Matie 5:18 - BII BILA

¹⁸ I co niaa toɲaa dimul, te halataalaa a lɛŋnden le co vɔ pɛ, hali diomnde hiow dɔɔnanndo len, te kon te sɛva hiow dɔɔnanndo-o faŋannin o tɔŋndo coo le, háá mì mɛɛlula ɲɛ-ɲɛ la tiiya.

Matie 5:18 Referans Kwoze

Luke 16:17

Halataalaa a lɛŋnden hiovɔɔ hiawnin va bɛɛn-bɛɛn a sɛva hiow dɔɔnanndo-o faŋanndo o tɔŋndo coo.

Esai 40:8

Billo nɔla mò vesa, mì yandɔɔ ndɔɔ cɛɛlun, kɛ sɔɛi Hala naa ndi vanin o fonda ndɔɔ le fɛɛn a fɛɛn.

1Piɛr 1:25

Kɛ sɔɛi Mɛlɛka-e ndi co le fɛɛn a fɛɛn. Sɔɛi ken yɛ, ndi co Yoongu Kɛndɛ tiiyalan niaa-o ni.

Marke 13:30

I co niaa toɲaa dimul, lambio ho hiwnin te, mì dɛnnda lan kpede la peelun.

Esai 51:6

La heelu vɔ hɔlla o halataala, o kon kɔɔli mì la tofa lebɛngu o lɛŋnden coo! Kani halataalaa mɔɲamɔɔɲanin maa ikum, lɛŋnden le siɔŋnin maa volɔɔla cuɛinan, vanaa co icali o lɛŋnden coo-a vunin maa n'penge, kɛ cinda nuu viawnin le fɛɛn a fɛɛn, nduyɛ dɛnɛ ni sandaa fulanin mayoomu le.

Dɛnnda cɔɔmuanndan 20:11

O kon mí ca kpɛŋɛ lemasa bɛndu humboo pum a vana va icali lenin-ndo. Mí lɛŋnden a halataalaa ɲaanun ndu, má kɔannun polon, vanaa ci lɛ foofo ndaa le.

Condii lisai 102:26

Nɔm cɔw lɔ́ɔ́ kon lɛŋnden ni, mí bala nɔmndan la cɔaw vɛlɛ halataala.

Nsaŋ 5:19

O kon mí Yeesu mulul nda aa: «I co niaa toɲaa dimul kpendekele, Poo nɔla ɲɛ-ɲɛ tosa a ba ndɔ le, fɔ ɲɛ o ce Fuɲaa tosaa-o. Ɲɛ-ɲɛ Fuɲaa tosa yɛ pɛ, ndu Poo bɛɛ tosa ni.

Matie 17:20

Mí Yeesu mulul nda aa: «Kani la nɔ laalan bɔɔ le. I co niaa toɲaa dimul, niáà nɔ pɛ laalanndo maa kulii mutarde, niáà nɔla mi niáà dimul pembei he aa: ‹Faŋan o fondaa ho, mà kɔɛ o nda›, mì ndíì faŋan. Ɲɛ-ɲɛ niáà bumbanin tosa le.

Matie 16:28

Mì dimul niaa toɲaa, vanaa pum niaa tɛɛn nanu a vi vɔnin te, mà ce Po vanacieo hunɔɔ o masale ndɔlen nin.»

Matie 13:17

I co niaa toɲaa dimul, vanaa-tɛɛngaa-diom Hala-a a vanaa sandaa bɔɔ-bɔɔ ndáà yeema mì ndáà ce ɲɛ niaa co cɔu-vo, kɛ a cí le, mì ndáà tuei ɲɛ niaa co tueyɔɔ-o, kɛ a tuí le.»

Matie 10:23

Te vannda tol pɛ niaa yɛlen o kobio pum nin, la ɲaanun mì la kɔɛnnun o kobi celen nin. Mì dimul niaa toɲaa, la ciinin kobila co o lɛŋnde Israɛl-ten nin-ndan balɔɔ le, mì Po vanacieo hin.»

Matie 6:2

Lelan, taa va pɛ vana bala fondoo ɲɛ pum keo, tosà mì vannda kpow muli hɔlla o nɔm ndo maa mɛɛ vanaa muuluannda tosà o cɛila lekaanndan nin a o nɛilan coo yɛ le. Kani nda, le vannda nda sangalaa nda tosà lende ni. Mì dimul niaa toɲaa, a cii vɔ̀ngɔ̀ ndaa sɔla.

Matie 5:26

A toɲa, mì dimul nɔm, hali tààngáà ndu pilɛ bɛɛ lonin yondo le fula nɔmndo lon te.»

Condii lisai 119:152

O co nin lɔ́ɔ́ levil, mí bii bila maa le fɛɛn a fɛɛn n kɛsi tɔŋnda nɔmndan ni.

Nsaŋ 21:18

I co nɔm toɲaa dimul kpendekele, telen n va felengi-o, nɔm pila va yáwlen yiinɔnndo ni, mà va kɔlan nɛɛ nɔm óò yeema-a, kɛ telen n yuuvanin-ndo, a siɛndinin balan mì vana celen yii nɔm yáwlen, mò kɔɛ a nɔm nɛɛ n yeemanin te-a.»

Nsaŋ 16:23

Paale len, la ɲuna lɛnin ya isɔɔ oo isɔɔ le. I co niaa toɲaa dimul kpendekele, ɲɛ niaa piɛinin Pua o diola nilan-ndo, o kenin niaa ndu.

Nsaŋ 16:20

I co niaa toɲaa dimul kpendekele, la caŋnin mì la cɛɛŋun, mì ceendo ndu dɔwnun ɲaale. Mɔnɛi biinin niaa, kɛ mɔnɛi niɛi ken siŋnunnin ɲaaloo.

Nsaŋ 14:12

I co niaa toɲaa dimul kpendekele, vana laalan ya pɛ, ndu bɛɛ tosanin dɛnnda ya co tosaa lan. O tosanin bɛɛ la hiow lan-ndan, kani ya, i co kɔnndan o Pua lo.

Nsaŋ 13:38

Mí Yeesu muli aa: «Toɲaa ni, a vunin lekɛ́ndɛi le ya. Kɛ nduyɛ kongillo koovanin te, mà viinun leyáá maa a sina ya le.»

Nsaŋ 13:16

Mì dimul niaa toɲaa, vana baalaa ve fisa a vana ndɔ bɛndoo le, vana nda vem-ndo ve fisa a vana vem ndu-o le.

Nsaŋ 12:24

I co niaa toɲaa dimul, te kulii n'malle del lɛŋ mì i vi le, i lo ndi pilɛ. Kɛ te i vi pɛ, i kom kullon taw.

Nsaŋ 10:7

Mí Yeesu dimul nda vɛlɛ aa: «I co niaa toɲaa dimul kpendekele, ya co Dio-n'saa ni.

Nsaŋ 10:1

I co niaa toɲaa dimul kpendekele aa: «Váná kei o dioo le luɛyɔɔ o hèé saa nin te, kɛ mò kei nɛɛ celen, mò hel, mɛɛ vuiyo co kon ni, vana del vannda coo-o pɛɛn.

Nsaŋ 8:58

Mí Yeesu dimul nda aa: «I co niaa toɲaa dimul kpendekele, lɔ́ɔ́ pá mi Abraham fula, ya i va nin.»

Nsaŋ 8:51

I co niaa toɲaa dimul kpendekele, vana bii pɛ sɔɔn nun, ndu vi le.»

Nsaŋ 8:34

Mí Yeesu mulul nda aa: «I co niaa toɲaa dimul kpendekele, vana-vana tosa pɛ hakio, ndu siŋnun cɛ hakio.

Nsaŋ 6:53

Mí Yeesu dimul nda aa: «I co niaa toɲaa dimul kpendekele, te la di dialun Po vanacieo, mì la kol kooma ndɔan te, mɛɛ yoomu venin niaa nin te.

Nsaŋ 6:47

I co niaa toɲaa dimul kpendekele, vana laalan pɛ, ndu sɔla cinda fɛɛn-fɛɛndo.

Nsaŋ 6:32

Mí Yeesu mulul nda aa: «I co niaa toɲaa dimul kpendekele, o co Moise le ke niaa ɲɛdiaa fula o halataala-o le, kɛ Fuɲa nuu ke niaa ɲɛdiaa kpeekpei fula o halataala-o ni.

Nsaŋ 6:26

Mí Yeesu mulul nda aa: «I co niaa toɲaa dimul kpendekele, o co le kaamaala niaa ce lan te niaa co ya nuwviaa le, kɛ le bulu niaa de mí la pum-ndo.

Nsaŋ 3:11

I co nɔm toɲaa dimul kpendekele, sɔɔn naa n sina-on naa n co dimio ni, mì n va seilen timbio a dɛnnda naa n ce lan o kɔɔ, kɛ la co vɔ seile naalen cɛlɔɔ le.

Nsaŋ 3:5

Mí Yeesu mulul ndu aa: «I co nɔm toɲaa dimul, te vanacieo vilun a mɛnndan, mò velun a Kɔl Hala-o le, o nɔla luɛyɔɔ o masale Hala len nin te.

Nsaŋ 3:3

Mí Yeesu mulul ndu aa: «I co nɔm toɲaa dimul, vana-vana nɔla mò ce masale Hala len te, mɛɛ mò velun violɔn sɛnɛi.»

Nsaŋ 1:51

I co niaa toɲaa dimul válán, la canin halataalaa o kumbia, mì la ce mɛlɛkaa Hala-a helɔɔ a tolɔɔ Po vanacieo coo.

Luke 23:43

Mí Yeesu mulul ndu aa: «A toɲa, mì dimul nɔm, hau-hau, a vanin ya ikɛi o haliyɛnɛ.»

Luke 18:29

Mí Yeesu mulul nda aa: «A toɲa, mì dimul niaa, vana-vana mel yungu ndɔɔ, laa ndɔ, puapilɛa ndɔa, vanayan ndɔn, te kon te cuavaa ndɔa le masale Hala len,

Luke 18:17

Mì dimul niaa toɲaa kpendekele, vana-vana cɛl Masale Hala len maa cuaambɔ le, ndu lueinin lenin te.»

Luke 13:35

Lelan, cɛi niaa lonin fondo fúú. I co niaa dimul, la ci lɛnin ya le, háá telen niaa diminin-ndo aa: ‹Biiloo co hunɔɔ o diola Mɛlɛka lan-ndo!›»

Luke 12:37

Dɛnɛ kɛndɔɔ co le vanaa baalaa kan, a vana nda bɛndoo komalnin cumullo telen o hunnin-ndo-a! A toɲa, mì dimul niaa, ndu pila cuɛinunnin volɔɔla valtan, mò kɛsi nda le dioo, mò piɔw nda ɲɛdiaa.

Luke 11:51

Kandɔɔ a piɔ́m Abɛl-lo, kɔlan háá a piɔ́m Sakari-o, à nda dii o fonda-loamaa-lasálàá a Cɛi-Hala-o tɛɛn-ndo. Mì dimul niaa, dɛnɛ piɔ́m vanaa ɲunannin vanndacieea vaalio ho.

Marke 14:30

Mí Yeesu dimul ndu aa: «I co nɔm toɲaa dimul, hau-hau, cɔɛllɛn pɛɛn, lɔ́ɔ́ pá kongillo peelu koovaa lediin, a vuununnin leyáá maa a sina ya le.»

Marke 14:25

I co niaa toɲaa dimul, háá nin mì hun kol mɔima sɛnɛiyan o masale Hala len nin, i kol-lɛnin mɔima n'rɛsɛnndan man te.»

Marke 14:18

Tuma nda va icali ɲɛdiaa dioo-o, mí Yeesu dimi aa: «I co niaa toɲaa dimul, vana pilɛ o niaa tɛɛn, ò naa n co dioo naa ndu latulu-o, malnin ya vannda o ba.»

Marke 14:9

I co niaa toɲaa dimul, nɛɛ-nɛɛ Yoongu kɛndɔɔ hun yondan pɛ o ceendo coo, a diminin vɛlɛ dɛnɛ cuaa ho tosa hoo-o le loonɔnndo a ndu o kɔɔ.»

Marke 12:43

O kon mí Yeesu veelu kaandeŋaa ndɔa, mó dimul nda aa: «I co niaa toɲaa dimul, vuɛɛn bala fondo pɔnɔɔ vi hoo-o hiow vanaa vow haa o ɲɛ vovaa fangadaamaa nin-nda kpow vowvo,

Marke 11:23

I co niaa toɲaa dimul, te vanndo dimul pɛ pembei he aa: ‹Sungun ndon mà kɔ del o mɛmma ihɛllan nin›, te o sika o kɔl ndɔɔ nin te, kɛ mò laalan maa sɔɛi o dimi-e peelunnin, i tosan lende.

Marke 10:29

Mí Yeesu muli aa: «I co niaa toɲaa dimul, vana-vana mɛi pɛ cɛi ndɔɔ, puapilɛa ndɔa, yemaa ndɔa, kala ndɔ, fuɲa ndɔ, cuavaa ndɔa te kon te lɛŋnde ndɔlen le ya a le Yoongu kɛndɔɔ,

Marke 10:15

I co niaa toɲaa dimul, vana-vana cɛl masale Hala len maa cuaambɔ pɔmbɔɔ le, ndu luei lenin te few.»

Marke 9:41

Vana-vana ke pɛ niaa mɛmma kolan taala kólaa ca o diola nilan le tùú niaa co vanaa Krista-a o, mì dimul niaa toɲaa, vana kon ndu folanin vɔ̀ngɔ̀ ndɔɔ le.

Marke 9:1

Mí Yeesu dimul nda vɛlɛ aa: «I co niaa toɲaa dimul, vanaa pum o niaa tɛɛn nanu a vinin te, fɔ mà ce fɔlɔn masale Hala len hunɔɔ a kpaayaa.»

Marke 8:12

Mí Yeesu yoomu fúù, mó dimi aa: «Le yɛɛ nɛ vanndacieea paalen nden hau a co yɛ ɲunaa le nda tɔɔmasele kaamaa tosallo? I co niaa toɲaa dimul, tɔɔmasele kɛ́-kɛ̀ yɔngunnin vanndacieea paalen nden hau le.»

Marke 6:11

Nɛɛ niaa kɔɛ pɛ mì vannda cɛl niaa le, te kon te mà yeŋ niaa lani le, la va pɛ faŋanndo lon, la koŋ cundu vanin niaa o n'pelu-o, cundu kon vanin lesei le nda.»

Marke 3:28

I co niaa toɲaa dimul, hakilan kpede a sɔɔn tanan vanndacieea dimi-on n malnunin haki,

Matie 25:45

Masaa mululnin nda aa: ‹Mì dimul niaa toɲaa, telen oo telen niaa va kɛɔ o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va lan kɛɔ tosal kon lende ni.›

Matie 25:40

O kon masaa mululnin nda aa: ‹Mì dimul niaa toɲaa, telen oo telen niaa va o hiow dɔɔnanndo o puapilɛa nia ha tɛɛn-ndo dɛnnda lan tosallo, ya niaa va tosal kon lende ni.›

Matie 25:12

Kɛ mó muli aa: ‹I co niaa toɲaa dimul, i sina niaa le.›

Matie 24:47

Mì dimul niaa toɲaa, vana ndɔ bɛndoo handunin ndu ɲɛm ndɔn kpow bollen.

Matie 24:2

Kɛ mó dimul nda aa: «La ce mɛɛ o co kpede yɛ le? I co niaa toɲaa dimul, powvo pilɛ bɛɛ lonin o powvo coo le, la co koombiaa kpow.»

Matie 23:36

I co niaa toɲaa dimul, sɔɔn mun kpow n toalnin vanndacieea vaalio coo.»

Matie 21:31

O vanaa ŋiɔŋaa kan nin, ɔ́ɔ̀ o tosa hɛnan fuɲa ndɔ-o-o» Má muli aa: «O tasoo!» Mí Yeesu dimul nda aa: «Mì dimul niaa toɲaa, vanaa biyaa mulua a vanaa suundaa hiawnin niaa laci o masale Hala len nin.

Matie 21:21

Mí Yeesu mulul nda aa: «I co niaa toɲaa dimul, te la nɔ pɛ laalanndo, mì la kiisan te, la tosanin dɛnɛ tosalan hoo a voosu tumndo-o, kɛ la dimulnin vɛlɛ pembei he aa: ‹Sungun ndon mà kɔ del o mɛmma ihɛllan nin›, mì kon tosan.

Matie 19:28

Mí Yeesu mulul nda aa: «Mì dimul niaa toɲaa, telen dɛnndan kpow la muungunin lasɛnɛi, mì Po vanacieo va icali o kpɛŋɛ ndɔ lemasa biilaa nin-ndo, niaa vanaa del-la kɔɔli-a bɛɛ, la vanin icali o kpɛŋɛla lemasalan tɔ́ a latiɔn nin le yamɛi polama tɔ́ a mamiɔmma Israɛlla kiolɔɔ.

Matie 19:23

Mí Yeesu dimul kaandeŋaa ndɔa aa: «Mì dimul niaa toɲaa, o kendu le vana bolofaa luɛyɔɔ o masale halataala len nin dɛ!

Matie 18:18

Mì dimul niaa toɲaa, ɲɛ-ɲɛ niaa yii pɛ o lɛŋnden coo, ndu yiinunnin o halataala, ɲɛ-ɲɛ niaa timbi vɛlɛ pɛ o lɛŋnden coo, ndu timbinnin o halataala.

Matie 18:3

mó dimi aa: «I co niaa toɲaa dimul, te la mangalan mì la muungu maa cuaambɔa pɔmbɔa le, la lueinin o masale halataala len nin te.

Matie 11:11

Mì dimul niaa toɲaa, o vanaa vanlaandua velu-a tɛɛn, vana-vana yɔŋnun maa ndu Nsaŋ Vana-yinaa le. Kɛ nduyɛ, vana hiow dɔɔnanndo o masale halataala len nin-ndo hiow ndu.

Matie 10:42

Mì dimul niaa toɲaa, vana-vana ke pɛ cuaambɔa ha o pilɛ hali mɛmma ɲuluan taala kólaa ca le tùú o co kaandennɔ nuu-o, vana kon folanin vɔ̀ngɔ̀ ndɔɔ le.»

Matie 10:15

Mì dimul niaa toɲaa, paale kialaa iyamalen, lɛŋnde Sodɔm-nden a lɛŋnde Komɔr len le tiiyanin sangaa sɔlaa maa kobi kon te.»

Matie 8:10

Yeesu tueyɔɔ ndu sɔɔn mun dimio, mí ɲɔɔ hɛnan ndu a langbanɔ kon. Mó dimul vanaa va ndu kɔlan kɔɔli-a aa: «Mì dimul niaa toɲaa, hali Israɛl, i seelun-ndɔ vana nɔ laalan bɛndu vaa nuaa le.

Matie 6:16

«Telen niaa co va o sumndo nin-ndo, la yii hɔlla maa vanaa muuluannda le. Kani nda, a cɛn pɛ a ɲaandiaa hɔlla le vannda cɔmndo maa o sumndo nin nda co ni. Mì dimul niaa toɲaa, a cii vɔ̀ngɔ̀ ndaa sɔla.

Luke 4:24

Mó dimul nda vɛlɛ aa: «I co niaa toɲaa dimul, vana-tɛɛngaa-diom Hala kɛ́-kɛ̀ sɔla biiloo o lɛŋnde ndɔlen nin te.

Condii lisai 111:8

La mangalannin lɔ́ɔ́-lɔ́ɔ̀ le, kani la sandu, toɲaa la co ni.

Esai 44:26

Kɛ mí peelu sɔɛi vana ni baalaa. Mí peelu sɔɔn kiila niaa dimi le yɔŋnɔnndo-on. I dimi a Yerusalɛm o kɔɔ ma vannda vanin icali lenin taw, mí dimi a kobilan o tàndá Yuda-o nin o kɔɔ maa la tangulunnin vɛlɛ. I minginin kpakila kobilan isisi.»