Matie 4:4 - BII BILA

⁴ Mí Yeesu muli aa: «O co o sɛvaa aa: ‹O co ko ɲɛdiaa daama le tosa mì vanacieo va yoomu le, kɛ sɔɔn fula Hala o sondo-on kpow n tosa ni mì vanacieo va yoomu.›»

Matie 4:4 Referans Kwoze

Tɔŋ miingua 8:3

A toɲa, mó tuisi niaa siɛmbulan a yiaan coo. Kɛ o kon kɔɔli, mó yɔngu niaa manne le dioo, niáà sina paandu ɲɛdiaa kon te, fuɲaa niaa mamaa bɛɛ a sina ndu le. O tosa kon kpow le niaa cɔmndo maa o co ko ɲɛdiaa daama le tosa mì vanacieo va yoomu le, kɛ sɔɔn fula Mɛlɛka o sondo-on kpow n tosa ni mì vanacieo va yoomu.

Luke 4:4

Mí Yeesu mulul ndu aa: «O co o sɛvaa aa: ‹O co ko ɲɛdiaa daama le vanacieo dia mò va yoomu le.›»

Nsaŋ 6:63

Kɔl Hala-o ke vana yoomoo ni. Diallon nɛŋi mako kɛ́-kɛ̀ le. Kɔl Hala-o a yoomoo sɔɔn ya dimul niaa-on co ni.

Rɔmnda 15:4

Nduyɛ, sɔɔn kɛ́-kɛ̀ n sɛvan lɔ́ɔ́ kon, le naa pɛɛkoo n sɛvan ni, haliko mi biuvɔnndo a yoomuma Sɔɛi Hala-e ke vana-an ma mala naa le kɔllo kɛsio.

Efɛsea 6:17

La vownun cindaa maa mɔsil kálà-kálà vana kanda bollen-ndo, mì la cua sɔɛi Hala-e maa mɔɛi cɔvii Hala Kɔl-Diandaa yɔngu vana-e.

Fulaa 16:15

Mɛɛ Israɛlla ce ɲɛ kon, má va ɲuunianndo vellaa-velle aa: «Yɛɛ nɛ co yɛ hoo?» Kani ndáà sina ɲɛ va kon-ndo le. Mí Moise dimul nda aa: «Ɲɛdiaa Mɛlɛka yɔngu niaa le dioo-o co hoo ni.

Luke 4:8

Mí Yeesu mulul ndu aa: «O co o sɛvaa aa: ‹Biilu Mɛlɛka, o co Hala nɔmndo-o. Ndu pilɛ kpé n bɛnda ma tosal baalaa ni.›»

Fulaa 16:35

O vɔsilan belehiɔɔlu bɛngu Israɛlla de manne ni. A lo ndu dioo háá má tiiya o pɛɛngulan a lɛŋnde Kanaan-nden.

Fulaa 16:8

Mí Moise dimi aa: «La canin biilu ndɔɔ telen ndu Mɛlɛka yɔngunin niaa cɔɛllɛn vision le dioo-o, telen o yɔngunin vɛlɛ niaa ɲɛdiaa taw-taw siɔdii-o. Kani Mɛlɛka tuei sɔɔn pɔmbɔn niaa soo a ndu-on. Naa naa, yɛɛ naa n co yɛ? O co a naa le niaa soo sɔɔn pɔmbɔn te, kɛ a Mɛlɛka pila.»

Matie 4:10

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Matie 4:7

Mí Yeesu mulul ndu aa: «O co vɛlɛ o sɛvaa aa: ‹Tɔɔndan Mɛlɛka le, Hala nɔmndo pɛɛn.›»

Luke 4:12

Mí Yeesu mulul ndu aa: «O co o sɛvaa aa: ‹Tɔɔndan Mɛlɛka le, Hala nɔmndo pɛɛn.›»

Fulaa 23:15

La bɛnda mì la tosa kafo bulu toosian a lɛvɛn too. Mɛɛ ya dimul niaa le tosaa o telen kelun o paangii Abib-e nin-ndo yɛ, o palɛi ndii ŋɔmmɛw bɛngu, bulu toosian a lɛvɛn too niaa bɛnda ni mi la va dioo. Kani o paangii ken nin niaa faŋan o lɛŋnde Esipte len nin ni. Vana-vana bɛnda mò hun sim ya Mɛlɛka o hɔl bala fondo le.

Matie 15:11

O co ɲɛ luɛì vanacieo o sondo-o le nɔɔliaa ndu le. Kɛ ɲɛ fulà ndu o sondo-o, ndu nɔɔliaa vana ni.»

Marke 7:20

Mó dimi aa: «Ɲɛ fula vanacieo nin-ndo, ndu nɔɔliaa ndu ni.

Nsaŋ 15:26

Telen vana nia ɲɔɔlaa hunnin fulaa Pua o ba-o, Kɔl toɲa fula o Pua lo-o timbinin seilen a ya o kɔɔ,