Matie 28:6 - BII BILA

⁶ O co nanu le, kani o tendul maa mɛɛ ndóò dimi yɛ. La hun tofa fonda o va o yambaa-o.

Matie 28:6 Referans Kwoze

Marke 16:6

Mó dimul nda aa: «Siòòŋii bii niaa le, Yeesu Nasarɛt niaa co nuwviaa ni, o ndáà baŋ o yɔm singafilaa coo-o. O tendu fulaa vanvílɛ́iya tɛɛn, o co nanu le, la tofa vɔ fonda ndáà yambu ndu-o.

Matie 12:40

Kani mí Yonas tosa palɛi ndii yáá a lɔma leyàá suw bɛndoo o dembe, lende koni Po vanacieo bɛɛ tosanin palɛi ndii yáá a lɔma leyàá o puuloo bɛngu ni.

Matie 16:21

Cɔn nin a telen kon, mí Yeesu kandu kaandeŋaa ndɔa dimullo vakpa aa mɛɛ mò kɔɛ Yerusalɛm, mò kɔ sanga vanaa bɛndua o ba, simlacia vanaa-solia-lasálàá a vanaa pɛɛkaa latɔŋnda, mà dii ndu, mò tendul, mò fula vanvílɛ́iya tɛɛn o paale yàándɔlen.

Luke 24:23

kɛ a komal kɔɔle ndɔlen ndon te. Má hun dimul naa maa mɛlɛkaa cɔmnun nda, má dimul nda maa o co yoomu.

Luke 24:44

O kon kɔɔli, mó dimul nda aa: «Telen naa n va vɔ naa niaa latulu-o, mí dimul niaa maa fɔ mì ɲɛ-ɲɛ co o sɛvaa a ya o kɔɔ o sɛbɛ tɔŋ Moise-o nin, o sɛbɛla vanaa-tɛɛngaa-diom Hala-a nin, a o sɛbɛ condii lisai nin kpow-vo ndóò peelun.»

Matie 27:63

má dimul ndu aa: «Vana bɛndoo, n loonun maa telen langbanɔ poopoo ho va vɔ yoomu-o, mó dimi aa: ‹Te i vi pɛ, palɛi yaa o kon kɔɔli, i tendulnin.›

Nsaŋ 2:19

Mí Yeesu mulul nda aa: «La tɛɛmbuu vɔ Cɛi-Hala-o ho, i minginin ndu simi o palɛi yaa bɛngu.»

Marke 8:31

O kon kɔɔli, mí Yeesu kandu kaandeŋaa ndɔa dimullo maa fɔ mì Po vanacieo sanga taw, mì vanaa bɛndua lelɛŋnda kɛɛ ndu, mì bolii vanaa-solia-lasálàá a vanaa pɛɛkaa latɔŋnda kɛɛ ndu, mà dii ndu. Palɛi yaa o kon kɔɔli, mò tendu fulaa vanvílɛ́iya tɛɛn.

Nsaŋ 10:17

Pua kaola ya fúú le, kani i yɔngu yoomu nuu, mí mingin ndu vɛlɛ o ba.

Luke 24:12

Kɛ nduyɛ, mí Piɛr can, mó ɲaanun, mó kɔa o sɛiyo sondoo. Mó kɔ tundun, kɛ kolala ndáà simbulu kɔɔle Yeesu len nin-ndan daama o ce ni. O kon kɔɔli, mó muungu o ndu lo a kɔndɔfillo le dɛnnda o kɔ cɔ lan ndan.

Matie 20:19

A malnin ndu vɛlɛ vanaa-mangalaa-isɔɔa o ba le ndu mamɔɔ, mà soŋ ndu, mà baŋ ndu o yɔm singafilaa coo. Kɛ mò tendul o paale yàándɔlen.»

Matie 17:23

mà dii ndu, kɛ mò tendul, mò fula vanvílɛ́iya tɛɛn o paale yàándɔlen.» Mí kaandennda buulan taw.

Matie 17:9

Tuma nda va pembei tolɔɔ-o, mí Yeesu sila nda aa: «Háá mi Po vanacieo tendul fulaa vanvílɛ́iya tɛɛn, La dímul vana-vana a vundule niaa ce len-nden o kɔɔ le.»

Dɛnnda kiilaa 2:24

Kɛ mí Hala mingi ndu yoomu, mó soli ndu piɔ́mndo o ba, kani ndóò bɛnda mì ndóò lo o kpaaya piɔ́m kon bɛngu le.