Matie 5:3 - BII BILA

³ «Dɛnɛ kɛndɔɔ co le vanaa tuisin tootoo o kɔlta ndalan nin-nda, kani masale halataala len le co le nda.

Matie 5:3 Referans Kwoze

Esai 66:2

Ɲɛm mun kpow, ba nuu cɔw mun ni, o kon n mun kpow n va mɛɛ n co yɛ, ya Mɛlɛka co sɔɛi nuaa ni. Tofa vɔ, vana ya landunin hɔlla coo-o, ndu co vana ikɔɔ co o mɔnɛi nin-ndo ni, o co ɲiiyaa a siòònde a sɔɛi nii-o.

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Condii lisai 34:18

Vanaa sandaa koŋul pɛ, Mɛlɛka tuei nda diom, ò soli nda o buulannda ndalan kpow nin.

Talelan 16:19

Calle o tuisinndo nin o kunda vanaa bala fondoa tɛɛn co fisa, a bolofaa cɔwvo piɔvanndo niaa vanaa yongaa.

Luke 18:14

I co niaa dimul, mí Hala tuinun vana biyaa muloo iɲíí, mó muungu o ndu lo bɛ́ɛ̀, kɛ o tuinun o pilɔɔ iɲíí le. Lelan, vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

2Dɛnnda lemasalan 7:14

te vanaa nia diola nilan la co piɔlnɔnndo coo-a tuisin pɛ tootoo, mà piɛi, mà nuwviaa ya, taa mangala pɛ kela nda vɔɔndo, ya Mɛlɛka, i lonin o halataala mì mulul nda piɛilen, mì mal nda haki le haki ndaa, mì singi lɛŋnde ndalen.

Condii lisai 51:17

Maalii, kumbi cɔcɔn nun, mì sondo nuu lisa nɔm.

Esai 57:15

Kani Ó-Hiow-Ɲɔɔn-Kpow-vo, o calta ndɔlan la co le fɛɛn a fɛɛn-ndo, o diola ndɔlan la co ladiandaa-o soo nuaa ni mó dimi aa: «I co icali o fondala vilɛi-vilɛilan nin coocoo pɔɔli, i connun icali lon o diondɔɔ nin. Kɛ i co vɛlɛ icali naa vana co o mɔnɛi nin-ndo a vana cennun o pɔmbɔ o yiyan-ndɔɔ nin-ndo, haliko mi luei yiyannda vanaa cennun a pɔmbɔ-a yoomuan, mi nɛŋi kɔlta vanaa co o mɔnɛi nin-nda.

Nsaki 2:5

Puapilɛa nia hɛnan ya-a, la yaŋ-ndɔ nilan. Vɛ̀ɛ̀ o co hɛlio le Hala hɛli vanaa bala fondoa o ceendo nin le nda siinguuo vanaa bolofaa o laalanndo nin te? O hɛli nda haliko ma sɔla Masale o yiilu vanaa kaola ndu-a kpemaa len.

Esai 61:1

«Kɔl Maalii Hala-o co ya coo, kani (Mɛlɛka) pɔla ya, o vem ya le kɔlan vanaa co o sangaa nin-nda yoongu kɛndɔɔ tɛɛngullo, le vanaa nɔ mɔnɛi o lakɔl-la cɛwvo, le vanaa co o biyɔɔ nin-nda yoongu baŋan ndaa dimullo, le vanaa kaasoa yoongu sɔlaa ihɔɔyaa dimullo.

2Dɛnnda lemasalan 34:27

Le tùú sɔɛi ndu Mɛlɛka dimi a fondaa ho a á vanaa co lenin-nda o kɔɔ-e i pilan ndu masaa kɔllo, mó tuisin tootoo mɛlɛka o hɔl-lo, le tùú o tuisin tootoo mó sɛɛsian volɔɔlan lekɔɔ-o, le tùú o yaŋ vɛlɛ Mɛlɛka nilan-ndo, Mɛlɛka bɛɛ tuei ndu diom. Sɔɛi Mɛlɛka dimi-e co ken ni.

Misee 6:8

Niaa vanndacieea sei! Kámáá a cɔm niaa dɛnɛ sandaa! À cɔm niaa ɲɛ Mɛlɛka yeema mì vanndacieea tosa-o. Ɲɛ kon co ni mì la kela kela sandaa, mì la kaola lou o diomnden coo, mì la kela ɲɛkɛndɛi o nɛila Hala niaa cɔm niaa lan coo.»

Luke 11:28

Kɛ mí Yeesu mulul ndu aa: «Lende i co ni, kɛ nduyɛ, vanaa tuei sɔɛi Hala-e má bii ndi-a, le nda dɛnɛ kɛndɔɔ co ni.»

Condii lisai 112:1

La lisa Mɛlɛka. Dɛnɛ kɛndɔɔ co le vana nɔ siòòŋii Mɛlɛka-e-o, o dɔawnun ɲaale taw o tɔŋnda ndɔlan biyɔɔ nin-ndo!

Condii lisai 1:1

Dɛnɛ kɛndɔɔ co le vana kon, vana kela o silala vanaa kɔlvesɛiya coo loo, vana sim o nɛi vanaa lahakia coo loo, vana cel o kunda vanaa mamaa n'vannda tɛɛn too.

SƐBƐ YƆB-O 42:6

Lelan, diom oo diom yáà dimi a nɔm o kɔɔ, i ce nihau maa i nɔ dí le. A ce ya lɛŋ o cundoo nin a o pultan nin sakpo.›»

Matie 11:25

O telen kon, mí Yeesu soaa, mó dimi aa: «Pua, nɔm co Vana bɛndoo o halataala a o lɛŋnden coo-o, i mel nɔm balika, le tùú n vin vanaa dɛnɛ sinaa a vanaa kɔlkalua sɔɔn mun, má cɔm cuaambɔa mun-ndo.

Luke 4:18

«Kɔl Hala-o co ya coo, kani o hɛli ya le vanaa bala fondoa Yoongu Kɛndɔɔ tiiyallo. Le vanaa co o kaasolan-nda baŋaa, le vanaa sumɛiya hɔltan kumbio, le vanaa co o sangaa nin-nda pɛngio keo,

Marke 10:14

Yeesu cɔu lende, mó tambu kɔllo, mó dimul nda aa: «La mal cuaambɔa pɔmbɔa hunɔɔ o ya lo, la kuuna nda le, kani le vanaa co maa nda-a masale Hala len le co ni.

Matie 13:16

Kɛ niaa, dɛnɛ kɛndɔɔ co le niaa! Kani hɔlta niaalan la co cɔu, nila niaalan la co tueyɔɔ.

Esai 30:18

O va bɛɛ lende, Mɛlɛka co telenndo cumndo le niaa kɛndɛi tosallo, o cannin mò tuinun niaa iɲíí, kani Mɛlɛka ndu, Hala sandaa o co ni. Dɛnɛ kɛndɔɔ co le vanaa nɔ kɔlkɛsiaa o ndu nin-nda kpede!

Condii lisai 146:5

Duaa co le vanaa Hala Yakɔb-o co malaa-a, a co ndu tiindanndo-a pɛɛn.

2Dɛnnda lemasalan 33:12

Manase lo o sanga bɛndu kon nin, mó kindin le Mɛlɛka Hala ndɔɔ kɔllo ɲulullo, mó sɔlɔlan hakila ndɔlan Hala fuɲaa ndɔa mamaa o hɔl,

Condii lisai 41:1

Condii David-e, í fula o condun simlacinɔ vanaa n'condua nin-nde.

Condii lisai 2:12

La ke poo bɛɛlen, yɔŋii o tuulu kɔl, mò tɛɛmbuu niaa o nɛi niaa coo, kani o nɛi kɔl tuulu le. Dɛnɛ kɛndɔɔ co le vanaa tiindan ndu-a kpow!

2Dɛnnda lemasalan 33:23

Kɛ, ndu Amon cɛl le Mɛlɛka bɛɛlen keo maa Manase fuɲa ndɔ le, mó tosa hakilan hiovɔɔ la fuɲa ndɔ tosa lan coo.

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

Nsaŋ 20:29

Mí Yeesu dimul ndu aa: «Le mɛɛ n ce ya yɛ n laalan ni baa? Dɛnɛ kɛndɔɔ co le vanaa ci ya le-a, kɛ má laalan!»

Matie 24:46

Dɛnɛ kɛndɔɔ co le vana baala kon, o vana ndɔ bɛndoo komalnin baala kon tosaa telen o muungunin-ndo-o.

Condii lisai 84:12

Kani paalen a kɔ̀ɔ̀ cɔwvo Hala co ni, o co naa kɛndɛi tosal-lo mo va naa bɛɛlen keo. O kɛɛ le vanaa co kelaa o nɛila ndɔlan coo-a dɛnɛ kɛndɔɔ tosal-lo le.

Tɔŋ miingua 8:2

La loonun a nɛi Mɛlɛka Hala niaa yɛɛ niaa coo o vɔsila belehiɔɔlulan-ndan bɛngu o lɛŋnde veselɛilen nin-ndo. O tosa kon le niaa siɛmbulan tuisio, le niaa tɔɔndanndo, le yiyannda co niaa o kɔl-tan sinaa a le sinaa te niáà biinin tɔŋnda ndɔlan.

Nsaki 1:10

mì vana bolofaa ndu kuundian le tuisi Hala co ndu-o, kani o hiawnin mɛɛ fúla billo la hiaw nuaa yɛ.

Talelan 8:32

«Poaa niaa sei! La yaŋ niko ya nilan, dɛnɛ kɛndɔɔ co le vanaa kan, vanaa kela o nɛila nilan coo-a.

2Dɛnnda lemasalan 33:19

Piɛile ndɔlen, mingin Mɛlɛka mingin ndu o ibuŋ-ndo, hakila ndɔlan kpow, kɛɛ o kɛɛ lou o lediom coo-o, fondala ndóò tangul sooluulan telen pá mó tuisin Mɛlɛka o labɛngunin-ndan a nɛɛ ndóò kɛsi yɔmii soolɛi a sooluulan-nda kpede la co lasɛvaalan o sɛbɛ Hosai-yo nin.

Dɛnnda cɔɔmuanndan 22:14

Dɛnɛ kɛndɔɔ co le vanaa co domala ndala bɛndulan tɔ́ɔ́-a. A sɔlanin dio le kɔmnde yɔm yoomaa sɔlaa, o kon mà kei o diola kobio le luɛyɔɔ lenin.

Dɛnnda cɔɔmuanndan 19:9

Mí mɛlɛkanɔɔ dimul-la aa: «Sɛva aa: ‹Dɛnɛ kɛndɔɔ co le nda, vanaa sɔla veeloo le ɲɛdiaa kafo yiyaa nɔ Saa téndóó-a.› O kon mó dimul-la aa: ‹Sɔɔn toɲan Hala-on co mun ni.›»

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Condii lisai 128:1

Condii vannda keì solio nɛi-tɛɛn o kɔlan-nde. Duaa co le vanaa nɔ siòòŋii Mɛlɛka-e, mà va kelaa o nɛila ndɔlan coo-a kpow!

Matie 11:6

Dɛnɛ kɛndɔɔ co le vana kon, o delnin o lapɔw nin le dɛnɛ nuu loo.»

Matie 8:11

Mì dimul niaa, vanaa bɔɔ-bɔɔ a fulanin a ba paalen le can-ndo a á ba paalen le del-lo, mà de o tabali pilɔɔ nda Abraham, Isaak a Yakɔb o masale halataala len nin.

Matie 3:2

mó va dimio aa: «La mal yɔŋ vɔɔndo mì la mangalan, kani masale halataala len le co le tiiyaa.»

Matie 19:14

Mí Yeesu dimi aa: «La mal cuaambɔa pɔmbɔa hunɔɔ o ya lo, la kuuna nda le. Kani le vanaa co maa nda-a masale halataala len le co ni.»

Luke 22:29

Lelan i co niaa masalen yɔngu, maa mɛɛ Fuɲa nuu yɔngu ya yɛ,

Luke 22:30

haliko mi la de, mi la kol naa niaa latulu o masale nilen nin. La calnin vɛlɛ o kpɛŋɛla lemasalan nin le yamɛi polama tɔ́ a mamiɔmma Israɛlla kiolɔɔ.»

Dɛnnda cɔɔmuanndan 3:17

Kani a co dimio aa: Vana bolofaa ya co ni, i pɛ a bolofaa taw, i hew lɛ ba a ɲɛ-ɲɛ le. A co sínà maa a cuu dikpilan te? Kuɛi, bala fondolan, sumaa a fɛ́lio tol nɔm coo.