Matie 6:1 - BII BILA

¹ «La caa dɛ, la tosà dɛnɛ kɛndɔɔ vannda o hɔl haliko ma candu niaa le, yɔŋii niaa fola vɔ̀ngɔ̀ niaa bɛnda le sɔlaa-o Fuɲa niaa co o halataala-o o ba.

Matie 6:1 Referans Kwoze

Matie 23:5

Dɛnnda nda co tosaa lan kpow, haliko mi vannda ce nda nda co lan tosaa ni. A cɛn pɛ, a tongu boofiaala ndalan, a bɛndi kpengun domala ndala bɛndulan.

Nsaŋ 12:43

Kani candɔɔla vanndacieea ndáà hiow yeema a Hala nda candɔɔ.

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

Luke 16:15

Mí Yeesu dimul nda aa: «La co cɔnɔnndo maa vanaa sandaa niaa co vannda o hɔl ni, kɛ Hala sina kɔlta niaalan. Kani ɲɛ vannda ca o sɔvɛɔ-o, ndu nɛinun Hala ni.

Kalatea 6:12

Vanaa kɛ́-kɛ̀ co niaa kɔɔli le toomaa diyɔɔ kangalan, haliko mi vannda ce nda vanaa kɛndɛ sii nda co kon yeema ni. A yeema ma tol nda leyɛ le yɔm singafilaa Krista-o le, ken kínɛí nda co nuwviaa ni.

Nsaŋ 5:44

Vɛ̀ɛ̀ niaa nɔla yɛnin laalanndo, la co niaa pila candanndo vellaa-velle, la co candɔɔla Hala lan kínɛí nuwviaa le?

Esekiɛl 33:31

A co hunɔɔ sɛ́lɛ́ bɛndoo fili-fili o nɔm ndo, vanaa niaa kan pɛɛn, a co hunɔɔ calle nɔm o hɔl. A co nilan yaŋɔɔ o sɔɔn nɔmndon, kɛ a co kela lecoo le, kani a sondo yeelaa koni nda co sɔɛi ni, kɛ o kɔlta ndalan nin, tɔnɔ nda pila-o daama nda co nuwviaa ni.

2Nsaŋ 1:8

La pɔɛɛnun a niaa pila le, yɔŋii baala niaa yɔŋnun fúú, kɛ mì la sɔla vɔ̀ngɔ̀ niaa mɛɛ o bɛnda yɛ.

Marke 8:15

Mí Yeesu dimul nda aa: «La mandan a lɛvɛn Faliisia a á lɛvɛn Herɔde-o.»

Matie 6:16

«Telen niaa co va o sumndo nin-ndo, la yii hɔlla maa vanaa muuluannda le. Kani nda, a cɛn pɛ a ɲaandiaa hɔlla le vannda cɔmndo maa o sumndo nin nda co ni. Mì dimul niaa toɲaa, a cii vɔ̀ngɔ̀ ndaa sɔla.

Matie 16:6

Mí Yeesu dimul nda aa: «La mandan a lɛvɛn Faliisia a Sadusea!»

Luke 12:15

O kon kɔɔli, mó dimul nda kpow aa: «La caa mì la mandan le yeemɛi vɔɔnde, kani o co ka o bolofaa bɛndoo nin te vana sɔla yoomoo le.»

Matie 5:48

Lelan, niaa la peelun mɛɛ fuɲa niaa co o halataala-o peelun yɛ.»

Matie 5:16

Ɲɛ-tengaa niaa bɛnda mò tenga lende vannda o hɔl, haliko ma ce dɛnnda niaala kɛndɛlan, o kon mà biilu fuɲa niaa co o halataala-o.»

Luke 11:35

Lelan caa taw, yɔŋii ɲɛ-tengaa co nɔm nin-ndo siŋnun ɲumndan.

Condii lisai 112:9

Mò ke vanaa bala fondoa ɲɔɔn taw, dɛnɛ sandaa ndɔɔ vanin le fɛɛn a fɛɛn. O nɔnin kpaayaa, mì vannda ke ndu bɛɛlen.

Luke 12:1

O telen kon mí vannda taw a cuungian háá ma va nɛwvanndo. Mí Yeesu kandu sɔɛi o kaandeŋaa ndɔa lo, mó dimul nda aa: «La mandan a lɛvɛn Faliisia, sɔɔn muluanndon pɛɛn.

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Matie 5:46

Kani te la kaola pɛ vanaa kaola niaa-a daama, vɔ̀ngɔ̀ yɛɛ nɛ niaa sɔ̀là yɛnin o kon? Vɛ̀ɛ̀ o co lende le vanaa biyaa mulua bɛɛ tosa le?

Sakari 7:5

‹Ɲuna vɔ vanaa co o lɛŋnden nden kpow nin-nda a vanaa-solia-lasálàá aa: O vɔsilan belaŋɔmmɛw bɛngu la va sumndo biyɔɔ a caŋndo o paangii ŋuɛɛnundɔɛi a o paangii ŋɔmmɛwndɔɛi nin, mò va maa le ya niaa va sum kon biyɔɔ ni?

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Matie 6:9

Lelan mɛɛ niaa bɛnda mì la piɛi yɛ co hoo ni aa: ‹Fuɲa naa co o halataala-o, màá vana-vana sina maa ladiandaalan diola nɔmndan la co ni!

Tɔŋ miingua 24:13

La bɛnda mì la mingul ndu ɲɛ o lendul niaa o ba-o a paale delaalen, haliko mo kuumbun doma ndɔ bɛndoo, mò dɔw niaa duaa, mi dɛnɛ kon siŋnun dɛnɛ sandaa Mɛlɛka Hala niaa o hɔl.»

Hebreea 2:1

Lelan, o bɛnda mì n handun kɔllo o sɔɔn naa n tuei-yon coo, yɔŋii naa n luɛi o sangaa nin.

Daniɛl 4:27

mó deŋi coocoo aa: «Babilɔn co hoo ni! Kobi bɛndu ya tangul le vaa kobi ni lemasaa-o, i tangul ndu a kpaaya ni bɛndoo, le biilu ni lemasaa cɔmndo.»

Hebreea 11:26

Mó ca maa sangaa sɔlaa le Krista co fisa a bolofaa Esipte. Kani vɔ̀ngɔ́ va ndu laci-o caando va cɔu ni.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

2Masaa 10:31

Kɛ a kon kpow, Yehu cɛl le kelaa a kɔl ndɔɔ kpow o tɔŋ Mɛlɛka, Hala Israɛlla-o coo le, o soli balan o pɔwla Yeroboam ndóò mal Israɛlla nin-ndan nin te.

2Masaa 10:16

Mó dimul ndu aa: «Hun n kɔ, ma ce kaola paŋalaa co ya o kɔl le Mɛlɛka-o.» Má kɔa nda ndu latulu o ɲɛ ndɔ ɲaanan soa nan-ndo nin.

Sakari 13:4

Paale len, te vanaa-tɛɛngaa-diom Hala-a tɛɛnguu pɛ diom Hala-o, siɛmbulan la biinin nda le vunduma ndama nda ce-an. A vownun ndɛnin domala bɛndula iyiin-ndan, le sɔɔn lacòòvan dimio le.

Dɛnnda kiilaa 3:12

Piɛr cɔu dɛnnda lan, mó ɲuna nda aa: «Niaa Israɛlla ha, le yɛɛ nɛ niaa co yɛ kɔndɔfillo dɔwnɔnndo le siongɔɔ langbanɔɔ ho? Le yɛɛ nɛ niaa co yɛ naa tofaa mì la va yiyanndo maa a kpaaya naa pilaa, te kon te maa ɲíí nɛi i tosa ni mó kɔa?