Matie 5:15 - BII BILA

¹⁵ Vana mɛndul fitinaa le ndu kumbɔɔ le, kɛ le ndu kɛsio o ɲɛ kɛsiaa lafitinaa coo, haliko mo teengiaa cɛiyo lenin le vanaa co lenin-nda kpow.

Matie 5:15 Referans Kwoze

Marke 4:21

Mí Yeesu ɲuna nda vɛlɛ aa: «Vɛ̀ɛ̀ vana mɛndul pá fitinaa mà kuumbuu hɛngɛiyo lecoo, te kon te mà kɛsi ndu o kpeloo bɛngu? Vɛ̀ɛ̀ o co o ɲɛ kɛsiaa lafitinaa coo le vana kɛsi ndu le?

Luke 11:33

Vana-vana mɛndul fitinaa mò kɛsi ndu nɛɛ viannan-nda le, te kon te mò ven ndu o hɛngɔɔ bɛngu. Kɛ o ɲɛ kɛsiaa lafitinaa coo vana kɛsi fitinaa ni, haliko mi vanaa co luɛyɔɔ-a ce ɲɛ-tengaa.

Luke 8:16

«Vana-vana mɛndul fitinaa, mò kuumbuu ndu o kpɛɛnɛi bɛngu, te kon te mò ven ndu o kpeloo bɛngu le. Kɛ nɛɛ vakpaa o kɛsi ndu ni, haliko mi vanaa co luɛyɔɔ-a ce ɲɛ-tengaa.

Kundalan 8:2

«Soo o Aarɔn ndo ma dimul ndu aa: ‹Taa cii pɛ fitinala ŋɔmmɛwlan handɔɔ o fondala ndalan, a toosiaa lan kɛsi haliko mi la va ɲɛ-tengaa yɔngoo o ɲɛ kɛsiaa lafitinaa laci.›»

Fulaa 25:37

Ma cɔw vɛlɛ fitinalan tan ŋɔmmɛw, ma kɛsi lan o hɛngɛila tɛsɛkɛɛla toosian le fitinalan kɛsio lecoo lan coo, haliko mi ɲɔɔ va o tengaa laci.

Sakari 4:2

Mó ɲuna ya aa: ‹Yɛɛ nɛ n co yɛ cɔu?› Mí muli aa: ‹Ɲɛ kɛsiaa lafitina cɔwnun kpow a sianion-ndo ya co cɔu ni. Kpufɔɔ co o bolle ndɔlen coo déŋ. Fitinalan la co lecoo tan ŋɔmmɛw a kolikolima cuɛiyan ma kei nin-ndan man ŋɔmmɛw, le fitinala co lan lecoo lan.

Luke 11:36

Te ɲɛ vavonndo va yɛ pɛ o dialun nɔmndon nin kpede, mì ɲɛ-ɲɛ ve o maɲum nin te, mɛɛ diallon kpow n co n tengaa mɛɛ lamboo ke vana ɲɛ-tengaa nuaa yɛ.

Filipea 2:15

haliko mi la va vanaa yaalan te-a a vanaa diandaa, mì la va cuavaa Hala-a, à vànà seelun isɔw nin te-a vanaa co laasianndo-a a vanaa vɔɔnda tɛɛn. Mì la va nda diondɔɔ tɛɛn maa ɲɛ-tengaa o ceendo,

Hebreea 9:2

Lelan mí ndáà toandu cɛi kolaa. O fonda tase cɛi kon nin, o ndáà veelu aa fonda diandaa-o, lon ɲɛ kɛsiaa lafitinaa a tabali kɛsiaa bulu ndáà ke Hala-o va ni.

Dɛnnda cɔɔmuanndan 2:5

Lelan loonun a nɛɛ n va lɔ́ɔ́ pá ma del-la, mangalan mà tosa dɛnnda n va tosaa o tasendɔ lan. Te o co kon te, i hunnin o nɔm ndo, mì faŋa ɲɛ kɛsiaa lafitina nɔmndo o fonda ndɔɔ. Fɔ dɔ́ɔ́ ma mangalan dɛ!