Matie 5:22 - BII BILA

²² Kɛ ya, i co niaa dimul: vana-vana tuulu pɛ kɔl a puapilɛ ndɔɔ, a kiolu ndu iyama. Vana dimul pɛ puapilɛ ndɔɔ aa: ‹A kindu kɔl te›, vanaa bɛndua kialu yaman lelɛŋndon-nda bɛnda mà cal o sɔɛi ndɔɛi coo. Vana dimul pɛ puapilɛ ndɔɔ aa: ‹Diɔmndo n co ni›, ndu bɛnda mò kɔɛ o ɲánndávàà.

Matie 5:22 Referans Kwoze

1Nsaŋ 2:9

Vana dimi pɛ maa o co o ɲɛ-tengaa nin, kɛ mì puapilɛ ndɔɔ nɛinun ndu, mɛɛ o ɲumndan nin ndu co vɔ ni.

Nsaki 3:6

Nduyɛ, diɛɛmulen bɛɛ yinnden le co ni. Ceen dɛnɛ sandaa lepɛŋndo le co o dialun naan nin ni. Le co diallon kpow nɔɔliaa mì le va vanacieeyɛi nɛi kpow lomɔɔ. O Ɲánndávàà yinnde ndɔle len le fula ni.

Tite 3:2

A dimi dɛnɛ vɔɔn vana-vana le, a va vanaa kɔlta ɲulua a vanaa kɔlta kɛndɛa, mà va vanaa tuisiannda a vannda kpow.

Matie 10:28

La vò vanaa dii diallon kɛ a nɔla kɔllo diyɔɔ le-a le. Kɛ o niaa vo-o co Vana tosà mì kɔllo a diallon kɔɛ o ɲánndávàà-o ni.

Matie 18:35

Mí Yeesu dimi vɛlɛ aa: «Lende koni Fuɲa ni co o halataala-o tosanin a niaa ni, te la mel puapilɛa niaa haki a kɔlta niaalan kpow le.»

1Piɛr 3:9

La mingì maa dɛnɛ vɔɔndo le, la mingì yeiyo le. Kɛ o niaa bɛnda le tosaa-o co duaa dɔvɔɔ ni, kani le ken niaa sɔla veeloo ni, haliko mi la loo duaa.

Rɔmnda 12:10

La kaolian vellaa-velle maa cuavaa mɛɛle pilɛ. La kindin fɔlɔn mì la kenan bɛɛlen vellaa-velle.

1Piɛr 2:23

ndu nda yei o mingi loo, ndu nda saangiaa, o pasa loo, kɛ mó mɛi Hala Vana kialaa iyama sandaa sɔɛi ndɔɛi o ba.

Matie 18:21

O kon mí Piɛr sɔɔnguu, mó dimi aa: «Maalii, te puapilɛ nuu cua pɛ hakio a ya, vɛ̀ɛ̀ kpɛ́ ya bɛnda yɛ mì mal ndu haki? Vɛ̀ɛ̀ bɛmbɛ leŋɔmmɛw ni?» Mí Yeesu mulul ndu aa:

Condii lisai 109:3

A balu ya a sɔɔn nɛi vana kɔllo-on, a co ya delɔɔ coo fondo fúú.

Condii lisai 37:8

Mal kɔltuwvo, ma mal kɔlfulaa. Tuulu kɔllo le, yɔŋii n tosa dɛnɛ vɔɔndo.

Yude 1:9

Nduyɛ, hali lɔ́ɔ́ Misɛl simlacinɔ mɛlɛkaa va sɛɛngianndo nda masaa ɲinaa vɔɔnda le dialun Moise-on ndo, o dimul ndu diomnda vɔɔnda vaa lende le, kɛ nuaa o dimul ndu ni aa: «Màá Mɛlɛka tuisi nɔm dɛnɛ palaa coo!»

1Nsaŋ 3:10

Mɛɛ vana sínà cuavaa Hala-a a cuavaa masa ɲinaa vɔɔnda yɛ co hoo ni: vana-vana tosa dɛnɛ sandaa le, vana-vana kaola vɛlɛ puapilɛ ndɔɔ le, mɛɛ ndu co o Hala le.

Dɛnnda kiilaa 17:18

Vanaa kɔlkalua del Epikuri nda Stoise kɔɔli-a a pum a va ndu sɛɛngiaa. Mí a pum a va ɲunaa aa: «Yɛɛ vana tombolaa ho yeema yɛ dimio?» Mí a pum nda dimi aa: «Bɔɔle a halaa mialla o kɔɔ o co sɔɛi nuaa ni.» Le tùú nda tuei Pol sɔɛi a Yoongu Kɛndɛ Yeesu-o o kɔɔ a á tendul ndɔɔ fulaa vanvílɛ́iya tɛɛn-ndo o kɔɔ-o nda va dimio lende ni.

1Tesalonikea 4:6

Vana-vana pílàn puapilɛ ndɔɔ tana le, vana-vana tɛɛmbuu puapilɛ ndɔɔ labɛɛ o sɔɛi he nin te. Maa mɛɛ naa n dimul niaa sɔɛi ken kpéŋ-kpéŋ yɛ, Mɛlɛka tuisinin vannda sangaa coo le hakila vaa lende.

Marke 14:55

Mí simlacia vanaa-solia-lasálàá a vanaa bɛndua kpow va nɛilan nuwviaa le Yeesu sɔɔn hɛɛnduuo coo haliko mi ndáà dii ndu, kɛ a seelun nɛi oo nɛi le.

Matie 26:59

Mí bolii vanaa-solia-lasálàá a vanaa bɛndua kialu yaman lelɛŋndon-nda va nɛilan nuwviaa le Yeesu còòlan ɲiinduuo, haliko mi ndáà dii ndu.

Tɔŋ miingua 15:11

La sina pɛngu maa vanaa balahavɛiya co va lɔ́ɔ́-lɔ́ɔ̀ o lɛŋnde niaalen nin. Lelan, i sila niaa mì la va pilacieaa niaa malaa a ɲɛm niaan: vanaa ikɔɔa a vanaa bala fondoa co o lɛŋnde niaalen nin-nda pɛɛn.»

Nsaŋ 11:47

O kon mí bolii vanaa-solia-lasálàá a Faliisia mɔɔsiaa vanaa kialaa n'yamaa lelɛŋnda, má dimul nda aa: «Vɛɛ naa n co yɛ tosa? Kani langbanɔɔ ho co bɔɔ dɛnnda kaamaalan tosaa.

Dɛnnda cɔɔmuanndan 20:14

Mí piɔ́m a ciee-piɔ́m sɔla viovɔɔ o dala leyinndo nin. Dala leyin kon co piɔ́m diinndɔɔ ni.

Dɛnnda kiilaa 7:37

Moise kon dimul vɛlɛ Israɛlla ni aa: ‹Hala vimnin niaa vana-tɛɛngaa-diom Hala-o, o co maa ya-o, fulaa o puapilɛa nia tɛɛn.›

Luke 12:5

Kɛ i cɔmnin niaa vana niaa bɛnda le vou-vo. La vo Hala, o nɔ kpaayaa-o, te o cii pɛ vana diyɔɔ, o viow o ɲánndávàà. Maa lekɛ́ndɛi, mì dimul niaa, ndu niaa bɛnda mì la vo ni.

Matie 5:44

Kɛ ya, i co niaa dimul: la kaola yaamɔaa niaa, la piɛi Hala le vanaa co niaa saangiaa a niaa yɛlen tollo-a.

Matie 5:34

Kɛ ya, i co niaa dimul: la mɛnan te. La mɛnan a halataalaa le, kani lon co ɲɛ-calaa lemasa Hala-o ni.

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Abdia 1:10

«Le kɔlvesɛi niaa tosal puapilɛa niaa-o, cuavaa Yakɔb-a pɛɛn, siɛmbulan la toalnin niaa, mì niaa pila cuu le fɛɛn a fɛɛn.

Talelan 14:16

Vana kɔlkaloo nɔ siòòŋii dɛnɛ vɔɔndo, lelan o kpakpala ndu ni. Kɛ diɔm sondo vesɛiyo ndu nɛi bollen vow o dɛnɛ nin te, kani o laalan a ndu pila.

Condii lisai 7:4

Mɛlɛka Hala nuu, te i tosa pɛ dɛnɛ pum, te i luei pɛ balan o dɛnɛ vɔɔndo nin,

O Kandɔɔ 37:4

Mɛɛ bɛndaa ndɔa ce maa ndu fuɲa nda hiow kaola a nda, má cua nɛyɔnndo a ndu. Ndáà dimul lɛ ndu isɔɔ a kɔlɲulu le.

1Nsaŋ 5:16

Te vanndo ce pɛ puapilɛ ndɔɔ haki tosa mì vana vi loo tosaa, o piɛi mì Hala ke ndu yoomoo, te o va pɛ maa lekɛ́ndɛi haki kon tosa mì vana vi le. Haki tosa mì vana vi-o co, o co le haki kon te ya co dimio le piɛilen te.

Nsaki 2:20

Nɔm diɔmndo ho, a yeema lekɛ́ndɛi ma sina maa laalan dɛnndan la co nin too nɛŋi mako le?

Hebreea 12:25

La caa dɛ! La kɛɛ diom vana co sɔɛi o niaa lo-o le. Kani vanaa kɛɛ sɔɛi vana va nda kanalanndo o lɛŋnden coo-o-a helun dɛnɛ palaa ndóò bɛnda le nda delɔɔ coo-o le. Konin te naa, vɛ̀ɛ̀ naa n hialun yɛnin, te n mulul pɛ diom vana fula o halataala le naa kanalanndo-o kɔɔ?

Hebreea 5:9

Nduyɛ, mó peelun o dɛnndan kpow nin. Sunsun, vana-vana bii pɛ sɔɛi ndɔɛi, o ke ndu cinda fɛɛn-fɛɛndo.

1Korɛntea 6:10

vuiya, vanaa nɔ hɔlte ɲɛ-sɔlaa-a, vanaa kolaa mamɔiya, vanaa co vannda yeowlan-nda a vanaa co caanda delɔɔ coo-a a lueinin o Masale Hala len nin te.

1Korɛntea 6:6

Éé niaa! Mɛɛ mì puapilɔɔ kɔ bii sei puapilɛ ndɔɔ o vanaa co vanaa laalan te-a lo?

Dɛnnda kiilaa 5:27

Mɛɛ nda hin a kiilaa kalaa, má kɔ simi nda vanaa kialaa n'yamaa lɛlɛŋnda o hɔl. Mí bolle vanaa-solia-lasálàá can nda sɔɔn hɛɛnduuo coo aa:

Nsaŋ 15:25

Nduyɛ le sɔɛi co i sɛvaa o tɔŋ ndaa nin-nde peelɔnndo kon tosan lende ni aa: ‹A kɛɛ ya o fondo fúúo coo.›

Nsaŋ 8:48

Mí Yuifia mulul ndu aa: «N nɔ manɔa di le dimio maa Samarinɔɔ le n co, mì ɲina vɔɔndo va nɔm nin te?»

Nsaŋ 7:20

Mí sɛ́lɔ́ɔ́ mulul ndu aa: «Ɲina vɔɔndo co nɔm nin ni, ndu co nɛilan nuwviaa le nɔm diyɔɔ ni.»

Marke 15:1

Ɲɔɔ tengaa, mí bolii vanaa-solia-lasálàá tundu nda simlacia, vanaa pɛɛkaa latɔŋnda a vanaa bɛndua tɔ̀a kpow. Má viam vannda, má yii Yeesu, má kɔa a ndu, má kɔ mal ndu Pilate o ba.

Matie 25:41

O kon kɔɔli, o dimulnin a vanin ndu o ba mɛllo coo-a aa: ‹La faŋan ya, niaa vanaa dangaa. La kɔ o yinnde fɛɛn-fɛɛnnden nin, le toosian le masa ɲinaa vɔɔnda a le mɛlɛkaa ndɔa len pɛɛn!

Matie 23:33

Niaa kɛwva ha, niaa hɔ̀ɔ̀lɔ́a! Vɛ̀ɛ̀ niaa ɲaanun yɛnin yamɛi co niaa hunɔɔ kilulɔn le kɔlan o ɲánndávàà-e?

Matie 23:15

Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co heeloo a tuusoo o lɛŋnden coo a o mɛmma ihɛllan coo, le vanndo sɔlaa mò handun niaa coo. O cuu yɛ pɛ handɔn, la cɔm maa o bɛnda mò kɔɛ o ɲánndávàà, maa ndu hiow niaa vɔwlen bɛmbɛ lediin.

Matie 17:5

O lo sɔɛi, mí yumbuyumbu ɲɛ-tengaa pum kumbu nda. Mí diomndo pum soaa o yumbuyumbu kon nin aa: «Po ni ya kaola taw-vo co hoo ni, o ya hɛli a kɔlkɛndɔɔ-o. La bíí ndu diom.»

Matie 12:24

Faliisia tueyɔɔ lende, má dimi aa: «A kpaaya Beɛlsebul, bolle ɲinaa vɔɔnda langbanɔɔ ho co ɲinaa vɔɔnda tovɔɔ ni.»

Matie 10:17

La mandan a vannda, kani a lɔalunin niaa o fondala kialaa n'yamalan, mà lɔɔ niaa o cɛila ndala lekaanndan nin.

Abdia 1:12

Niaa Edɔmnda, niáà bɛnda mí niáà naŋ kɔl le puapilɛa niaa, Yudaa, tofaa o tuma dɛnɛ palaa kon nin te. Niáà bɛnda bɛɛ mí niáà naŋ kɔl tuma nda va kon piɔllo-o le. Niáà bɛnda mi niáà dimi diomnda vɔɔnndan a nda tuma nda va kon o mɔnɛi nin-ndo le.

Daniɛl 3:19

O kon, mí masaa Nebukanɛsar tuulu kɔl taw-taw, háá mí hɔlaa ndɔa diw vaŋ. Mí mɔnɛi bii ndu a Sadrak, Mesak a Abɛd-Neko. Mó viam vannda le tóndó bɛndoo tuuloo bɛmbɛ leŋɔmmɛw hiovɔɔ maa paandu.

Daniɛl 3:13

O kon, mí masaa tuulu kɔl taw-taw, mó viam vannda le hunɔɔ a Sadrak, Mesak a Abɛd-Neko. Má hun a nda o ndu lo.

Cɛɛŋɔnnda Yeremi lan 3:52

Vanaa co ya yɛlen tollo o fondo fúúo coo-a va ya tovɔɔ mɛɛ vana toaw yowvo nuaa yɛ.

Yeremi 17:11

Maa sɔɔ kuumbun o pelta o dow le lan coo-o vana co bolofaa sɔlaa o kafalan nin-ndo co ni. O tiiya pɛ o yoomu ndɔɔ tɛɛn, o mɛi bolofaa kalaa, o mɛɛlulan, o hiŋnun bollen.»

Talelan 18:6

Vana pe lebol too soo pɛ o kelu sɔngɔɔ, sondo ndɔɔ tosà ni mà hol ndu baa.

Condii lisai 92:6

Aa Mɛlɛka! Mbɔ̀ dɛnnda nɔmndan la co labɔɔ, yiyannda nɔmndan la yingila.

Condii lisai 69:4

I co sangaa yondaa le malaa sɔlaa, diomndo kandan ya kpiŋ, i co sangaa hɔlla keeliaa le Hala nuu nuwviaa.

Condii lisai 49:10

Vɛ̀ɛ̀ nda lonin yoomu le lɔ́ɔ́-lɔ́ɔ̀ ni? À tulnin o sɛiyo nin te?

Condii lisai 35:19

Màá yaamɔaa nia ciŋilan ya o fondo fúúo coo-a dɔawnun ɲaale a dɛnɛ nuu o kɔɔ le! Màá vanaa nɔ nɛyɔn nuu fondo fúú-a tofa ya ŋɛlɛn mà yeow ya le!

Condii lisai 25:3

Vanaa tiindan nɔm-nda kpow, o kɛ́-kɛ̀ siɛmbula biinin te. Kɛ vanaa co nɔm dúmbóó yiiyo-a siɛmbulan la biinin ni, mà lo bala fondo.

Condii lisai 14:1

Condii David-e, í fula o condun simlacinɔ vanaa n'condua nin-nde. Diɔmnda co dimio o kɔlta ndalan nin aa: «Hala co le!» A laasian kpede, à luei balan o dɛnnda nɔɔlɛilan nin. Vana pilɛ bɛɛ co dɛnɛ kɛndɛ tosa o nda tɛɛn te.

Nehemi 5:8

mí dimul nda aa: ‹Naa pila n baŋa puapilɛa naa Yuifia nɛɛ nda va a pisiaa o cɛlen nin vanaa celennda o ba-a ni. Kɛ niaa niaa, la co puapilɛa niaa piisuanndo niaa pila o laba.› Má mei kpili, a sɔla mɛ̀ɛ́-mɛ̀ɛ́ mulia le.

2Dɛnnda lemasalan 16:10

Mí Asa tambu kɔl taw a vana-tɛɛngaa-diom Hala-o le sɔɔn o dimi mun-ndon. Mó bii ndu, mó mal ndu o kaasoo. Mó saangiaa vannda pum taw o telen kon bɛngu.

1Masaa 21:4

O kon mí Akab muungu o ndu lo cɛinin a mɔnɛi a á kɔl tambɛiyo le dimul Nabɔt Yisrɛeliinɔ dimul ndu aa «I kenin nɔm kɛ́ fuɲaa nia mamaa le»-o. Mó kɔ hini o kpele, mó mingi hɔlla kɔɔli, mó kɛɛ ɲɛdiaa.

2Samiɛl 16:7

Mó va David yeowlan aa: «Faŋan nanu! Kɔ! Nɔm vana diyaa n'vanndo ho, nɔm diɔmndo ho!

2Samiɛl 6:20

Tuma David va muungoo o ndu lo bɛɛ le yungu ndɔɔ duaa dɔvɔɔ-o, mí Mikal, cua Saul-lo hinul ndu, mó dimul ndu aa: «Àá masa Israɛlla! O tosa hau dɛnɛ lebɛɛ fɔ́! Mó fula kɔɔle fondo cɛa laandua buɛyaa ndɔa piaandua o hɔl maa vana fondo.»

O Kandɔɔ 37:8

Mí bɛndaa ndɔa ɲuna ndu aa: «Bàà nuaa n co yiyanndo ni maa nɔm vanin masaa naa coo ni?» Mó cɔɔlu nda kuisin o kɔl le lɔma sɔlaama ndɔma man a le sɔɔn ndɔn.

Tɔŋ miingua 16:18

«O kobila Mɛlɛka Hala niaa yɔngunin niaa lan kpow nin, la bɛnda mì la handu vanaa kialaa n'yamaa a vanaa sɛvaa o polama niaan coo. Nda vanin vannda yaman kiolɔɔ tɛɛn o sandei nin ni.

2Dɛnnda lemasalan 19:5

Mó kɛsi vanaa kialaa n'yamaa o kobila mayoomula yɛ́-yɛ́la va o tàndá Yuda-o nin-ndan nin.

Luke 22:66

Paalen siɔu, mí simlacia lelɛŋnda, bolii vanaa-solia-lasálàá a vanaa pɛɛkaa latɔŋnda bɔɔŋian, má kɔa a Yeesu o vanaa kialaa n'yamaa lelɛŋnda lo,

Dɛnnda kiilaa 4:15

O kon, má dimul nda le fulaa o bɛ́ɛ̀. O kon kɔɔli, má koma cal niko o sɔɛi ken coo.

Dɛnnda kiilaa 5:21

Mí kiila tosa mɛɛ nda dimul nda yɛ. Paalen siɔu dɔ́ɔ́, má kɔa o Cɛi-Hala-o nin, má kandu vannda pɛɛkoo. Mɛɛ bolle vanaa-solia-lasálàá a vanaa va ndu ikɛi-ya hin, má veelu vanaa kialaa n'yamaa lelɛŋnda a simlacia lelɛŋnda Israɛl kpow. Má viam vannda le kɔlan kiilaa kan cuaa o kaasoo le hunɔɔ a nda.

Dɛnnda kiilaa 6:12

Má luei vannda sɔɔn nin, kaasoŋaa kɔlkalua a vanaa pɛɛkaa latɔŋnda, má kɔ bii Etiɛn, má kɔa a ndu vanaa kialaa n'yamaa lelɛŋnda o hɔl.

Dɛnnda kiilaa 6:15

Vanaa kialaa n'yamaa lelɛŋaa kɛ́-kɛ̀ a va lon a va Etiɛn tofaa, má ca hɔlaa ndɔa maa hɔlaa mɛlɛkanɔ.

Dɛnnda kiilaa 22:30

Simlacinɔ vanaa cɔwva ndóò yeema mì ndóò sina le kɔlɔ kpeekpei Yuifia va Pol sɔɔn hɛɛnduuo coo-o. Lelan, diimandɔɔ, mó dimul vannda, má timbi ndu yɔlɔn. Mó veelu simlacia vanaa-solia-lasálàá a vanaa kialaa n'yamaa lelɛŋnda kpow, má bɔɔŋian. O kon kɔɔli, mó hun a Pol, mó simi ndu nda o hɔl.

Dɛnnda kiilaa 23:1

Mí Pol tofa vanaa kialaa n'yamaa lelɛŋnda, mó dimi aa: «Puapilɛa nia, háá paalen nden hau, a kɔlkɛsiaa nuu kpow ya co Hala baalaa tosallo nuaa ni.»

Dɛnnda kiilaa 24:20

Te o co yɛ kon te, mɛɛ vanaa co haa nanu-a cɔm tɛɛmbuu ya tɛɛmbuu lɔ́ɔ́ ya va vanaa kialaa n'yamaa lelɛŋnda o hɔl-lo,