Matie 4:10 - BII BILA

¹⁰ Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Matie 4:10 Referans Kwoze

Tɔŋ miingua 10:20

La bɛnda mì la nɔ siòòŋii Mɛlɛka Hala niaa, ndu niaa bɛnda le biiloo ni, ndu kínɛí niaa bɛnda le holnɔndo ni, o diola ndɔlan daama niaa bɛnda le mɛnanndo ni.

Yosue 24:14

Mí Yosue dimul nda aa: «O laan, siòòŋii Mɛlɛka-e va niaa, mì la tosal ndu baalaa a kɔlta niaalan kpede, mì la lo o lediom coo a ndu. La mal halaa fuɲaa niaa mamaa va biiloo peo leeloo-a, halaa Esiptea pɛɛn, mì la tosal Mɛlɛka baalaa.

Luke 4:8

Mí Yeesu mulul ndu aa: «O co o sɛvaa aa: ‹Biilu Mɛlɛka, o co Hala nɔmndo-o. Ndu pilɛ kpé n bɛnda ma tosal baalaa ni.›»

1Samiɛl 7:3

Mí Samiɛl dimul nda aa: «Te o va pɛ a kɔlta niaalan kpede niaa yeema le muungoo Mɛlɛka o ibuŋ ni, mɛɛ la mal piɔmaa Astarteea sooloo few-few, mì la tiindan Mɛlɛka, mì la biilu ndu ndu pilɛ kpé. O baŋanin niaa Filistia o ba.»

Nsaki 4:7

Lelan, la tuisin Hala o labɛngunin. La simul ɲina vɔɔndo, o ɲaanunnin niaa.

1Piɛr 5:9

La simul ndu ɲɛkɛndɛi a laalanndo, la sínà maa sangala pilɛla lan la co puapilɛa niaa coo o ceendo coo.

Matie 16:23

Kɛ mí Yeesu mulin, mó dimul Piɛr aa: «Faŋan ya kɔɔli, Setana! A yeema mà luei ya o pɔwlan nin, o co yiyannda Hala le n nɔ lan te, yiyannda vanndacieea kposon n nɔ ni.»

SƐBƐ YƆB-O 2:1

Paale pilɛ, mí poaa Hala-a hun sim Mɛlɛka o hɔl, mí Setana bɛɛ hun sim nda tɛɛn le Mɛlɛka cɔmnɔnndo.

SƐBƐ YƆB-O 1:12

Mí Mɛlɛka dimul Setana aa: «Ava, mɛɛ ɲɛm ndɔn kpow n co o kpaaya nɔmndo bɛngu. Kɛ hol ndu pila baa le dɛ!» O kon, mí Setana faŋan Mɛlɛka o hɔl.

1Dɛnnda lemasalan 21:1

Paale pilɛ, mí Setana can le Israɛlla tɛɛmbuuo. Mó luei David yiyanndo nin le Israɛlla diolan sɛvaa.

SƐBƐ YƆB-O 1:6

Paale pilɛ, mí poaa Hala-a hun sim Mɛlɛka o hɔl, mí Setana bɛɛ hun sim nda tɛɛn.

Condii lisai 109:6

A co dimio aa: «La mal ndu vanaa yɔŋ vɔɔnda o ba, la simi vana hɛɛnduaa n'sɔɔ ndu o ba kɛndɔɔ coo.

Fulaa 23:25

Ya Mɛlɛka, ya co Hala niaa-o kínɛí niaa bɛnda le biiloo ni, haliko mi dɔw niaa duaa, mì yɔngu niaa ɲɛdiaa kɛndɛ-kɛndɔɔ a mɛnndan taw-taw, mì kanda niaa vɛlɛ le nààlan.

Esai 30:22

La bɛnda mì la ce volin niaa holi piɔmaa niaa-on a sianin niaa bɛli nda-on maa n nɔɔlɛiyon n co ni. La bɛnda mì la viow nda a mun ma ɲɛ co o nɔɔlɛiyo-o, mì la dimi aa: «La fula nanu!»

Marke 1:13

Mó kɔ tosa lon palɛi belehiɔɔlu, Setana va ndu tɔɔndanndo. Nda visia yondoa va latulu ni, mí mɛlɛkaa va ndu ikɛi.

Luke 10:18

Mí Yeesu dimul nda aa: «I ce Setana delɔɔ fulaa o halataala maa piɔɔ-volia.

Luke 11:18

Lelan te Setana pila sɛyan pɛ, vɛ̀ɛ̀ masale ndɔlen le sim yɛnin? Kani la co dimio maa a kpaaya Bɛlsebul-lo ya co ɲinaa vɔɔnda tovɔɔ nuaa ni.

Luke 13:16

Vuɛɛn fula yɛ hoo niko o polale Abraham-nden coo-o, o Setana ndóò yii o vɔsilan tɔ́ a laŋɔmaa bɛngu-o, bàà ndu ya kɛɛnin singi o paale pɛngiaalen coo ni?»

Luke 22:3

O kon, mí Setana luɛi Yuda nin, o ndáà veelu vɛlɛ aa Iskariɔt-o pɛɛn, ó va vana pilɛ o kaandeŋaa tɔ́ a à ŋiɔnda tɛɛn-ndo.

Luke 22:31

Mí Yeesu dimul Simɔn-Piɛr aa: «Simɔn, Simɔn, yaŋnun! Setana ɲuna Mɛlɛka mì ndu Setana hɛi niaa maa mɛɛ vana hɛi maalon nuaa yɛ.

Nsaŋ 13:27

Yuda biyɔɔ dɔ́ɔ́ bulu kon, mí Setana luɛi ndu nin. Mí Yeesu dimul ndu aa: «Tosa ɲɛ n nɔ le tosa-o cɔ́-cɔ́!»

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Dɛnnda kiilaa 26:18

I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»

1Korɛntea 5:5

O bɛnda mì la mal vana vaa lende Setana o ba, haliko mi dialun ndɔn tambu, mì kɔl ndɔɔ sɔla cindaa o paale Maalii Yeesu len.

1Korɛntea 7:5

Pɔnɔɔ a lanɔɔ bɛnda mà kɛyan cɛinin te, fɔ dɔ́ɔ́ ma cɛlan le telen bingi cuaa le piɛilen. Kɛ nduyɛ, te telen kon cuu dɔ́ɔ́ pɛ, a muungu diom pilɛ, yɔŋii Setana tɔɔndan nda, kani a tiwnin kɔlta ndalan ba le.

2Korɛntea 2:11

yɔŋii Setana hui naa. Nduyɛ, n sínà yeemɛi ndɔɛi.

2Korɛntea 11:14

Kɛ kon dow vana kɔndɔfili le, kani Setana pila bɛɛ co handɔnndo o hɔl maa mɛlɛkanɔ ɲɛ-tengaa o co ni.

2Korɛntea 12:7

Kɛ nduyɛ, yɔŋii yongaa piɔ ya nin ca le kaamaala bɛndula ya ce o vunduan nin-ndan, mí sɔla sangaa o falon nin taw vana ca ko aa mɛlɛkanɔ Setana-o hun lɔɔ ya le ya kuunaa yɔŋii yongaa piɔ ya o n'dial ni.