Matie 5:11 - BII BILA

¹¹ Dɛnɛ kɛndɔɔ vanin le niaa, telen nda yeownin niaa, mà tol niaa yɛlen, mà hɛɛnduu niaa sɔɔn vɔɔŋun súú-súù ka coo le ya-o.

Matie 5:11 Referans Kwoze

1Piɛr 4:14

Te la sɔla pɛ sangaa le diola Krista lan, dɛnɛ kɛndɔɔ o co le niaa ni, kani Kɔl biilaa, Kɔl Hala-o co niaa coo.

Luke 21:17

Vannda kpow a kɛɛnin niaa le diola nilan.

Marke 13:13

Vannda kpow a kɛɛnin niaa le diola nilan, kɛ vana lonin biuvɔnndo háá o mɛɛlulan-ndo, ndu sɔlanin cindaa.

Matie 24:9

A tuisinin dɛnɛ palaa súú-súù ka niaa coo, mà diw niaa, mì vanaa-mangalaa-isɔɔa kpow a pɛɛsa niaa le diola nilan.

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

1Piɛr 2:23

ndu nda yei o mingi loo, ndu nda saangiaa, o pasa loo, kɛ mó mɛi Hala Vana kialaa iyama sandaa sɔɛi ndɔɛi o ba.

Nsaŋ 15:21

Kɛ ken kpow niaa tosallo, le diola nilan, kani a sinà vana vem ya-o le.

Matie 10:22

Vannda kpow nɔnin nɛyɔn niaa le diola nilan. Kɛ vana lonin lecoo háá o mɛɛlulan-ndo, ndu sɔlanin cindaa.

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

Matie 10:39

Vana-vana kindin pɛ le yoomu ndɔɔ mandaa, o hɛlun ndu. Kɛ vana-vana yoomu ndɔɔ hɛlun pɛ le ya, ndu sɔlanin yoomu kpeekpeiyo.»

Dɛnnda cɔɔmuanndan 2:3

Vana biwnanndo n co ni, a yulu sangaa le diola nilan, a vi n'dial te.

Matie 19:29

Nduyɛ vana-vana mɛi pɛ cɛila ndɔlan, puapilɛa ndɔa, yemaa ndɔa, fuɲa ndɔ, kala ndɔ, laa ndɔ, cuavaa ndɔa, te kon te yondola ndɔlan le diola nilan, ndu sɔlanin o hiow kon polon-ndo. O kon kɔɔli, o sɔlanin yoomu fɛɛn-fɛɛndo.

2Korɛntea 4:11

A co naa n co hoo yoomu-o kpede, n co o piɔ́mndo hɔl-ndɔ le Yeesu, haliko mi yoomu ndɔɔ cɔmnun o dialun naan n co hunɔɔ vu-on nin.

1Korɛntea 4:10

Diɔmnda naa n co le Krista ni, kɛ niaa niaa, vanaa kɔlkalua pila niaa co o ndu nin ni. N nɔ mayoomu le, kɛ niaa la nɔ yoomuan. N nɔ lebɛɛ le, kɛ niaa la nɔ bɛɛlen.

Rɔmnda 8:36

Maa mɛɛ o sɛvan yɛ aa: «Lepalaa-lepala, a co naa diwvo le sɔɛi nɔmnde. A co naa cɔu maa saa nda co kɔlan le diyɔɔ-a.»

Luke 21:12

«Kɛ lɔ́ɔ́ pá mì kon kpede hun tosan, a biinin niaa, mà tol niaa yɛlen, mà kɔɛ a niaa o cɛila lekaanndan nin. A malnin niaa o kaasolan, mà kɔɛ a niaa o masaa lo a o masaa n'bungaa lo le diola nilan.

Luke 9:24

Kani vana-vana yeema pɛ le yoomu ndɔɔ ciindiaa, o hialunnin ndu, kɛ vana-vana yoomu ndɔɔ hɛlun pɛ le ya, ndu ciindiaanin ndu.

Marke 8:35

Kani vana-vana yeema pɛ le yoomu ndɔɔ ciindiaa, o hialunnin vana kon, kɛ vana-vana yoomu ndɔɔ hɛlun pɛ le ya a le Yoongu Kɛndɛ Hala-o, ndu sɔla yoomu co le fɛɛn a fɛɛn-ndo.

Matie 10:25

Kɛ kaandennɔɔ tiiya pɛ maa vana ndɔ pɛɛkaa, mì cɛɔ tiiya maa vana ndɔ bɛndoo, kon tiw. Nɛɛ nda veelu vɔ vana co cɛiyo bollen-ndo nuaa aa Beɛlsebul, vanaa co cɛinin-nda yɛ niko?

Dɛnnda kiilaa 9:16

Ya pila cɔmnin ndu sanga kɛ́-kɛ̀ o co hunɔɔ sɔla o diola nilan.»

Condii lisai 44:22

Nɔm Hala, vɛ̀ɛ̀ a va sɔɛi ken sina le? Kani a sina sɔɔn n'viannanndon o kɔltan nin.

Marke 13:9

La caa le niaa pila. A kɔanin a niaa o fondala kialaa n'yamalan, mà lɔɔ niaa o cɛila lekaanndan nin. A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl.

Matie 27:39

Mí vanaa va hiovɔɔ-a va bolle hiiloo, má yeow ndu.

Marke 4:17

Kɛ nda pila nɔ n'puundu le, vanaa laalan le telen bingi-a co kan ni. Te sangaa te kon te yɛle tolaalen le komal nda dɔ́ɔ́ pɛ le sɔɛi Hala-e, ken siŋnun pow boŋaa le nda.

Matie 10:18

A kɔanin a niaa o masaa n'bungaa lo a o masaa bɛndua lo le ya, mì la kɔ soli seilen nda o hɔl a vanaa-mangalaa-isɔɔa o hɔl.

Nsaŋ 9:28

Má yeow ndu, má dimi aa: «Nɔm co kaandennɔ ndɔɔ ni. Naa naa, kaandeŋaa Moise-a naa n co ni.

Condii lisai 35:11

Seyaa lacòòvaa co cɔnɔnndo, a co ya sɔɔn ya sina loon ɲuuniaa.

Esai 25:8

Mɛlɛka tɛɛmbuunin piɔ́mndo le fɛɛn a fɛɛn. Maalii Hala vɔɔsuunin vannda kpow mɛmɛan o lahɔl. O faŋanin siɛmbula bɛɛtambɛila vanaa ndɔa o lɛŋnden kpow coo. Mɛlɛka soo lende ni.

Esai 51:7

Niaa sina dɛnɛ sandaa-a, niaa vanaa nɔ tɔŋ nuu o lakɔl-la, la yaŋ ya nilan! La buulan le vannda niaa bɛ̀ɛ̀lan tɛɛmbuuo le, la ɲííyà a isiòòn le vanaa kan niaa yeowlan te.

Yeremi 37:14

Mí Yeremi muli aa: «Còòlan! I nɔ yiyan hiavaa o Babilɔnnda lo le.» Kɛ Yiria yeŋnun ndu bɛɛ le, mó bii Yeremi, mó kɔa a ndu o vanaa bɛndua lo.

Filipea 1:29

Kani kɛndɛi tosalan niaa-e, o co ko le Krista laalanndo daama le, kɛ le sangaa vɛlɛ le ndu.