Matie 4:3 - BII BILA

³ Mí masa ɲinaa vɔɔnda, o tɔɔndàn vannda-o sɔɔnguu ndu ikɛi, mó dimul ndu aa: «Te po Hala-o n co ni, dimi vɔ mì powtan ndan la siŋnun ɲɛdiaa.»

Matie 4:3 Referans Kwoze

1Tesalonikea 3:5

Lelan, le mɛɛ yáà tiw lɛ ba cum kon yulɔɔ le yɛ, mí viam Timote le kɔlan sɔɔn ɲuuniaa a laalan niaa o kɔɔ. I va buulanndo yɔŋii ɲina vɔɔndo ndóò tɔɔndan niaa, mì vali naa ndóò siŋnun fúú.

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Hebreea 12:16

La caa taw! Màá vana-vana va niaa tɛɛn vana laasianndo mò kɛɛ ɲɛm Hala-on yii luɛyɔɔ maa Esau le, kani le ɲɛdiaa dio lepilɔɔ kpé, mó pisi fonda ndɔ ikaasonyaa.

Fulaa 16:3

Má dimul nda aa: «Àá! Ndóò naŋ mì Mɛlɛka ndóò diw naa o lɛŋnde Esipte len nin, telen naa n vannun icali o kpɛɛnɛn naan va n'piaa a vision-ndon ikɛi-yo, telen kon ɲɛdiaa vannun naa o ba taw. Kɛ mí la kɔ faŋa naa lon le hunɔɔ a naa o lɛŋnde veselɛilen nden nin, haliko mi n hun cuu vu kpow a yiaan.»

Dɛnnda kiilaa 9:20

Fɔ́ɔ́fɔ̀, mó kandu vannda pɛɛkoo o cɛila lekaanndan nin maa Yeesu co Po Hala-o ni.

Luke 4:9

Mí masa ɲinaa vɔɔnda kɔa vɛlɛ a ndu Yerusalɛm, mó kɔ simi ndu o Cɛi-Hala-o tullo, mó dimul ndu aa: «Te Po Hala-o n co ni, huulu vɔ mà tol, kani o co o sɛvaa aa:

Luke 4:3

O kon mí masa ɲinaa vɔɔnda dimul ndu aa: «Te Po Hala-o n co ni, dimul powvo ho mò siŋnun buloo.»

Matie 14:33

Mí vanaa va o dɛ̀ndɔ̀ɔ́ nin-nda baŋ vulan Yeesu o labɛngunin, má dimi aa: «Po Hala-o lekɛ́ndɛi n co ni.»

Matie 16:16

Mí Simɔn Piɛr muli aa: «Nɔm co Krista ni, Po Hala kiyɛiyo.»

Matie 26:63

Kɛ Yeesu kuŋ te, o soli le. O kon, mí bolle vanaa-solia-lasálàá dimul ndu aa: «Mɛnan le Hala co yoomu-o, mà dimul naa, te nɔm co Krista Po Hala-o ni.»

Marke 1:1

Kandɔn Yoongu kɛndɛ Yeesu Krista, Po Hala-o-o.

Marke 3:11

Ɲinaa vɔɔŋaa va ndu cɔu-va va vulan baŋɔɔ ndu o labɛngunin ma va deŋio aa: «Nɔm co Po Hala-o ni!»

Marke 5:7

mó deŋi kpélén aa: «Le yɛɛ n co yɛ ya kɔɔli, nɔm Yeesu po Hala-Hiow-Ɲɔɔn-Kpow-vo? I co nɔm ɲɔɔlu, tosa le Hala, luei ya imɔnɔ le.»

Luke 1:35

Mí mɛlɛkanɔɔ mulul ndu aa: «Hala Kɔl-Diandaa hunnin nɔm coo, mì kpaaya Ó-Hiow-Ɲɔɔn-Kpow-vo kuumbun nɔm coo maa levundu. Lelan, o diandaa n vialunin-ndo sɔlanin veeloo aa Po Hala-o.

Luke 4:41

Mí ɲinaa vɔɔnda bɛɛ va fulaa vanaa siama nin, ma va deŋio aa: «Po Hala-o n co ni!» O kon, mí Yeesu kpaa nda, o cɛl mà soo le, kani má sina maa Krista o co ni.

Luke 22:70

O kon mí nda kpow a ɲuna ndu aa: «Mɛɛ nɔm co Po Hala-o ni?» Mó mulul nda aa: «Niaa pila cii dimi. Ndu ya co ni.»

Nsaŋ 1:34

Ya yɛ, i ce mi timbi seilen maa ndu co Po Hala-o ni.»

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Nsaŋ 9:35

Mɛɛ Yeesu tuɛi maa a cii ndu soli o bɛ́ɛ̀, mó komal ndu, mó ɲuna ndu aa: «A laalan pá Po vanacieo?»

Nsaŋ 20:31

Kɛ mun sɛvan haliko mi la laalan maa Yeesu co Krista ni, Po Hala-o pɛɛn. O kon la laalan pɛ, la sɔla yoomoo o diola ndɔlan.

2Korɛntea 1:19

Kani sɔɛi Yeesu Krista Po Hala-o, o Silas, Timote a ya pila dimul niaa sɔɛi ndɔɛi-yo, o co sɔɛi vana cɛl mà kɛɛ le. Kɛ o ndu nin, oi koni co oi ni.

Kalatea 2:20

I sɔla piɔ́mndo naa Krista latulu o yɔm singafilaa coo, lelan o co lɛ ya le co yoomu le, Krista co nin yoomoo ya nin ni. Sunsun, ceen ni ivanacieeyaa, i co ndu vilio a laalanndo o Po Hala-o nin, o kaola ya, mó yɔngu yoomu ndɔɔ le ya-o.

Hebreea 4:14

Lelan n simnun yili o laalan naa n co sɔɛi ndɔɛi dimio-o coo. Kani n nɔ bolle vanaa-solia-lasálàá, o kɔɛ nin o halataala di-o, Yeesu po Hala-o pɛɛn.

Hebreea 7:3

O nɔ fuɲa le, o nɔ kala le, o nɔ yungu le, o nɔ fuɲa mama le. Vana sínà telen o velun te, vana sínà a piɔ́m ndɔɔ o kɔɔ le. Maa po Hala-o o co ni, vana-solia-lasálàá fɛɛn fɛɛn-ndo o co ni.

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.