Matie 4:24 - BII BILA

²⁴ Mí tɔ́ɔ́ ndɔɔ tiw o lɛŋnde Siri len nin kpow. Má va ndu vanaa lanàà súú-súù ka, vanaa bolii hiŋnannda, vanaa ɲinaa vɔɔnda va kɔɔli-a a vanaa kikiɲaa cuuo. A va ndu vɛlɛ vanaa falun vílɛ́iya cuuo, mí Yeesu va nda singio.

Matie 4:24 Referans Kwoze

Matie 17:15

mó dimi aa: «Maalii, tuinun po nuu iɲíí, naa ɲinaa co ndu ni, lɔ́ɔ́ pum o del o yin, lɔ́ɔ́ pum o del o mɛnndan nin.

Matie 8:6

mó tɛɛlun ndu aa: «Maalii, vana ni baalaa co ihini cɛinin, falon kpede n vi ndu, o co sangaa taw.»

Luke 5:15

Kɛ mí tɔ́ɔ́ ndɔɔ cɔɔlu sɛŋin, mí vannda cuungian sɛ́lɔ́ɔ́ le ndu nilan yaŋɔɔ a le nda singio a naala ndalan.

Luke 2:2

Sɛva tase kon yɔŋnun telen Kirinius va masa-ibungaa o lɛŋnde Siri len nin-ndo.

Matie 17:18

Mí Yeesu soaa ɲina vɔɔn kon, mó fula poombɔ kalaa nin, mí poombɔɔ siangun bɛɛ o foofo kon.

Matie 15:22

Mí vanalanɔ Kanannɔ fula kpengii ken-ndo can yondaa aa: «Tuinun ya iɲíí Maalii, Po David-o. Ɲinaa co bɔɔ cua nuu saangiaa!»

Matie 12:22

O kon kɔɔli, má cuu ndu bobonɔ sumɛi ɲina vɔɔndo va kɔɔli-o. Mó singi ndu, mí bobonɔ kon kandu dɔ́ɔ́ sɔɛi a cɔu.

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Dɛnnda kiilaa 15:23

Má viam nda le sɛbɔɔ ho yɔɔ, o va o sɛvaa aa: «Naa kiilaa, kaasoŋaa kɔlkalua kunda vanaa laalannda a naa puapilɛa niaa, n yil niaa puapilɛa naa co vanaa co N'Yuifi le-a tɛɛn Antiɔs, Siri a Silisii-a.

Marke 2:3

Má cuu ndu vana falun vílɛ́iyo pum, vannda nda hiɔɔlu cua ndu ni, má hun a ndu.

Marke 1:32

Paalen delɔɔ, mí ɲumndan má toal. Má cuu ndu vanaa lanàà súú-súù ka a vanaa ɲinaa va kɔɔli-a.

Matie 4:23

Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Fulaa 15:26

Mí Mɛlɛka dimul nda aa: «Te la bii pɛ diom nuu, ya Mɛlɛka, ya co Hala niaa-o, te la kela pɛ kela sandaa ya o hɔl, te la yaŋ pɛ nilan o silala nilan mì la bii lan kpow, i tuisinin niaa nààla ya tuisi Esiptea coo lan coo le, hali naa vaa lende o pilɛ o tulnin niaa coo le. Kani ya co Mɛlɛka ni, ya nɔ siongɔɔ niaa o ba ni.»

Dɛnnda kiilaa 15:41

Mí Pol kei Siri a Silisii, mó luei vanaa Hala-a yoomuan.

Luke 4:14

Mí Yeesu muungu Kalile a kpaaya Hala Kɔl-Diandaa. Mí tɔ́ɔ́ ndɔɔ sɛŋin o lɛŋnde len nin kpow.

Marke 1:28

O kon, mí tɔ́ɔ́ ndɔɔ keleŋa tiw cɔ́-cɔ́ o tàndá Kalile-o nin kpow.

Matie 14:1

A boondii ken, mí Herɔde va masaa Kalile-o tuɛi Yeesu tɔ́ɔ́.

1Dɛnnda lemasalan 14:17

Mí tɔ́ɔ́ David-o sɛŋin o lɛŋii ken nin kpow, mí Mɛlɛka siinguu ndu vana bɛndoo, mi vanaa-mangalaa-isɔɔa kpow a vo ndu.

1Masaa 10:1

Mɛɛ masa laandu va o lɛŋnde Saba len nin-ndo tuei Salomɔn tɔ́ɔ́ le kɔlkalu Mɛlɛka ke ndu-o, mó yiyan le kɔlan ndu kɔlɔɔ solio a ɲuuniaala kàlà-kálàlan.

Yosue 6:27

Mɛlɛka va Yosue ikɛi, mí Yosue fula tɔ́ɔ́ o lɛŋnden kpow coo.

Nsaŋ 10:21

Mí a pum nda va dimio aa: «Vana seemɛi súú nuaa le! Vɛ̀ɛ̀ mì ɲina vɔɔndo ndu kumbi vana sumɛiyo hɔltan?»

Matie 9:35

Yeesu va keiyo o kobilan kpow nin a o cieon pɔmbɔn, mó va vannda pɛɛkoo o cɛila lekaannda ndalan nin, mó va keiyo Yoongu kɛndɔɔ dimio a masale Hala len o kɔɔ, mó va nààla súú-súù ka a namtale súú-súù ka singio.

Matie 9:26

Mí tɔ́ɔ́ kon tiw o bungɛi ken nin kpow.

Matie 8:28

Yeesu tiiyaa o kɔngɔɔ pilɔɔ o lɛŋnde Kadareniia nin, mí langbaa ɲinaa vɔɔnda va kɔɔli-a pum a fula nda ŋiɔn nɛɛ ndáà kumbu vanvílɛ́iya-a, má hun ndu laci. Siòòŋii ndɛi va vannda taw-taw, lelan vana óò cɛl lɛ le keiyo a kpengii ken te.

2Samiɛl 8:6

Mí David kɛsi masaa n'bungaa Aram o lɛŋnde Damas len nin, o kon mí Aramiia cal sumialii ndɔ, má va muloo malɔɔ ndu o ba. Nduyɛ, nɛɛ-nɛɛ ndóò kɔɛ pɛ le cɔwvo tosaa, Mɛlɛka ndóò sim ndu kɔɔli, ndóò nɔla yaamɔɔa o cɔwvo.

1Dɛnnda lemasalan 29:2

I kindikindin, mí bɛɛndian kpow le Cɛi-Hala-o tangullo. I cuungiaa sianion le ɲɛm bɛnda le cɔwnɔnndo a sianion-ndon, volion le ɲɛm bɛnda le cɔwnɔnndo a volion-ndon, daɲan le ɲɛm bɛnda le cɔwnɔnndo a daɲan-ndon, cilinndon le ɲɛm bɛnda le cɔwnɔnndo a cilinndon-ndon, yɔmnde le ɲɛm bɛnda le siɔlnɔnndo a yɔmnde-on. Mí cuungiaa powta onikselan a powta báà kàlàla vana bɛɛndiaa holiholi le ɲɔɔ naŋɔɔ lan, powta tiŋilan a powta súú-súù ka kunda bɛndoo taw.

Matie 8:33

Mí vanaa va nda mandaa-a ɲaanun, má kɔa ciee, má kɔ dimul vannda dɛnɛ yɔŋnun-ndo kpede. Kɛ taama-taama o yɔŋnun a langbaa ɲinaa vɔɔnda va nin-nda-o.

Marke 2:4

Kɛ ndáà nɔla luɛyɔɔ le tiiya a ndu o Yeesu lo le, kani sɛ́lɔ́ɔ́ va o dio taw. Má kumbi yindɔɔ o fonda Yeesu va-o kpafii, má tuisi vana falun vílɛ́i kon ihini o ɲɛ ndɔ hinia coo.

Marke 2:9

Vana falun vílɛ́iyo dimullo aa: ‹Hakila nɔmndan la malnun haki›, a ndu dimullo aa: ‹Cɔn, cua ɲɛ nɔm hinia mà kɔɛnnun›, ɔ́ɔ̀ o hiow va bɛɛn-bɛɛn ndo?

Luke 4:38

Yeesu fulaa o cɛi lekaando nin, mó kɔa o Simɔn-ndo cɛinin. Lefu laandu Simɔn kon va sangaa a dialun tuwvon taw. Má tɛɛlun Yeesu haliko mi ndóò tosa ɲɛ pum le ndu.

Luke 5:24

Nduyɛ, mɛɛ mì la sina maa Po vanacieo nɔ kpaayaa o lɛŋnden coo, o ó mal vannda haki-o pɛɛn. O kon, mó dimul vana falun vílɛ́i kon aa: ‹Cɔn, cua ɲɛ hinia nɔmndo mà kɔɛnnun o nɔm ndo.›»

Dɛnnda kiilaa 8:7

Nduyɛ, ɲinaa vɔɔnda va vanaa bɔɔ-bɔɔ fulaa nin a yeelan, mí vanaa falun vílɛ́iya a namtaa taw a sɔla siongɔɔ.

Luke 7:17

Mí vannda sɛŋi dɛnɛ Yeesu tosa kon-ndo o tàndá Yuda-o nin a o sɔndɔkɔltaa balu lon-ndan nin kpow.

Dɛnnda kiilaa 28:9

O kon mí vanaa lanàà tɔ̀a va o lɛŋnde len nin-nda bɛɛ a hun, má sɔla siongɔɔ.