Matie 5:7 - BII BILA

⁷ Dɛnɛ kɛndɔɔ co le vanaa tuinun vannda iɲíí-a, kani a sɔlanin ɲííye tuinɔnndo.

Matie 5:7 Referans Kwoze

Efɛsea 4:32

La va vanaa kɛndɛa, mì la kaolian vellaa-velle. La malnan lahaki maa mɛɛ Hala mal niaa haki o Krista nin yɛ.

2Samiɛl 22:26

Vana lo pɛ o diomnden coo a nɔm, nɔm Mɛlɛka bɛɛ lo o diomnden coo a ndu. Vana yɔŋnun pɛ sakpo a nɔm, nɔm bɛɛ cɔm vana kon sakpoyɛi nɔmnde.

Condii lisai 18:25

Mɛlɛka tosal-la mɛɛ sandii nii co yɛ, o dɔw ya vɔ̀ngɔ̀ mɛɛ bala nilan la dendu ndu o hɔl-lɛ.

Nsaki 2:13

Kani ɲíí venin o yamɛi kiolɔɔ le vanaa tuinun caanda iɲíí le-a le. Ɲííye hiow yamɛi kialɛi polon.

Nsaki 3:17

O diandaa kɔlkalu fula coocoo-o co vɔ fɔlɔn ni, o kon kɔɔli kɔlkalu kɔlɲuloo a kɔlkalu fɛ́ɛ́-fɛ́ɛ́o, o kindù tɛɛlɔn te, o pɛ a ɲííye a kɔmnde kɛndɛlen, o hiyàn vannda le, o muulun te.

Kolɔsea 3:12

Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.

Luke 6:35

Kɛ la kaola yaamɔaa niaa, mì la tosa dɛnɛ kɛndɔɔ, la dɔnda vannda, la yiyan le niaa mingul te. O kon, vɔ̀ngɔ̀ niaa vanin o bɔɔ, la siŋnunnin vɛlɛ Poaa O Hiow-Ɲɔɔn-Kpow-vo, kani vana kɛndɔɔ o co le vanaa sina ikɛndɛ le-a a le vanaa vɔɔnda ni.

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

Talelan 19:17

Vana ke pɛ vana bala fondoo ɲɛ, mɛɛ Mɛlɛka o dɔnda ni. Nduyɛ Mɛlɛka salanin dɔndɔ kon.

Hebreea 6:10

Hala co vana kɛɛ isandu le. O pɔɛɛnun ɲɛ niaa co tosaa-o a kaola niaa cɔm le ndu le, o pɔɛɛnun kpekula niaa co vanaa Hala-a solio lan te.

Daniɛl 4:27

mó deŋi coocoo aa: «Babilɔn co hoo ni! Kobi bɛndu ya tangul le vaa kobi ni lemasaa-o, i tangul ndu a kpaaya ni bɛndoo, le biilu ni lemasaa cɔmndo.»

Hebreea 4:16

Lelan n sɔɔngun Hala kaola naa-o o ibuŋ a laalanndo mì n sɔla malɔɔ lahakio, mò tuinun naa iɲíí le naa malaa o telen bɛnda-o.

Talelan 11:17

Vanakɛndɛyɛi tosaa naŋ le vana co ndi tosaa-o, kɛ dɛnɛ palaa vana kɔlvesɛiyo tuisin ndu pila coo ni.

1Piɛr 2:10

Niaa ve paandu vanaa ndɔ le, kɛ hau nin, la siŋnun yungu Hala-o, ɲíí ve paandu le niaa le, kɛ hau nin la sɔla ɲííye tuinɔnndo.

Marke 11:25

Telen niaa co cɔnɔn isisi le piɛilen-ndo, te sɔɛi pum co pɛ niaa o kɔl a vanndo pum, la mal ndu haki, haliko mi fuɲa niaa co o halataala-o bɛɛ mal niaa haki le tɛɛmbuula niaalan.

Talelan 14:21

Vana pɛɛsa pɛ caanda o tosa hakio, kɛ dɛnɛ co le vana kon, vana nɔ ɲííye a vanaa bala fondoa-o.

Osee 2:1

«Kɛ paale vanin, mì Israɛlla kui taw. À vanin sɛ́lɛ́ maa sióónndon o mɛmma ihɛllan kɔngɔ. Vana nɔlanin nda cɔmndo le. Fonda ndáà va nda paandu dimullo-o aa: ‹La co yungu ni le›, a dimulnin nda o fonda kon aa: ‹Cuavaa Hala yoomaa niaa co ni.›

Condii lisai 112:9

Mò ke vanaa bala fondoa ɲɔɔn taw, dɛnɛ sandaa ndɔɔ vanin le fɛɛn a fɛɛn. O nɔnin kpaayaa, mì vannda ke ndu bɛɛlen.

Condii lisai 112:4

Hali o ɲumndan nin, ɲɛ-tengaa vanin le vanaa dendu kɔltan-nda, le vanaa nɔ kɛndɛi ma kaola caanda a ɲííye-a.

Condii lisai 37:26

Lepalaa-lepala vana sandaa co vannda kɛndɛi tosallo, o co nda ɲɔɔn dɔndaa. Duaa cuavaa ndɔa siŋnùn ni.

1Timote 1:13

Ya va paandu sɔɔn tanan dimio a ndu o kɔɔ-o, ya va ndu yɛlen tollo mí i va ndu yeowlan-ndo pɛɛn. Kɛ Hala tuinun ya iɲíí, kani o sínà lepɛŋndo nin a o laalan lepɛŋndo nin ya va kon tosaa ni.

1Korɛntea 7:25

Le felengia sínà vɔ dɛnɛ vanapɔnɔ le-a yɛ, Maalii dimul-la isɔɔ a nda o kɔɔ le, kɛ yiyan nuu ya co dimi ni, ya Mɛlɛka ce ho ɲia mó siinguu ya vana o nɔla mò tiindan-ndo-o pɛɛn.

1Timote 1:16

Kɛ lelan Hala tuinun ya iɲíí ni. Yeesu Krista ndóò yeema mí ndóò cɔm biuvɔn ndɔ nɔ lamɛɛlu loo o ya vana lahaki bɛndoo nin, haliko mi biuvɔn kon va tɔɔmaseloo le vanaa ndáà hun laalannin ndu, mì ndáà sɔla yoomu fɛɛn-fɛɛn ndo-a.

Osee 2:23

Mɛlɛka dimi nuaa ni aa: «Paale len, i mulinin piɛilen. I mululnin halataala piɛilen, mì halataala mulul lɛŋnden piɛilen,

Osee 1:6

Mí Komɛr cua vɛlɛ folio, mó vialu hɔ́ɔ́ laandoo. Mí Mɛlɛka dimul Osee aa: «Ke ndu diolan aa Lo-Ruhama (kon co dimio ni aa «Kaolan te»). Kani i lonin cuavaa Israɛlla koalaa tuŋ te, i ve lɛnin nda hakio malɔɔ tuŋ te!

Esai 57:1

Vanaa sandaa co piɔ́mndo sɔlaa, kɛ vana-vana co saalan le vu nda co kon ndo le, vanaa tosaa dɛnɛ kɛndɛa co cuuo, kɛ vana-vana co bila biyɔɔ maa le dɛnɛ vɔɔndo hiɔlɔnndo le nda co cuu kon te.

2Korɛntea 4:1

Lelan, le tùú Mɛlɛka tuinun naa iɲíí, mó ke naa vallo ho le tosaa-o, n vunnun n'dial te.

Rɔmnda 11:30

Lɔ́ɔ́ kon, mí la kɛɛ Hala diom, kɛ sunsun, Hala tuinun niaa iɲíí le tùú Israɛlla kɛɛ Hala diom-ndo.

2Samiɛl 17:28

yoo nda kpelela hinialan, kolala keeselan a kpɛɛnɛn puulon. Má yɔngu nda vɛlɛ maalon, ɔrse, kpeyanndo, kulun toaŋan, kavun bɛndon, cabueenndon,

Talelan 11:25

Vana tosal vannda kɛndɛi-yo vanin o piaa lɔ́ɔ́-lɔ́ɔ̀ a ɲɛm kɛndɔn, vana ke caanda ma kol-lo sɔlanin le kolɔɔ.