Matie 4:17 - BII BILA

¹⁷ Cɔn nin a telen kon, mí Yeesu kandu yondaa, mó va dimio aa: «La mal yɔŋ vɔɔndo mì la mangalan, kani masale halataala len le tiiyaa.»

Matie 4:17 Referans Kwoze

Matie 3:2

mó va dimio aa: «La mal yɔŋ vɔɔndo mì la mangalan, kani masale halataala len le co le tiiyaa.»

Dɛnnda kiilaa 2:38

Mí Piɛr mulul nda aa: «La mangalan, mì vana-vana o niaa tɛɛn sɔla yinɔɔ o diola Yeesu lan, haliko mi hakila niaalan la malnun haki. O kon mì la sɔla ke Kɔl-Diandaa.

Luke 5:32

O co vanaa sandaa le ya hin veelu le, kɛ vanaa lahakia, haliko ma mal yɔŋ vɔɔndo, ma mangalan.»

Luke 24:47

mì vannda balu vanaa-mangalaa-isɔɔ kpow dimullo, kandɔɔ Yerusalɛm maa a mal yɔŋ vɔɔndo, mà mangalan, mà sɔla hakilan malɔɔ.

Dɛnnda kiilaa 17:30

Hala co lɛhau telen vannda ve ndu kon sina loo tofa le, kɛ sunsun o co nda veeloo, nɛɛ-nɛɛ nda co, haliko ma mangala kelala ndalan.

Matie 9:13

La kɔ nuwviaa kɔlɔ sɔɛi he aa: ‹Vannda ɲííye tuinɔnndo hɛnan ya ni, o co sálàlan solio le.› Kani o co vanaa sandaa le ya hin veelu le, kɛ vanaa lahakia.»

Dɛnnda kiilaa 26:20

Kɛ vanaa co Damas-a a haa Yerusalɛm ya kandu yoongu kalaa tiiyallo ni, o kon kɔɔli, mí pɛɛku haa o tàndá Yuda-o nin kpow a vanaa-mangalaa-isɔɔa. Mí dimul nda maa a mal yɔŋnda vɔɔnnda ndalan, mà mangalan, mà mulul Hala hɔlla, mà tosa dɛnnda cɔm maa a mangalan ndan.

Luke 15:7

Lende vɛlɛ koni, mì dimul niaa, te vana yɔŋ vɔɔndo o pilɛ mal pɛ yɔŋ ndɔ vɔɔndo, lende koni ɲaale bɛndoo vanin o halataala, mò hiow ɲaale vanaa sandaa belaŋɔmahiɔɔlu a ŋɔmahiɔɔlua a nɔ lɛ mako le mangalan te-a ni.»

Dɛnnda kiilaa 3:19

Lelan, la mangalan, mì la mal yɔŋ vɔɔndo, mì la mulul Hala hɔlla, haliko mo ɲumi hakila niaalan.

Luke 15:10

Mì dimul niaa, lende koni mɛlɛkaa Hala-a a dɔawnun ɲaale le vana yɔŋ vɔɔn mal yɔŋ ndɔ vɔɔndo, mò mangalan-ndo ni.»

Dɛnnda kiilaa 20:21

I veelu Yuifia a vanaa co N'Yuifi le-a le vulan baŋɔɔ Hala o labɛngunin, a le Maalii naa Yeesu laalanndo.

Hebreea 6:1

Lelan n mɛinun sɔɔn kindu o pɛɛkuula Krista lan nin toon a makɔɔ, mì n mulin hɔlla o sɔɔn kaasonnda. N muungun ndɛ o pɛɛkoo ho tumndo di le, maa mɛɛ dɛnnda yɔngu vana piɔ́mndo sɔlaa lan malɔɔ co nuaa yɛ, Hala laalanndo,

Dɛnnda kiilaa 11:18

Mɛɛ nda tuei sɔɔn mun, mí nda kpow a mei, má candu Hala aa: «Mɛɛ Hala cɛl mì vanaa co N'Yuifi le-a bɛɛ mangala kelala ndalan, mà sɔla ciinda kpeekpeiyo.»

Matie 25:1

Mí Yeesu dimi aa: «Masale halataala len le vanin ko kpen a felengia laandua n'van tɔ́, á cua fitinala ndalan, má fula le kɔlan vana yil lanɔɔ sɛnɛi-yo bɔŋaa-a.

Matie 13:47

«Masale halataala len le co ko vɛlɛ kpen a yala yɔɔyaa nda vuu o dalaa nin, mó kɔandu suvaa súú-súù ka-o.

Matie 10:7

La va pɛ kɔlan, la kei vannda diomndo ho tɛɛngul nɛi-tɛɛn maa masale halataala len le co nin le tiiyaa.

Luke 9:2

Mó viam nda vannda pɛɛkoo a masale Hala len o kɔɔ a le vanaa lanàá singio.

Matie 11:12

Cɔn o paale Nsaŋ Vana-yinaa len háá hau, vannda co masale halataala len cɔlɔbaa, nduyɛ vanaa kɔlvesɛiya co len hiɔlɔ̀ɔ́ ni.

Matie 13:24

Mí Yeesu dimul nda vɛlɛ tale celen aa: «Masale halataala len le co maa langbanɔ saŋ malun kɛndɔn o ciɛi ndɔɛi nin-ndo.

Matie 13:9

Vana nɔ pɛ nilan, mɛɛ ndu tueí!»

Matie 13:11

Mí Yeesu mulul nda aa: «Niaa, la sɔla sinapɛngoo le dɛnnda viannanndan bilaa biyɔɔ a masale halataala len o kɔɔ, kɛ nda sɔla sinapɛngu vaa lende le.

Matie 6:10

Màá masale nɔmnden le hun! Màá hɛnan nɔmndo tosan o lɛŋnden coo, mɛɛ o co tosanndo o halataala yɛ!

Luke 3:23

Yeesu ndóò nɔ nin ɲɛ vɔsila beleyaa, mó kandu baala ndɔɔ. Vannda va yiyanndo maa po Yosɛf-o o va ni, Yosɛf po Elii-o pɛɛn, Elii