Matie 3:6 - BII BILA

⁶ má va hakila ndalan sɔlɔlanndo. Mí Nsaŋ va nda yinɔɔ Yurdɛn o peelo.

Matie 3:6 Referans Kwoze

Dɛnnda kiilaa 19:18

Mí vanaa laalannda hun taw, má sɔlɔlan yɔŋnda vɔɔnnda ndalan vannda kpow o hɔl.

1Nsaŋ 1:9

Te n sɔlɔlan pɛ hakila naalan, vana lo o lediom coo-o a vana sandaa Hala co ni, o malnin naa haki le hakila naalan, mò dindi naa le dɛnɛ vɔɔn kɛ́-kɛ̀ naa n tosa.

Hebreea 9:10

Tanala va le vanndacieea daama lan la va le ɲɛm dian, ɲɛm vana kol-lon a le faleŋun dindiaŋun yɛ́-yɛ́ɔn ni. Tanala lan kpow láà bɛnda háá o telen Hala va dɛnndan yɛlɛma-o.

Matie 3:11

Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

Hebreea 6:2

pɛɛkoo a yinɔɔ o kɔɔ, vannda balan handɔɔ coo le piɛilen, tendul vanvílɛ́iya a yamɛi mɛɛlɛi.

Kolɔsea 2:12

Nduyɛ, telen niaa sɔla yinɔɔ-o, mí la sɔla kumbɔɔ o sɛiyo nin a ndu latulu, mí la tendul vɛlɛ a ndu latulu, le tùú niaa laalan kpaaya Hala mingi ndu yoomu fulaa vanvílɛ́iya tɛɛn-ndo.

1Korɛntea 10:2

Má sɔla yinɔɔ o yumbuyumbu kon nin a o mɛmma ihɛllan nin a Moise latulu.

Dɛnnda kiilaa 22:16

Yɛɛ nɛ n co yɛ nihau cum? Cɔn ma sɔla yinɔɔ, mà dendu le hakila nɔmndan, mà biilu Hala o diola Maalii lan.»

Dɛnnda kiilaa 11:16

O kon, mí yiyan dɔ́ɔ́ a sɔɛi Maalii dimi-e aa: ‹O mɛnndan nin Nsaŋ ndu yin ni, kɛ niaa niaa, la sɔlanin yinɔɔ a Hala Kɔl-Diandaa.›

Dɛnnda kiilaa 1:5

Kani o mɛnndan nin Nsaŋ yin vannda ni, kɛ niaa niaa, palɛi bendu lɛ le, mì la sɔla yinɔɔ Hala Kɔl-Diandaa.»

Luke 3:16

O kon mí Nsaŋ mulul nda kpow aa: «Ya, o mɛnndan nin ya co niaa yinɔɔ ni, kɛ Vana hiow ya kpaayaa-o co hunɔɔ, i co bɛɛ o sɔvɛ le yoi ndɔɛi lasiamtai timbio le. Ndu, o yinnin niaa a Kɔl-Diandaa a á yinnden.

Marke 1:5

Vanaa va o tàndá Yuda-o nin-nda a vannda Yerusalɛm kpow a va kɔlan o ndu lo, má va hakila ndalan sɔlɔlanndo. Mó va nda yinɔɔ Yurdɛn o peelo.

Daniɛl 9:4

Mí tɛɛlun Mɛlɛka Hala nuu, mí sɔlɔlan yɔŋnda vɔɔnndan ndan. Mí dimi aa: ‹Éé Maalii! Hala bɛndoo a kpúlúnkùmaa! Nɔm, a manda kpema nɔmndo le vanaa bii tɔŋnda nɔmndan-nda. A lo o lediom coo a vanaa kaola nɔm-nda.

Esekiɛl 36:25

I fasaŋanin niaa mɛmma diandan coo, o kon mì la dendu. I tɔaanin niaa le dɛnnda nɔɔlɛila niaalan kpow a le piɔmaa niaa kpede.

Talelan 28:13

Vana co tɛɛmbuula ndɔlan vionɔɔ-o, tìw dɛnɛ ba le, kɛ vana sɔlɔlan pɛ tɛɛmbuula ndɔlan mò mal tan, ndu sɔla ɲííye tuinɔnndo.

Condii lisai 32:5

O kon kɔɔli, mí sɔlɔlan haki nuu, i vin tɛɛmbuu nuu le. Mí dimi aa: «I co hakila nilan sɔlalan Mɛlɛka o hɔl». Ɛ̀ɛ̀ nduyɛ, má mal-la haki le tɛɛmbuula nilan.

Yosue 7:19

O kon, mí Yosue dimul Akan aa: «Po nuu, ke Mɛlɛka Hala Israɛlla bɛɛlen ma biilu ndu. Cɔm ya dɛnɛ n tosa-o, nduyɛ vin ya ɲɛ-ɲɛ le.»

Kundalan 5:7

Lelan, o bɛnda mò sɔlɔlan dɛnɛ vɔɔn o tosa-o, mò mingul vana o de kon ɲɛ ndɔɔ a sondo yeelaa-o ɲɛ kon kpow, mò tuu vɔngu ɲɛ kon, mò handu ipilɛ o ŋuɛɛnu oo ŋuɛɛnu coo o vɔngu vana-solia-lasálàá kelu-o coo le ndu mingullo.

Tɔŋ lasálàá 26:40

«O kon, a sɔlɔlannin tɛɛmbuula ndalan a tɛɛmbuula fuɲaa ndaa mamaa, mà sɔlɔlan kasila nda del a ya lan a nila kalula nda tosa a ya lan.

Tɔŋ lasálàá 16:21

O kon, o handu bala ndɔlan cuin toovi kon o lebol, o sɔlɔlan hakila Israɛlla, nila kalula ndalan a tɛɛmbuula ndalan kpow, o vow lan cuin kon coo. O kon kɔɔli, vana hɛlin lelan-ndo kɔɛ a cuin kon, o tow ndu o lɛŋnde veselɛilen nin polon.

1Piɛr 3:21

Tuula yinɔɔ co niaa hau ciindiaa-o va kon ni, yinɔɔ kon dindi vana le nɔɔ n'faloo le, kɛ piɛilen o co le Hala yɔngɔnndo fasɛi ni, ndu ciindiaa vana a tendul Yeesu Krista-o o kɔɔ ni.

Nsaki 5:16

Lelan, la sɔlɔlan hakila niaalan vellaa-velle, mì la piɛi le niaa pila vellaa-velle, haliko mi la sɔla siongɔɔ. Piɛile kindiannde vana sandaa le nɔ kpaayaa taw.

Ɛsdras 10:1

Telen Ɛsdras va kon vula baŋaa o Cɛi-Hala-o hɔl-ndɔ, mó va Hala piɛiyo a hakilan sɔlɔnndo a caŋndo-o, mí Israɛlla cuungian sɛ́lɛ́ bɛndoo ndu ikɛi: vanpiaandua, vanlaandua a cuaambɔa. Mí nda kpow a va caŋndo fúkpàà-fùkpàà.

Luke 1:16

O minginin Israɛlaa bɔɔ-bɔɔ Mɛlɛka Hala ndaa o ibuŋ.