Matie 5:10 - BII BILA

¹⁰ Dɛnɛ kɛndɔɔ co le vanaa nda co yɛlen tollo le dɛnɛ sandaa-a, kani masale halataala len le co le nda.

Matie 5:10 Referans Kwoze

Nsaki 1:12

Dɛnɛ kɛndɔɔ co le vana bìwnùn o tɔɔndanndo nin-ndo, kani o cii pɛ tɔɔndanndo sɔla, o sɔla mɔsil lemasa cindaa, o Mɛlɛka yiilu vanaa kaola ndu-a kpemaa-o.

2Korɛntea 4:17

Kani sanga bɛndu co naa hoo coo sunsun-ndo co ɲɛ-ɲɛ le, nduyɛ le telen bingi koni o co ni. O co naa pɔɔ bɛɛndiaa le biilu naa hun sɔlanin-ndo. Biilu kon vanin le fɛɛn a fɛɛn, ndu hiawnin vaa o bɔɔ a sangaa ho.

Matie 5:3

«Dɛnɛ kɛndɔɔ co le vanaa tuisin tootoo o kɔlta ndalan nin-nda, kani masale halataala len le co le nda.

Luke 6:22

Dɛnɛ kɛndɔɔ co le niaa, telen vannda nɔnin nɛyɔn niaa, mà kɛɛ niaa, mà va niaa yeowlan, mà kela a niaa o lasonndo le tùú niaa laalan Po vanacieo-vo.

2Timote 2:12

Te n biwnun pɛ, n tosanin vɛlɛ masalen naa ndaa. Te n kɛɛ pɛ ndu, ndu bɛɛ kɛɛnin naa.

Filipea 1:28

La cɛ̀l mì yaamɔɔa vueinun niaa le. Ken cɔm ni maa o ɲánndávàà nda co kɔlan lou lende ni, kɛ le niaa, cɔmndo co kon ni maa la sɔla cindaa. Nduyɛ, Hala o ba kon fulà ni.

Luke 21:12

«Kɛ lɔ́ɔ́ pá mì kon kpede hun tosan, a biinin niaa, mà tol niaa yɛlen, mà kɔɛ a niaa o cɛila lekaanndan nin. A malnin niaa o kaasolan, mà kɔɛ a niaa o masaa lo a o masaa n'bungaa lo le diola nilan.

Nsaŋ 15:20

La lóónun a sɔɛi ya dimul niaa-e maa buɛiyo hiw vana ndɔ bɛndoo le. Taa tol-la pɛ yɛlen, mɛɛ niaa bɛɛ a tolnin niaa yɛlen, taa bii pɛ sɔɛi nii, mɛɛ a biinin vɛlɛ sɔɛi niɛi.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

2Timote 3:11

a sínà mɛɛ vannda co ya yɛlen tollo yɛ. Sangala co ya coo lan kpede, ɔ́ɔ̀ o kɛɛ ya kei coo Antiɔs, Ikoniɔm a Listre-o? A sínà yɛle tolaale kei ya coo len. Kɛ mí Mɛlɛka ciindiaa ya o dɛnnda lan kpow nin.

Matie 25:34

O kon masaa dimulnin a vanin ndu o ba kɛndɔɔ coo-a aa: ‹La hun, niaa Fuɲa nuu dɔw duaa-a. La hun mì la sɔla Masalen kɛ́ɔ, masale toosian le niaa kabi o ceendo cɔvɔɔ len.

Condii lisai 37:12

Vana kɔlvesɛiyo co kɔlkalu vɔɔndo nuwviaa le vana sandaa dúmbóó yiiyo, o co ndu ciŋndon kumbillo kpangaɲan.

Marke 10:30

ɲɛla lan kpede la mingulunnin ndu fɔ́ɔ́fɔ̀, kɛmɛlan a kɛmɛlan o ceendo coo nanu: cɛilan, puapilɛa, yemaa, kalla, cuawva a yondolan, yɛle tolaalen bɛɛ. O sɔlanin yoomu fɛɛn-fɛɛndo o ceen co naa laci-o nin.

Luke 6:20

Yeesu keeliaa kaandeŋaa ndɔa hɔlten coo, mó dimi aa: «Dɛnɛ kɛndɔɔ co le niaa vanaa bala fondoa, kani masale Hala len le co le niaa.

Matie 10:23

Te vannda tol pɛ niaa yɛlen o kobio pum nin, la ɲaanun mì la kɔɛnnun o kobi celen nin. Mì dimul niaa toɲaa, la ciinin kobila co o lɛŋnde Israɛl-ten nin-ndan balɔɔ le, mì Po vanacieo hin.»

1Nsaŋ 3:12

N tosan maa Kaɛn te, le vana Vɔɔndo ndu va ni, mó dii pɔmbɔ ndɔ. Le yɛɛ kpeekpei o dii yɛ ndu? Le mɛɛ dɛnnda ndɔlan láà vɔw, mí la pɔmbɔ ndɔlan láà sandu yɛ.

Dɛnnda kiilaa 8:1

Sol, o yiyan pilɛ kon va o kɔl o Etiɛn diyɔɔ-o bɛɛ va lon. Paale len, mí vannda kandu vanaa Krista-aa Yerusalɛm yɛle bɛndulen tollo. Mí vanaa laalannda kpow a sɛŋin, má kɔa nɛɛ-nɛɛ ka o tàndá Yuda-o nin a o lɛŋnde Samari len nin. Fɔ kiilaa daama ndáà lo Yerusalɛm ciee ni.

Dɛnnda kiilaa 5:40

má kɔ veelu kiilaa kalaa, má dimul vannda, má lɔaa nda. O kon kɔɔli, má kuuna nda le sɔɛi o diola Yeesu lan, má mal nda, má kɔannun.

Esai 66:5

Niaa co sɔɛi Mɛlɛka-e biyɔɔ a bɛɛlen-nda, la yaŋ nilan o diom Mɛlɛka-o. La tuei-yɔ mɛɛ puapilɛa niaa nɔ nɛyɔn niaa, mà va niaa kɛɔ le diola nilan-nda dimi yɛ aa: ‹Mbɔ̀ Mɛlɛka cɔm-ndɔ biilu ndɔɔ mì naa n ce vɔ kɔl niaa kɛndɔɔ!› Kɛ nda siɛmbulan la biinin ni mɔ́ɔ̀yɔ̀ɔ̀.

Matie 19:14

Mí Yeesu dimi aa: «La mal cuaambɔa pɔmbɔa hunɔɔ o ya lo, la kuuna nda le. Kani le vanaa co maa nda-a masale halataala len le co ni.»

Marke 10:14

Yeesu cɔu lende, mó tambu kɔllo, mó dimul nda aa: «La mal cuaambɔa pɔmbɔa hunɔɔ o ya lo, la kuuna nda le, kani le vanaa co maa nda-a masale Hala len le co ni.

Luke 22:29

Lelan i co niaa masalen yɔngu, maa mɛɛ Fuɲa nuu yɔngu ya yɛ,

Nsaki 5:11

La tofa vɔ, n cua nda maa vanaa sɔla dɛnɛ kɛndɔɔ-a nda co ni, vanaa bii kpáŋ má lo lecoo-a pɛɛn. La tuei a biuvɔn Yɔb-o o kɔɔ, la ce ɲɛ Mɛlɛka yɔngu ndu o mɛɛlulan-ndo, kani vana iɲííyo a vana ikɛndɔɔ Mɛlɛka co ni.