Matie 3:11 - BII BILA

¹¹ Ya, i co niaa yinɔɔ o mɛnndan nin le cɔmndo maa la mál yɔŋ vɔɔndo mì la mangalan. Kɛ vana co hunɔɔ o ya kɔɔli-o, ndu yinnin niaa a Kɔl-Diandaa a á yinnden ni. Ndu hiow ya kpaayaa, i co bɛɛ o sɔvɛ le ndu samtalan timbio le.

Matie 3:11 Referans Kwoze

Luke 3:16

O kon mí Nsaŋ mulul nda kpow aa: «Ya, o mɛnndan nin ya co niaa yinɔɔ ni, kɛ Vana hiow ya kpaayaa-o co hunɔɔ, i co bɛɛ o sɔvɛ le yoi ndɔɛi lasiamtai timbio le. Ndu, o yinnin niaa a Kɔl-Diandaa a á yinnden.

Esai 4:4

Maalii co hoeyii dɛnɛ sandɛi a hoeyii dindiannde hɔŋ, mò tɔɔ vanlaandua Siɔn le ɲɛm nɔɔlɛin co nda tɛɛn-ndon, mò dindi Yerusalɛmnda le kooma vanaa nda diw-va.

Dɛnnda kiilaa 1:5

Kani o mɛnndan nin Nsaŋ yin vannda ni, kɛ niaa niaa, palɛi bendu lɛ le, mì la sɔla yinɔɔ Hala Kɔl-Diandaa.»

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Tite 3:5

mó ciindiaa naa, o ve le dɛnnda sandaala naa pila n tosa lan te, kɛ le ɲíí o tuinun naa-e. Mó ciindiaa naa a kpaaya Hala Kɔl-Diandaa, mó pulu naa pulɔɔ sɛnɛi-yo.

1Korɛntea 12:13

Kani naa kpow n sɔla yinɔɔ Kɔl-Diandaa pilɛ kon o ba, mí n siŋnun kɔɔle pilɛ len, vana va Yuifinɔ, vana va Yuifinɔ le. Vana va cɛ, vana vannun o ba nɔm coo, mí n sɔla Kɔl-Diandaa pilɛ kon le kolɔɔ.

Matie 3:6

má va hakila ndalan sɔlɔlanndo. Mí Nsaŋ va nda yinɔɔ Yurdɛn o peelo.

Dɛnnda kiilaa 19:4

Mí Pol dimul nda aa: «Vanaa va cɛlɔɔ le kelala ndalan mangalaa-a Nsaŋ yin ni, mó va nda dimullo maa a laalan vana va hunɔɔ ndu kɔɔli-o, Yeesu pɛɛn.»

Luke 1:17

O hunnin maa kiilanɔ Hala vem-ndo a yiyanndo a á kpaayaa maa Elii vana-tɛɛngaa-diom Hala-o. O lueinin kɔlɲuloo fuɲaa a cuawva tɛɛn. O mangalanin vanaa bii sɔɛi Hala-e le-a kɔltan, mà sɔla yiyanndo maa vanaa sandaa, haliko mo bɛɛndiaa vannda ɲɛkɛndɛi le Mɛlɛka.»

Nsaŋ 1:30

A ndu o kɔɔ ya va sɔɛi ni, telen ya dimi maa o ya kɔɔli vanndo pum co hunɔɔ, o hiow ya laci-o pɛɛn, kani lɔ́ɔ́ pá mi va, ndu va nin.

Marke 1:4

O kon, mí Nsaŋ, ó va yinɔɔ o lɛŋnde veselɛilen nin-ndo can, mó va yondaa a yinɔɔ o kɔɔ le mangalanndo. Mí vannda sɔla malɔɔ lahakio.

Efɛsea 3:8

I co vana sɔvɛ o vanaa laalannda kpow tɛɛn te, kɛ nduyɛ, kɛndɛi ken i yɔngun ya haliko mi cɔm vanaa co N'Yuifi le-a tɔnɔ bɛndu co o Krista nin-ndo,

Esai 44:3

Kani i tiwnin mɛnndan o lɛŋnde co levesɛilen kpow coo. I solinin peela pɔmbɔlan o lɛŋnde kalonkalonnden nin. I cucunin kɔl nuu yungu niaa coo. I dɔawnin cuavaa fula niaa o ipulu-a duaa taw.

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

Nsaŋ 1:15

Mí Nsaŋ timbi seilen a ndu o kɔɔ, mó yonda aa: «O ya dimi sɔɛi ndɔɛi-yo aa: ‹Vana co hunɔɔ o ya kɔɔli-o, ndu hiow ya laci ni, kani lɔ́ɔ́ pá mi vialun, ndu va nin.› »

Luke 3:3

Mí Nsaŋ kei o tàndáà Yurdɛn nin kpow, mó dimul vannda aa: «La mangala kela niaa, mì la sɔla yinɔɔ, o kon mì hakila niaalan la malnun haki.»

Dɛnnda kiilaa 8:36

A lo kɔlan, má komal mɛnndan. Mí langbanɔ kon dimi aa: «Má cè mɛnndan! Yɛɛ kuuna yɛnin ya yinɔɔ sɔlaa?»

Dɛnnda kiilaa 8:38

Fɔ́ɔ́fɔ̀, mó dimi le ɲɛ ɲaanan soa nan-ndo simio. Má toal nda ŋiɔn kpow o peelo, mí Filipe yin ndu.