Matie 4:19 - BII BILA

¹⁹ Mó dimul nda aa: «La del-la kɔɔli, mì siinguu niaa vanaa yɔɔyaa n'vanndacieea.»

Matie 4:19 Referans Kwoze

Nsaŋ 12:26

Vana-vana yeema pɛ le ya baalaa tosallo, mɛɛ mò del-la kɔɔli. Nɛɛ ya co pɛ, vana baala nuu bɛɛ bɛnda mò va lon. Fuɲa nuu biilunin vana ni baalaa.»

Matie 16:24

O kon, mí Yeesu dimul kaandeŋaa ndɔa aa: «Vana yeema pɛ le ya hunɔɔ kɔɔli, mɛɛ o pɔɛɛnun a ndu pila, mò siilun yɔm singafilaa ndɔɔ, mò del-la kɔɔli.

Luke 9:59

Mí Yeesu dimul langbanɔ celen aa: «Del-la kɔɔli.» Mí langbanɔɔ muli aa: «Vana bɛndoo, cɛl mì i kɔ kumbu fɔlɔn fuɲa nuu.»

Nsaŋ 21:22

Mí Yeesu mulul ndu aa: «Te i yeema pɛ mò lo yoomu háá mi hin, mò va maa mako nɔm co kon ni? Nɔm hun ya kɔɔli tuŋ!»

Nsaŋ 1:43

Diimandɔɔ, mí Yeesu kialu le kɔlan Kalile, mó komal Filipe. Mí Yeesu dimul ndu aa: «Del-la kɔɔli.»

Luke 5:27

O kon kɔɔli, mí Yeesu fula, mó ca vana biyaa muloo, diolan Levii, o va icali nɛɛ biyaa mulua. Mí Yeesu dimul ndu aa: «Del-la kɔɔli.»

Marke 2:14

O lo hiovɔɔ, mó ca Levii po Alfee-o, o va icali o cɛi biyaa muloo. Mó dimul ndu aa: «Del-la kɔɔli!» Mí Levii can, mó kɔa ndu kɔɔli.

Matie 19:21

Mí Yeesu mulul ndu aa: «Taa yeema pɛ ma peelun, mɛɛ kɔ pisi ɲɛm n nɔ-on, ma piɔw vanaa bala fondoa, o kon ma sɔla bolofaa o halataala. O kon kɔɔli, a hin, a del-la kɔɔli.»

Matie 9:9

Mɛɛ Yeesu faŋan ndon, mó kɔa lándán, mó ca langbanɔɔ pum icali o cɛi biyaa muloo nin, diolan ndu Matie. Mó dimul ndu aa: «Del-la kɔɔli!» Mí Matie can, mó kɔa ndu kɔɔli.

Matie 8:22

Kɛ mí Yeesu mulul ndu aa: «Del-la kɔɔli. Mal vanvílɛ́iya vanvílɛ́yaa ndaa kumbɔɔ.»

2Korɛntea 12:16

O va bɛɛ maa i siŋnun volɔɔ le niaa le. Kɛ hali a kon, la co cɔu maa i nɔ kɔlkalu vɔɔndo, maa a kɔlkalu vɔɔn kon ya bii niaa ni.

Matie 4:18

Yeesu va kɔlan o mɛmma ihɛllan Kalile demullo, mó ca puapilɛa pum nda ŋiɔn, Simɔn, o ndáà veelu aa Piɛr-o a Andre pɔmbɔ ndɔ. A va yala yɔɔyaa vuuo o mɛmma ihɛllan nin, kani vanaa yɔɔyaa nda va ni.

Matie 4:20

Fɔ́ɔ́fɔ̀, má mal yalala ndalan, má kɔa ndu kɔɔli.