Matie 4:16 - BII BILA

¹⁶ vanaa co icali o ɲumndan nin-nda ce ɲɛ-tengaa bɛndoo, pangeloo tenga vanaa va icali o lɛŋnde vunduma piɔ́mnden nin-nda coo!»

Matie 4:16 Referans Kwoze

Esai 9:2

Òó Mɛlɛka, a vangala vannda ha ma kui taw, a yɔngu nda kɔlkɛndɔɔ taw-taw. A co ɲaaloo dɔwnɔnndo nɔm o hɔl mɛɛ vana dɔawnun ɲaale telen koavaa n'mallo yɛ, mɛɛ vana yonda a kɔlkɛndɔɔ o ɲɛm nda hɛlu yaamɔɔa o ba o cɔwvo-on piɔwvo nin yɛ.

Misee 7:8

Nɔm yaamɔɔ nuu sei, dɔawnun ɲaale a dɛnɛ nuu o kɔɔ le! Kani i del bɛɛ, i co cɔnɔn, i va bɛɛ icali o ɲumndan nin, Mɛlɛka co ɲɛ-tengaa nuu ni.

Luke 2:32

ndu co ɲɛ-tengaa cɔmnin vannda kpow sɔɛi nɔmnde-o ni, ndu vanin vɛlɛ biiloo le Israɛlla ni, vanaa nɔmnda.»

Amɔs 5:8

Mɛlɛka cɔw mɔmtombolaa, ninaa kundaa a nanga-nsiiyo ni. Ndu mingi ɲumndan ɲɛ-tengaa paale siaa ni, ndu piimiaa paalen ni, mò mingi len ɲumma bɛnduan. Ndu cuungiaa mɛmma ihɛllan ni, mò saŋ man o lɛŋnden coo. Diola ndɔlan aa Mɛlɛka.

SƐBƐ YƆB-O 34:22

Ɲumma man ma co le, vundule piɔ́mnde len le co le, nɛɛ vanaa dɛnɛ vɔɔnda nɔla vionnɔnndo-a.

Yeremi 13:16

La biilu Mɛlɛka Hala niaa, lɔ́ɔ́ pá o hun tuisi ɲumndan, lɔ́ɔ́ pá niaa kandu boŋio o pembun co o ɲumndan nin-ndon. La va ɲɛ-tengaa kɔl, kɛ mó mangala ndu ɲumma bɛnduan, mó mingi ndu maa piɔɔ helaa.

SƐBƐ YƆB-O 10:22

Lɛŋnde ya co len kɔlan nin-nden, ɲumma bɛndu-bɛnduma laasi-laasian kínɛí ma co lon ni, ɲɛ-tengaa paale siaa, maa ɲumma n'kpungba o co lon ni.›»

SƐBƐ YƆB-O 3:5

Màá ɲumma bɛnduan a vundule piɔ́mnden léè tol paale len coo vofu! Màá yumbuyumbo bɛndoo ndóò tol o paale len coo! Màá halataalaa va lɔ́ɔ́-lɔ́ɔ̀ o tiŋi kpilo o paale len coo, mì ɲɔɔ ndóò kumbu ɲɛ-tengaa paale len mì siòònde ndíì bii len!

Condii lisai 44:19

N muungu a makɔɔ le, n mel vɛlɛ nɛila nɔmndan te.

Esai 9:1

«Vanaa va kelaa o ɲumndan nin-nda ce ɲɛ-tengaa bɛndoo. Pangeloo tenga vanaa va icali o lɛŋnde vunduma piɔ́mnden nin-nda coo.