Matie 4:23 - BII BILA

²³ Yeesu va kelaa o tàndá Kalile-o kpow nin, o va keiyo vannda pɛɛkoo o cɛila lekaannda Yuifia nin, o va yondaa a masale Hala len o kɔɔ, o va vannda singio a nààla ndalan kpow a á namtale kɛ́-kɛ̀ ndáà nɔ.

Matie 4:23 Referans Kwoze

Matie 9:35

Yeesu va keiyo o kobilan kpow nin a o cieon pɔmbɔn, mó va vannda pɛɛkoo o cɛila lekaannda ndalan nin, mó va keiyo Yoongu kɛndɔɔ dimio a masale Hala len o kɔɔ, mó va nààla súú-súù ka a namtale súú-súù ka singio.

Marke 1:39

O kon mó kɔa o tàndá Kalile-o kpow nin, mó va sɔɛi Hala-e yondaa o cɛila lekaanndan nin a ɲinaa vɔɔnda tovɔɔ.

Dɛnnda kiilaa 10:38

La sinà mɛɛ Hala pɔla Yeesu fula Nasarɛt-o a kpaaya Kɔl-Diandaa yɛ, a mɛɛ ndu Yeesu kei vannda dɛnɛ kɛndɔɔ tosal nɛɛ-nɛɛ ka yɛ. O va vanaa va o biyɔɔ nin ɲina vɔɔndo o ba-a kpow singio, kani Hala va ndu ikɛi.

Luke 7:22

O kon kɔɔli, mó mulul kiilaa Nsaŋ vem kan-nda aa: «La kɔ dimul Nsaŋ ɲɛ niaa ce mì la tuɛi-yo: vanaa sumɛiya co cɔu, namtaa co kɔlan, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co tendullo, Yoongu Kɛndɔɔ co vanaa bala fondoa tiiyalanndo.

Matie 11:5

vanaa sumɛiya co cɔu, vanaa bɛvɛiya co cɔnɔnndo mà va kelaa, vanaa nàà siaŋaa co siongɔɔ, vanaa nila baŋulɛiya co tueyɔɔ, vanvílɛ́iya co muungoo yoomu, Yoongu Kɛndɔɔ co vanaa bala fondoa tiiyalanndo.

Matie 13:54

Mó kɔa o lɛŋnde ndɔlen nin, mó kandu vannda pɛɛkoo o cɛila lekaanndan nin, mí kɔndɔfillo bii nda. Má va dimio aa: «Kuɛɛ o fula yɛ a kɔlkaloo ho a á kaamaala o co lan tosaa lan?

Marke 1:21

Mí Yeesu nda kaandeŋaa ndɔa kɔa Kapɛrnaum. Paale pɛngiaalen tiiyaa, mí Yeesu luɛi o cɛi lekaando nin, mó can vannda pɛɛkoo.

Condii lisai 103:3

Ndu mal-la haki le hakila nilan kpow ni, mó singi nààla nilan kpede.

Rɔmnda 10:15

Nduyɛ vɛɛ nɛ nda yonda yɛnin, te vana vim nda le? Maa mɛɛ o sɛvan yɛ aa: «O naŋ bɔɔ le vanaa kan cɔu hunɔɔ, vanaa co yoongula kɛndɛlan yondaa-a.»

Luke 8:1

O kon kɔɔli, mí Yeesu va kɔlan o cieon a o kobilan nin. O va keiyo Yoongu Kɛndɛ masale Hala len dimio nɛɛ-nɛɛ ka. Kaandeŋaa tɔ́ a à ŋiɔŋaa ndɔa a va ndu kɔɔli,

Marke 6:2

Paale pɛngiaalen tiiyaa, mó kɔa vannda pɛɛkoo o cɛi lekaando nin. Mí sɛ́lɛ́ bɛndu va ndu nilan yaŋɔɔ-o dɔawnun kɔndɔfili. Mí vannda va dimio aa: «Kuɛɛ o fula yɛ a hee kpow? Kɔlkalu súú yɛɛ kennun yɛ ndu hoo? Vɛ̀ɛ̀ o looku yɛ dɛnnda kaamaalan ndan kpow tosaa?

Matie 24:14

Yoongu kɛndɛ soo a masale Hala len o kɔɔ-o yondannin o ceendo coo kpow, haliko mi ken i va seilen le vanaa-mangalaa-isɔɔa súúlan kpow. O kon kɔɔli, mɛɛlulan la tiiya.»

Matie 12:9

Mí Yeesu faŋan ndon, mó kɔa o cɛi lekaan ndaa nin.

Nsaŋ 18:20

Mí Yeesu mulul ndu aa: «Kpendekele ya va sɔɛi o vannda kpow lo ni. Lɔ́ɔ́-lɔ́ɔ̀, i va vannda pɛɛkoo o cɛila lekaanndan a o Cɛi-Hala-o nin nɛɛ Yuifia kpow bɔɔŋian-nda. I dímí ɲɛ-ɲɛ o vionnɔn nin te.

Luke 13:10

O paale pɛngiaalen lepum coo, Yeesu va pɛɛkoo o cɛi lekaando nin.

Luke 9:11

Kɛ vannda tueyɔɔ maa a faŋan, má kɔa ndu kɔɔli. Mí Yeesu bii nda, mó va nda sɔɔn dimullo a Masale Hala len o kɔɔ, mó va vɛlɛ vanáà yeema siongɔɔ sɔlaa ndu o ba-a singio.

Luke 5:17

Paale pilɛ, Yeesu va vannda pɛɛkoo. Faliisia a vanaa pɛɛkaa latɔŋnda va icali, fulaa o cieon va Kalile, Yuda a Yerusalɛm-ndon nin kpow. Kpaaya Mɛlɛka-o va Yeesu nin, mó va vanaa lanàá singio.

Marke 6:6

Mó dɔawnun kɔndɔfili le laalan nda kɛɛ-o. Mí Yeesu balu o cieon va lon-ndon nin kpow le vannda pɛɛkoo.

Marke 3:10

Kani o va vanaa bɔɔ-bɔɔ singio, mí vanaa lanàá kpede va ifili-filiei ndu coo le ndu pilanndo.

Marke 1:14

Mɛɛ nda bii Nsaŋ, mí Yeesu kɔannun Kalile. Mó va yondaa a Yoongu kɛndɛ Hala-o o kɔɔ,

Condii lisai 74:8

Nuaa nda va dimio ni aa: «N tɛɛmbun nda kpow.» Fonda oo fonda vannda va Hala biiloo o lɛŋnden nin, à cii lan lumi kpede.

Dɛnnda kiilaa 20:25

I kei niaa kpow tɛɛn, mí pɛɛku niaa a Masale Hala len o kɔɔ, kɛ i sinà nihau maa vana ci lenin ya niaa tɛɛn te.

Dɛnnda kiilaa 18:4

Pol va sɔɛi lɔ́ɔ́-lɔ́ɔ̀ o palɛi pɛngiɛi coo o cɛi lekaando nin, o va vɛlɛ nɛilan nuwviaa le Yuifia a Krɛkia kɔltan pilanndo.

Nsaŋ 6:59

Pɛɛkula Yeesu yɔngu o cɛi lekaando nin Kapɛrnaum-ndan la co lan ni.

Luke 10:9

La singi vanaa lanàá co lon-nda, mì la dimul nda aa: ‹Masale Hala len le sɔɔnguu niaa ikɛi.›

Luke 6:17

Mí Yeesu toal pembei a kaandeŋaa ndɔa, mó sim o dɛngbɔɔ nin. A va sɛ́lɔ́ɔ́ taw, vanaa celen va vɛlɛ lon sɛ́lɔ́ɔ́ fulaa Yuda, Yerusalɛm, a vanaa fula Tir a Sidɔn o mɛmma bɛnduan kɔngɔ-a.

Matie 14:14

Ndóò fulaa o dɛ̀ndɔ̀ɔ́ nin, mó ca vannda sɛ́lɛ́ bɛndoo, mí ɲííye bii ndu a nda, mó singi namtaa va lon-nda.

Matie 13:19

Kulun deli o nɛiyo demullo-on, mun co vanaa tuɛi sɔɛi masale Hala len, a bii ndi bila le-a ni. Vana vɔɔndo hin pɛ, o soli nda sɔɛi saŋnun ken nda o lakɔl-le o lakɔl.

Matie 3:2

mó va dimio aa: «La mal yɔŋ vɔɔndo mì la mangalan, kani masale halataala len le co le tiiyaa.»

Nsaŋ 7:1

O kon kɔɔli, mí Yeesu va balɔɔ o tàndá Kalile-o nin, kani ndóò yeema mi ndóò balu tàndá Yuda-o le, bau Yuifia va nɛilan nuwviaa le ndu diyɔɔ.

Luke 20:1

Paale pilɛ, mɛɛ Yeesu va vannda pɛɛkoo o Cɛi-Hala-o nin, mó va nda cɔmndo a Masale Hala len o kɔɔ. Mí bolii vanaa-solia-lasálàá, vanaa pɛɛkaa latɔŋnda a kaasoŋaa kɔlkalua lelɛŋnda hun,

Luke 4:14

Mí Yeesu muungu Kalile a kpaaya Hala Kɔl-Diandaa. Mí tɔ́ɔ́ ndɔɔ sɛŋin o lɛŋnde len nin kpow.

Luke 6:6

O paale pɛngiaale celen coo, mí Yeesu luɛi o cɛi lekaando nin, mó va vannda pɛɛkoo. Langbanɔ ba kɛndɔɔ ndóò vi-o pum va lon.

Luke 7:21

Yeesu va vanaa lanàà bɔɔ-bɔɔ singio o telen kon, namtaa a vanaa ɲina vɔɔndo va kɔɔli-a, mí vanaa ve cɔ le-a taw a ca.

Luke 9:60

Mí Yeesu mulul ndu aa: «Mal vanvílɛ́iya vanvílɛ́yaa ndaa kumbɔɔ. Nɔm yɛ, kɔ mà kɔ cɔm vannda a Masale Hala len o kɔɔ.»

Luke 16:16

Kandɔɔ o telen Moise-o, keiyo a telen vanaa-tɛɛngaa-diom Hala-a, kɔlan tiiyaa háá o telen Nsaŋ Vana yinaa-o, sɔɔn tɔŋndon va diminndo ni. Cɔn nin a telen kon, vannda co Yoongu Kɛndɛ Masale Hala len dimio. Nduyɛ, vana-vana co kindinndo le luɛyɔɔ o Masale len nin.

Dɛnnda kiilaa 28:31

O va vannda pɛɛkoo a masale Hala len o kɔɔ, mo va nda sɔɛi Maalii Yeesu Krista-e tiiyallo a tiindanndo kpede, ɲɛ-ɲɛ kuuna ndu le.