Matie 5:5 - BII BILA

⁵ Dɛnɛ kɛndɔɔ co le vanaa vi kɔltan-nda, kani a sɔlanin lɛŋnden kɛ́ɔ.

Matie 5:5 Referans Kwoze

Condii lisai 37:11

Kɛ vanaa tuisin tootoo-a sɔlanin lɛŋnden kɛ́ɔ, a vannunnin o kɔlɲulu bɛndoo nin.

Esai 29:19

Vanaa ikɔɔa dɔawnunnin ɲaale taw o Mɛlɛka nin, vanaa bala fondoa siinguunin O-Diandaa Israɛlla kɔlkɛndɛ ndaa.

Nsaki 3:13

Nɛ̀ɛ́-nɛ̀ co yɛ vana kɔlkaloo a vana sinaa dɛnɔɔ o niaa tɛɛn? Vana kon bɛnda mò cɔm o kela ndɔ kɛndɔɔ nin maa dɛnnda ndɔlan la fula o tuisinndo nin a o kɔlkaloo nin.

Condii lisai 149:4

Kani Mɛlɛka co a ɲaaloo le vanaa ndɔa, o cii vanaa tuisin tootoo-a ciindiaa le lɔ́ɔ́-lɔ́ɔ̀.

Kalatea 5:23

vili kɛndɔɔ a kɔllo biyɔɔ ni. Tɔŋndo co dɛnnda vaa lende cɔlɔbaa le.

Nsaki 1:21

Lelan, la màl dɛnnda nɔɔlɛilan a dɛnnda kɔlvesɛila bɛndulan kpow o fɛ́ɛ́-fɛ́ɛ́o nin, mì la bii sɔɛi tɔlnun niaa o lakɔl-le a sɔɛi nɔ̀la mì i baŋa yoomula niaalan-nde.

Condii lisai 25:9

Ndu cɔ̀m vanaa tuisin tootoo-a dɛnnda sandaalan ni, mò pɛɛkuu nda nɛi ndɔɔ.

Kundalan 12:3

Nduyɛ vana tuisian bɛndoo pila Moise va ni, ndóò hiow tuisinndo a vana-vana o lɛŋnden coo.

Kolɔsea 3:12

Vanaa co o yungu Hala-o nin-nda niaa co ni. Hala hɛli niaa mó kaola niaa. Lelan la va vanaa iɲííya, vanaa ikɛndɛa, vanaa tuisiannda, vanaa kɛndɛa a vanaa biuvannda.

Matie 11:29

La siilun volɔɔla nilan, mì la sɔla pɛɛku nuu, kani vana vi kɔllo-o a vana tuisianndo ya co ni, la sɔlanin pɛngio o kɔlta niaalan nin.

Efɛsea 4:2

La tuisin o dɛnndan kpow nin mì la va vanaa súú kɛndɛa, mì la biwnun. La biwnan vellaa-velle o kaolaa nin.

1Piɛr 3:15

Kɛ la ke Krista co Maalii-o bɛɛlen o kɔlta niaalan nin. La va lɔ́ɔ́-lɔ́ɔ̀ a bɛɛndiannda, haliko te vanndo ɲuna pɛ niaa le kɔlɔ niaa nɔ kɔlkɛsiaa-o, la tɛɛsial ndu kɔlɔ kon.

Sofoni 2:3

Lelan, niaa vanaa tuisiaŋaa co o lɛŋnden coo-a, la muli hɔlla o Mɛlɛka lo. Niaa vanaa dɛnɛ sandaa, la nuwviaa ɲɛ-ɲɛ co dɛnɛ sandaa, la kindin le vaa vanaa tuisiannda. O kon mì la sɔla baŋaa o paale kɔltuwle Mɛlɛka len coo.»

Tite 3:2

A dimi dɛnɛ vɔɔn vana-vana le, a va vanaa kɔlta ɲulua a vanaa kɔlta kɛndɛa, mà va vanaa tuisiannda a vannda kpow.

Condii lisai 37:22

Vanaa Mɛlɛka co duaa dɔvɔɔ-a sɔlanin lɛŋnden kɛ́ɔ, kɛ vanaa o co dangaa dɔvɔɔ-a cuunin.

Condii lisai 37:9

Kani vanaa yɔŋ vɔɔnda cuunin, kɛ vanaa tiindan Mɛlɛka-a sɔlanin lɛŋnden kɛ́ɔ.

1Piɛr 3:4

kɛ la naŋ naŋɔɔ kɔllo, la nɔ kɔlɲuloo a kɔlkɛndɔɔ, cuɛinɔn kɔl tembu loo co kon ni, o Hala ce ɲɛ sɔvɛ bɛndoo-o.

Esai 11:4

Kɛ o kialunin yamɛi vanaa bala fondoa a sandei, o kilulnin vanaa co o sangaa nin o lɛŋnden coo-a yamɛi sandɛi sakpo. O lɔanin lɛŋnden a sɔɛi ndɔɛi maa a lesiondoo. O hulnin a cɔcɔn ndɔn mo dii vana kɔlvesɛiyo.

Condii lisai 25:13

O vanin o dɛnɛ kɛndɔɔ nin, mì cuavaa ndɔa sɔla lɛŋnden kɛ́ɔ.

1Timote 6:11

Kɛ nɔm vana Hala-o, kpakpala dɛnnda lan kpow, mà kindin le dɛnɛ sandaa a hɛnan Hala-o tosaa, a laalanndo, a kaolaa a á biuvɔnndo, mà kindin vɛlɛ le vaa vana sinaa ikɛndɔɔ a ndu.

Condii lisai 69:32

Sangala kon hiow Mɛlɛka hɛnanndo a ndu sálàla n'nawlan solullo, kon hiow ndu hɛnan a ndu naw tova nɔ leelan a buukulan-ndo sálàá solullo.

Condii lisai 37:29

Vanaa sandaa sɔlanin lɛŋnden kɛ́ɔ, mà cal lenin le fɛɛn a fɛɛn.

Condii lisai 37:34

Tiindan Mɛlɛka, ma kela o nɛi ndɔɔ coo. O heelunin nɔm, ma sɔla lɛŋnden kɛ́ɔ. O kon, nɔm pila canin vanaa kɔlvesɛiya ɲumndo bòmbò.

2Timote 2:25

O bɛnda mò mingi vanaa co ndu simullo-a o nɛi a kɔlɲuloo, mò nɔ o kɔl maa Hala co tosa, mà mangalan, mà sina toɲaa,

Rɔmnda 4:13

Mí Hala yiilu Abraham a cuavaa ndɔa imamaa kpemaa, maa a sɔlanin ceendo kɛ́ɔ. O ve le mɛɛ o va tɔŋndo biyɔɔ yɛ le, kɛ le tùú ndóò ce ndu vana sandaa le laalan ndɔɔ-o o yiilu ndu kpema kon ni.

Condii lisai 147:6

Mɛlɛka mala vanaa tuisin tootoo-a ni, mà cɛn. Kɛɛ tuisio o tuisi vanaa yɔŋ vɔɔnda ni, mà tiiya lɛŋ dí.

Matie 21:5

«La dimul vannda Siɔn aa: ‹La tofa vɔ masa niaa hunɔɔ o niaa lo. O co vana kɛndɛ bɛndu. O co icali o sofɛlɔɔ coo, sofɛlɛ téndóó pɛɛn, o sofɛlɛ laandoo kom-ndo.›»

Esai 60:21

Vanaa sandaa kposon vanin o vanaa nɔmnda tɛɛn ni, lɛŋnden le vanin sumialii nda le lɔ́ɔ́-lɔ́ɔ̀. Tɛiyun yɔmun ya pila tɔl-lon nda co ni, vali ya tosa a bala nilan le salamayɛi nii cɔmndo-o nda co ni.

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

Condii lisai 22:26

Nɔm co tosaa ni mì va diola nɔmndan lisaa vannda taw tɛɛn, i peelunin ciɛ́ɔn ya cua-on vanaa nɔ siòòŋii nɔmnde-a kpow o hɔl.