La dɔwnun ɲaale paale len mì la deŋi a kɔlkɛndɔɔ, kani vɔ̀ngɔ̀ niaa vanin o bɔɔ o halataala. Kani lende koni fuɲaa ndaa a va tosaa a vanaa-tɛɛngaa-diom Hala-a ni.
Sunsun, i naŋ kɔl le sangala ya sɔla le niaa lan. Kani i co sangala tɔ̀la Krista mɛi le sɔlaa lan sɔlaa o dialun nun nin o fonda dialun ndɔn, vanaa laalannda pɛɛn.
Màá Mɛlɛka mingul nɔm dɛnɛ kɛndɔɔ le dɛnɛ kɛndɛ nɔmndo! Màá Mɛlɛka Hala Israɛlla, o n hin vionnɔnndo o kumbanndo bɛngu-o cɔ nɔm ɲia, mò mingul nɔm dɛnɛ kɛndɔɔ!»
Kɛ Israɛlla saalan kiilaa Hala-a kan te, má pɛɛsa sɔɔn Hala-on, má va vanaa-tɛɛngaa-diom Hala-a mamɔɔ, háá mí Mɛlɛka tuulu kɔllo a Israɛlaa kan, a co kan vanaa ndɔa-a pɛɛn. Ɲɛ-ɲɛ nɔ̀lá kɔltuw kon pɔlul te.
Nduyɛ, te o co a laalanndo le, vana-vana nɔla Hala hɛnan te. Kani, vana va pɛ Hala sɔɔnguuo ikɛi, fɔ mò laalan maa Hala co, maa o salanin vanaa co ndu nuwviaa-a.
Vɛ̀ɛ̀ kabi bɛɛ a tui ɲɛ ya tosa lɔ́ɔ́ Yesabɛl va vanaa-tɛɛngaa-diom Hala-a diwvo-o le? Yáà ven nda lende o buululan nin kundalan tan tiɔn ni, mí vian nda baa n'van beleŋuɛɛnu, baa pilɔɔ vɛlɛ n'van beleŋuɛɛnu. Mí va nda mɛnndan a baloo keo.
Kani sanga bɛndu co naa hoo coo sunsun-ndo co ɲɛ-ɲɛ le, nduyɛ le telen bingi koni o co ni. O co naa pɔɔ bɛɛndiaa le biilu naa hun sɔlanin-ndo. Biilu kon vanin le fɛɛn a fɛɛn, ndu hiawnin vaa o bɔɔ a sangaa ho.
«Telen niaa co va o sumndo nin-ndo, la yii hɔlla maa vanaa muuluannda le. Kani nda, a cɛn pɛ a ɲaandiaa hɔlla le vannda cɔmndo maa o sumndo nin nda co ni. Mì dimul niaa toɲaa, a cii vɔ̀ngɔ̀ ndaa sɔla.
Kɛ la kaola yaamɔaa niaa, mì la tosa dɛnɛ kɛndɔɔ, la dɔnda vannda, la yiyan le niaa mingul te. O kon, vɔ̀ngɔ̀ niaa vanin o bɔɔ, la siŋnunnin vɛlɛ Poaa O Hiow-Ɲɔɔn-Kpow-vo, kani vana kɛndɔɔ o co le vanaa sina ikɛndɛ le-a a le vanaa vɔɔnda ni.
Kɛ a kon kpow, a bii sɔɛi nɔmnde le, má tosa nila kalulan a nɔm, má mulul nɔm kɔɔ, má diw vanaa-tɛɛngaa-diom Hala-a nɔmnda, á va nda tolɔɔ kɔɔli le muungoo nɔm o ibuŋ-nda, má tosa dɛnnda nɔɔlɛilan taw.
Mí Asa tambu kɔl taw a vana-tɛɛngaa-diom Hala-o le sɔɔn o dimi mun-ndon. Mó bii ndu, mó mal ndu o kaasoo. Mó saangiaa vannda pum taw o telen kon bɛngu.
Telen kon kpeekpei Yesabɛl va vanaa-tɛɛngaa-diom Hala-a diwvo ni. Mí Obadia cua vanaa-tɛɛngaa-diom Hala-a n'van kɛmɛ, mó kɔ vian nda kundalan tan tiɔn o buululan nin, ba pilɛ n'van beleŋuɛɛnu, baa pilɔɔ vɛlɛ n'van beleŋuɛɛnu. Mó va nda mɛnndan a baloo yɔngoo.
Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»
O kon mí Akab mulul Elii aa: «Yaamɔɔ nuu komal-la fɔ́!» Mí Elii mulul ndu aa: «Lekɛ́ndɛi, i komal nɔm. Kani nɔm pila vɔngulun o dɛnnda hɛnan Mɛlɛka le lan tosaa nin ni.
Mí masaa Ahasia viam simlacinɔ kunda n'van beleŋuɛɛnu-o a n'van beleŋuɛɛnua ndɔa kan. Mí simlacinɔ kon kɔa o Elii lo nɛɛ o va o pembei bollen-nda, mó dimul ndu aa: «Nɔm vana-tɛɛngaa-diom Hala-o sei, masaa dimi aa nɔm tol!»
O kon, mí Yesabɛl yoo ndu kiilaa le ndu kɔlan dimullo aa: «A telenndo ho siɔdii, te i dii nɔm mɛɛ n diw vanaa-tɛɛngaa diom Baal-la nuaa yɛ le few, mɛɛ halaa tuisí ya sanga hiow sangalan kpow-vo coo!»
Mí mɔnɛi bii niaa niaa vanaa kaasoa latulu, mí la cɛl a ɲaaloo le niaa ɲɛm nian poondiaa o laba, kani la sínà maa la nɔ ɲɛm hiow naŋɔɔ-on, n co le fɛɛn a fɛɛn-ndon.