaayaa-Kpow co masalen tosaa.

1Tesalonikea 4:3

Ɲɛ Hala yeema-o co ni mì la va vanaa diandaa, mì la mal dɛnnda suundɛilan,

Dɛnnda kiilaa 21:14

Mɛɛ naa n bumba ndu, mí n mɛinun, mí n dimi aa: «Màá Mɛlɛka tosa hɛnan ndɔɔ!»

Dɛnnda kiilaa 13:22

O kon kɔɔli, mí Hala kɛɛ Sol, mó hɛli David, mó siinguu ndu masaa. Mí Hala tɛnda seile ndɔlen aa: ‹I saalun David po Yisai-yo, o ya hini kɔl-lo, o tosanin ɲɛ-ɲɛ ya yeema.›

Matie 4:17

Cɔn nin a telen kon, mí Yeesu kandu yondaa, mó va dimio aa: «La mal yɔŋ vɔɔndo mì la mangalan, kani masale halataala len le tiiyaa.»

Dɛnnda cɔɔmuanndan 12:10

O kon mí tuɛi diom bɛndoo pum dimio o halataala aa: «Sunsun, telen cindaa tiiya, telen kpaayaa a masale Hala naa bɛɛ tiiya. Telen kpaaya Vana o pɔla-o bɛɛ tiiya. Kani vana va puapilɛ naa lɔlɔɔ-o viownun, ó va kon nda lɔlɔɔ paalen a ɲumndan Hala naa o hɔ-lo pɛɛn.

1Piɛr 4:2

haliko o va lɛ yoomu a yeemɛi n'faluei le, kɛ o hɛnan Hala-o nin le telen tɔ̀ lo ndu le tosaa o falon nin-ndo.

Hebreea 10:7

O kon mí dimi aa: ‹Ya pila co hunɔɔ o nɔm ndo ni, mì tosa hɛnan nɔmndo, maa mɛɛ o co o sɛvaa a ya o kɔɔ o sɛbɛ diandaa nin yɛ.›»

Luke 19:38

Má va dimio aa: «Biiloo co le masa co hunɔɔ o diola Mɛlɛka lan-ndo! Màá kɔlɲuloo va o halataala, mì biiloo va coocoo pɔ́!»

Marke 3:35

Vana-vana tosa pɛ hɛnan Hala-o, ndu co puapilɛ nuu, yema nuu a kala nuu ni.»

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»

Daniɛl 7:13

I va vundule len cɔu tuŋ icɔl kon, mí ca vɛlɛ ɲɔɔ pum hunɔɔ o yumbuyumboo nin, velanndo a Po vanacieo. Mó sɔɔnguu háá nɛɛ Bɛndu Yuu Masindɛ-Sindɔɔ va icali-a. Má kɔa a ndu Bɛndu Yuu kon o hɔl.

Nehemi 9:6

Nɔm pilɛ kpé co Mɛlɛka ni. Nɔm tosa halataala bɛndoo a loeon kpow ni, nɔm cɔw lɛŋnden a ɲɛm co lecoo-on kpow ni, mɛmma ihɛllan a ɲɛm co lenin-ndon kpow bɛɛ nɔm toosiaa ni. Nɔm yɔngu ɲɛm cɔwnun-ndon kpow yoomoo ni. Ɲɛm cɔwnun coocoo o halataala-on kpow n co vulan baŋɔɔ nɔm o labɛngunin.

Marke 11:10

Duaa co le masale co hunɔɔ len, masale David fuɲa naa len! Biiloo co le Hala o halataala coocoo!»

Dɛnnda cɔɔmuanndan 11:15

Mí mɛlɛkanɔ ŋɔmmɛwndɔɔ hɔŋ buloo. Mí diomnda bɛndulan la soaa o halataala aa: «Le Mɛlɛka naa a vana ndɔ o pɔla-o masalen o ceendo coo le co nin ni, o tosanin masalen le fɛɛn a fɛɛn!»

Dɛnnda cɔɔmuanndan 20:4

Mí ca kpɛŋɛla lemasalan, mí vannda cal lecoo. Mí dio kennun nda le yamɛi kiolɔɔ. Mí ca kɔlta vanaa nda kili bolle le seile Yeesu len a le sɔɛi Hala-e-a, a vanaa ndáà beŋ vulan visio a tuula ndɔɔ o labɛngunin te-a, a ndáà sui pondalen o itendu a o baa le-a pɛɛn. Má muungu yoomu, má tosa masalen nda Krista-a latulu le vɔsilan vàá pilɛ.

Condii lisai 2:6

O co nda dimullo aa: «Ya pɔla masa nuu o pembei Siɔn coo ni, pembii nii diandɛi pɛɛn.»

Hebreea 1:14

Mɛlɛkaa nda co macoaa maa kiilaa Hala-a, nda Hala viam le kɔlan vanaa sɔlanin cindaa-a sɔɔn dimullo ni.

Kolɔsea 1:13

O baŋa naa kpaaya maɲumndo o ba, mó hivi naa o masale Po ndɔ o kaola-o len nin.

Luke 19:11

Vannda va sɔɔn mun yaŋnɔnndo, mí Yeesu dimul nda vɛlɛ taloo. Nduyɛ, o va Yerusalɛm macɛlu, a va yiyanndo maa Masale Hala len le va hunɔɔ cɔmnɔn o telen kon.

Sakari 9:9

«Niaa vannda Siɔn, la dɔwnun ɲaale taw-taw. Niaa vanaa co icali Yerusalɛm-nda, la yonda a kɔlkɛndɔɔ. La tofa vɔ masa niaa hunɔɔ o niaa lo. O co masa sandaa, o nɔ̀lá yaamɔaa ndɔa. Masa tuisianndo o co ni, o co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.

Esai 2:2

Ɲɔɔ yɔŋnunnin o palɛi co hunɔɔ siɔdii laci-e nin, mì pembii Cɛi-Mɛlɛka-o co coo-e sim o pembun bɛndon kpow bollen, mì i bandu háá mì i hiow pembun pɔmbɔn. O kon, vanaa-mangalaa-isɔɔa kɔanin ndon sɛ́lɛ́ bɛndoo taw.

Dɛnnda kiilaa 22:14

Mó dimi vɛlɛ aa: «Hala fuɲaa naa mamaa cii nɔm hɛli, mà tosa hɛnan ndɔɔ, mà ce vana sandaa ndu pilɛ kpé, mà tuei sɔɔn co ndu pila fulaa o sondo-on.

Yeremi 23:5

Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.