Matie 5:6 - BII BILA

⁶ Dɛnɛ kɛndɔɔ co le vanaa yeemɛi bii le dɛnɛ sandaa mɛɛ yiaan a kolɔɔ bii vana nuaa yɛ-a, kani a pumnin.

Matie 5:6 Referans Kwoze

Nsaŋ 4:14

kɛ vana kol pɛ mɛmma ya co ndu yɔngu-an, kolɔɔ bii lɛnin ndu lɔ́ɔ́-lɔ́ɔ̀ le. Mɛmma ya co ndu man yɔngu-an ma siŋnunnin pee-lebollo ndu nin, mì mɛmma ndɔan ma kɔɛ háá o cinda fɛɛn-fɛɛndo nin.»

Condii lisai 107:9

Kani o ke vanaa kolɔɔ bii-a mɛnndan, mó ke vanaa yiyan ma va nɛiyo-a ɲɛm dian kɛndɔn.

Nsaŋ 6:27

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Condii lisai 145:19

O co vanaa nɔ siòòŋii ndɔɛi-ya o nda yeema-o yɔngoo, o co cɛɛŋɔnnda ndalan tuieyɔɔ mo va nda ciindiaa.

Nsaŋ 7:37

O paale mɛɛlaalen, paale bɛndule kafolen, mí Yeesu can isisi, mó deŋi aa: «Vana kolɔɔ bii pɛ, o hun o ya lo mo kol.

Dɛnnda cɔɔmuanndan 7:16

Yima nɛi lɛnin nda le, kolɔɔ bii lɛnin nda le, paale loo lɛnin nda le, kùlúkúlù ve lɛnin nda le.

Luke 6:21

Dɛnɛ kɛndɔɔ co le vanaa yiaan ma co nɛiyo sunsun-nda, kani la pumnin. Dɛnɛ kɛndɔɔ co le niaa co caŋndo sunsun-nda, kani la dɔawnunnin ɲaale.

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

Luke 1:53

O yɔngu vanaa yiaan ma va nɛiyo-a ɲɛ-sɔlaa taw, mó mingi vanaa bolofaa vanaa bala fondoa.

Esai 65:13

Lelan, nuaa Maalii Hala soo ni aa: La tuei-yɔ, vanaa niaa baalaa vanin ɲɛdiaa dioo, niaa niaa, yiaan ma vanin niaa nɛiyo, vanaa niaa baalaa vanin kolɔɔ. Kɛ niaa, la vanin a bolola vesɛilan, vanaa niaa baalaa nda vanin ɲaaloo dɔwnɔnndo, kɛ niaa niaa, siɛmbulan la vanin niaa coo.

Condii lisai 65:4

Tɛɛmbuula nilan la lusul bɔɔ, kɛ nɔm, a malnin naa haki.

Esai 25:6

Mɛlɛka-Nɔ-Kpaayaa-Kpow-vo tuisi kafo diaa le vannda súúlan kpow o pembei he coo, o toosiaanin ɲɛm dian yeelɛiyon, mɔima kálà-kálàn, visin macuɛiyon a mɔima kálà-kálàma yueinun-ndan.

Condii lisai 84:2

Éé Mɛlɛka-Nɔ-Kpaayaa-Kpow-vo, i kaola bɔɔ cɛi nɔmndo!

Luke 6:25

Dangaa co le niaa co pumndo sunsun-nda, kani yiaan ma nɛinin niaa. Dangaa co le niaa co mamɔɔ-a, kani mɔnɛi biinin niaa mì la can.

Esai 41:17

Vanaa bala fondoa a vanaa ikɔɔa co mɛnndan nuwviaa, kɛ ma co le. Diɛɛmuei co nda vesaa o lasondo a kolɔɔ iyeemaa. Ya Mɛlɛka, i kenin nda (mɛnndan), ya Hala Israɛlla, i melnin nda le.

Condii lisai 63:5

Háá mì vi, i vanin nɔm balikaa mello, i vanin balan heeloo coo mì va nɔm piɛiyo.

Condii lisai 17:15

Kɛ ya ya, i canin hɔlaa nɔmnda o sandei nin, tuma ya tiandunin-ndo, i tofanin nɔm háá mì pim.

Condii kɛndɛ-kɛndɛi 5:1

«I luɛi o nakɔ nuu nin, yemanndo, nɔm ya co cuaa o nɔu nin-ndo. I co mir nuu a ɲɛm cun kɛndɛn nun kiɔndɔɔ. I co vaa malɛ nuu sɔɔsiaa a lɛma nian deembuuo. I co mɔima nian a nɔnɔma nian kolɔɔ. Caaŋaa nia, la dio! La kol mɔima kaolan mì ma bii niaa.

Esai 66:11

haliko mi la vɔɛi mɛɛle ndɔle ɲɔɔlu vana len, mì la pim ca, haliko mi la sɔɔsiaa biilu ndɔ peelan bɛndu-bɛndoo, mì la tuei ndu yeela tɛfulu.

Talelan 10:24

Dɛnnda vana vɔɔndo vo lan, lan la komal ndu ni. Dɛnnda vana sandaa yeema lan, lan o sɔlani.

Talelan 21:21

Vana kindìn le dɛnɛ sandaa a dɛnɛ sakpoo tosaa-o viaw yoomu ni. Vannda tosalnin vana kon dɛnɛ sandaa, mà ke ndu bɛɛlen.

Yeremi 31:25

Kani i kenin vanaa co o sangaa nin-nda kɔlɲuloo mì mingi vanaa nɔ lɛ mayoomu le-a yoomuan.