Matie 3:7 - BII BILA

⁷ Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Matie 3:7 Referans Kwoze

Matie 12:34

Niaa cuavaa hɔ̀ɔ̀lɔ́a ha, vɛ̀ɛ̀ niaa tiw yɛnin ba sɔɔn kɛndɔn dimio, te niaa pila co pɛ a vɔɔn-vɔɔn? Kani ɲɛ pia o kɔllo nin-ndo, ndu sondoo dimi ni.

1Tesalonikea 1:10

Le Yeesu po ndɔɔ cumndo fulaa o halataala, o ndu Hala míngí yoomu fulaa vanvílɛ́iya tɛɛn, mó baŋa naa le kɔltuw co hunɔɔ-o-o.

Rɔmnda 1:18

Kɔltuw Hala-o cɔmnun ceen fulaa o halataala le dɛnnda vɔɔnndan kpow a le dɛnɛ sandaa lepɛŋ vanndacieea co tosaa-o. A co toɲaa vionɔɔ a dɛnnda vɔɔnnda nda co tosaa lan.

Matie 23:33

Niaa kɛwva ha, niaa hɔ̀ɔ̀lɔ́a! Vɛ̀ɛ̀ niaa ɲaanun yɛnin yamɛi co niaa hunɔɔ kilulɔn le kɔlan o ɲánndávàà-e?

Rɔmnda 5:9

Sunsun yɛ, kooma ndɔan ma tosa mí n siŋnun vanaa sandaa Hala o hɔl. Hiovɔɔ o kon coo, o ciindiaanin naa le kɔltuw Hala-o.

Matie 22:23

Paale pilɛle len, mí Sadusea, a va dimio maa vanvílɛ́iya tendulnin te-a, a hun ɲuna Yeesu aa:

Matie 16:6

Mí Yeesu dimul nda aa: «La mandan a lɛvɛn Faliisia a Sadusea!»

1Nsaŋ 3:10

Mɛɛ vana sínà cuavaa Hala-a a cuavaa masa ɲinaa vɔɔnda yɛ co hoo ni: vana-vana tosa dɛnɛ sandaa le, vana-vana kaola vɛlɛ puapilɛ ndɔɔ le, mɛɛ ndu co o Hala le.

Nsaŋ 9:40

Faliisia va ndu ikɛi-ya pum tueyɔɔ sɔɔn mun, má ɲuna ndu aa: «Mò va maa naa bɛɛ vanaa sumɛiya naa n co ni?»

Yeremi 51:6

La ɲaanun mì la faŋan Babilɔn, vana-vana cɛwnun. O kon la vinin le tɛɛmbuu ndaa le. A toɲa, telen Mɛlɛka minginin màá-o tiiya. O tosalnin ndu mɛɛ o bɛnda a ndu yɛ.

Yeremi 6:10

O nɛ̀ɛ̀ lo ya soo yɛ? Nɛ̀ɛ́-nɛ̀ ya kanalan yɛ mò yaŋnun ya? A buli lani le, lelan a tui isɔɔ le. Sɔɛi Mɛlɛka-e nda muungu mamɔɔ ni, i bii nda bɛɛ iyeema le.

Hebreea 11:7

Le laalan Noe ndóò nɔ-o, mí Hala cɔm ndu dɛnnda vanaa ci vɔ le lan. Mí Noe luɛi sɔɛi Hala-e yii, mó toosiaa dɛ̀ndɛ̀ mamɛn bɛndoo le yungu ndɔɔ ciindiaa. Le hee, mí Noe cɔm maa dɛnnda vanndacieea o ceendo coo la niŋ te. O kon mí Hala ca ndu vana sandaa le laalan ndɔɔ.

Dɛnnda kiilaa 26:5

A sínà ya, o co lɛhau le. Te nda pila cɛl pɛ, mà tɛnda seilen, a co sinà maa i yɔŋnun vana pilɛ o vanaa handu pelei kpéŋ-kpéŋ o sɔɔn dinan naan coo-a tɛɛn, dina Faliisia pɛɛn.

Dɛnnda kiilaa 20:31

Lelan, la va lahɔl mì la loonun maa vɔsilan tan yáá co hoo ni, niinoo a lɔan, i va niaa kanalanndo, hali a mɛmɛan o hɔl.

Dɛnnda kiilaa 15:5

Kɛ mí Faliisia pum, aa siŋnun vanaa laalannda-a a va dimio aa: «Mɛɛ mì vanaa laalaŋaa co N'Yuifi le-a dii toomaa, mì vana dimul nda vɛlɛ le tɔŋ Moise-o biyɔɔ.»

Dɛnnda kiilaa 5:17

O kon mí bolle vanaa-solia-lasálàá a Sadusia va ndu ikɛi-ya kpow pia a paŋalaa ca, má yiyan le ɲɛ pum tosaa.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Nsaŋ 1:24

Faliisia vanaa ndáà vem kan-nda va ni.

Luke 18:11

Mí Faliisinɔɔ sim, mó piɛi Hala o kɔl nin aa: ‹Hala, i mel nɔm balika, kani i co maa vanaa tɔ̀a le, vuiya, vanaa yɔŋ vɔɔnda a vanaa suundaa pɛɛn. I co vɛlɛ maa vana biyaa muloo hoo le.

Luke 16:14

Mɛɛ Faliisia kaola volion-nda tuei sɔɔn mun, má kandu Yeesu mamɔɔ.

Luke 7:30

Kɛ mí Faliisia a vanaa pɛɛkaa latɔŋnda a kɛɛ ɲɛ Hala ndóò tuu le nda-o, kani a cɛl mà sɔla yinɔɔ Nsaŋ o ba le.»

Marke 12:18

Mí Sadusea, a va dimio maa vanvílɛ́iya tendulnin te-a, a hun ɲuna Yeesu aa:

Marke 12:13

Má vim Yeesu Faliisia pum a vanaa va Herɔde kɔɔli-a a pum le ndu yaŋɔɔlan miingullo, haliko mi ndáà bii ndu o sɔɔn ndɔn nin.

Marke 8:15

Mí Yeesu dimul nda aa: «La mandan a lɛvɛn Faliisia a á lɛvɛn Herɔde-o.»

Matie 22:34

Faliisia tueyɔɔ maa Yeesu kinda Sadusea sondolan, má cuungian,

Matie 22:15

Mí Faliisia kɔ yii dúmbóó le nɛilan nuwviaa le Yeesu biyɔɔ o sɔɛi ndɔɛi sondoei nin.

Matie 12:24

Faliisia tueyɔɔ lende, má dimi aa: «A kpaaya Beɛlsebul, bolle ɲinaa vɔɔnda langbanɔɔ ho co ɲinaa vɔɔnda tovɔɔ ni.»

Matie 5:20

Kani mì dimul niaa, te dɛnɛ niaa sandaa hiw dɛnɛ sandaa vanaa pɛɛkaa latɔŋnda a Faliisia le, mɛɛ la lueinin o masale halataala len nin te.»

Esai 59:5

A co pelta hɔ̀ɔ̀lɔ́ɔ̀ tɛɛnduuo, vana de pɛ pelta ndalan, ndu sɔla piɔ́mndo, te vana pɛl pɛ pelte ndalen lepilɛ, hɔ̀ɔ̀lɔ́ɔ̀ fula lenin faŋ. A co yalala sontɛndɔɔ lɔu. Kolala nda co lɔu lan, o co le ɲɛ cuɛinan toosiaa le. A nɔla mà cuɛinun a vali nda co kon tosaa-o le. Dɛnnda ndalan, sandii lepɛŋnde caŋɛi la co ni, a co dɛnnda kɔlvesɛilan tosaa a bala ndalan.

O Kandɔɔ 3:15

I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

Hebreea 6:18

Kpemaa a mɛnanndo, sɔɔn miuŋun mun, vana nɔla ikɛ́-kɛ̀ yɛlɛma le. O kpema o yiiyo nin a o mɛnan ndɔɔ nin, Hala co vana dimi lacòò le few, nduyɛ kon luèi naa yoomuan taw. Lelan naa n mal dɛnndan kpow ni, le ɲɛ naa kɛsi kɔllo coo mó kennun naa-o sɔlaa.

Matie 15:12

O kon mí kaandennda sɔɔnguu Yeesu ikɛi, má ɲuna ndu aa: «A sina pá maa sɔɔn n dimi mun-ndon tɛɛmbuu Faliisia kɔltan?»

Talelan 28:4

Vanaa bii tɔŋndo le-a heelu vanaa kɔlvesɛiya ni, kɛ vanaa bii tɔŋndo-a, cɔlɔbaa nda cɔlɔba vanaa kɔlvesɛiya ni.

Matie 16:1

Mí Faliisia a Sadusea sɔɔnguu Yeesu ikɛi le ndu kɔlɔɔ solio. Má ɲuna ndu le nda dɛnɛ kaamaa fula o halataala-o cɔmndo.