Biblia Todo Logo
Bib sou entènèt

- Piblisite -




Matie 27:51 - BII BILA

51 O telen kon, mí kola landaa va o Cɛi-Hala-o nin-ndo can a tɛndaa coocoo háá mó tiiya lebɛngu di, mí lɛŋnden le ɲiiya, mí powtan la tɛɛndiaa,

Gade chapit la Kopi




Matie 27:51
26 Referans Kwoze  

Mí kola landaa va o Cɛi-Hala-o nin-ndo tɛnda tɛɛn, kandɔɔ coocoo háá mo tiiya lebɛngu di.


N nɔ laalan kon le yoomu naa maa ciliŋii nda mal o mɛnndan nin le dɛ̀ndɛ̀la bɛndulan simio-e. Laalan kpekpeiyo o co ni, o naa sim coo yilio, o luɛi haa o kola landaa co o Cɛi-Hala-o nin-ndo kɔɔli.


Mí kola landaa va o Cɛi-Hala-o nin-ndo tɛnda tɛɛn kpala-kpala.


Mí Cɛi-Hala co o halataala-o kumbin, mí kesu kpema ndɔɔ cɔmnun vakpa o cɛi ndɔɔ nin. Ɲɔɔ va volio maa hala, mí vóólun-vóólunndo va sɔɛi, mí taŋndan ma va piɛndio, mí lɛŋnden le ɲiiya, mí loeon deli taw.


Simlacinɔ vanaa cɔwva a vanaa va ndu ikɛi le Yeesu cumullo-a cɔu lɛŋnden ɲiiyaa, má ca vɛlɛ dɛnnda yɔŋnun-ndan kpow, mí siòònde bii nda taw. Má dimi aa: «Po Hala-o lekɛ́ndɛi o va ni.»


Fɔ́ɔ́fɔ̀, mí lɛŋnden le ɲiiya taw, kani mí mɛlɛkanɔ Hala-o toal fulaa o halataala, mó hun ɲindu powvo, mó cal lecoo.


O sɛɛsiaanin kola vaan-vaan co o kuumbuanndo vannda súúlan kpow coo-o o pembii ken coo, kola kuumbun vanaa-mangalaa-isɔɔa kpede coo-o pɛɛn.


O telen kon kínɛí, mí lɛŋnden le ɲiiya taw, mí kobio kpengei pilɛi komba. Mí vanndacieea vàálan tan ŋɔmmɛw a sɔla piɔ́mndo o lɛŋnde ɲiiyaale len nin, mí siòòŋii bɛnduei bii vanaa tɔ̀a, má ke Hala co o halataala-o biiloo.


O kola landaa diinndɔɔ kɔɔli, fonda diinndɔɔ va ni. Ndu ndáà veelu ni aa: «Fonda diandaa-diandaa.»


Pembon co nɔm cɔu mì n va ɲiiyaa, Piɔɔ bɛndu-bɛndoo hin súlùlù mò va siaa. Mɛmma bɛnduma nɔ lamɛɛlu lean ma co kuŋndo, ma co tindian heeloo háá o halataala.


Mó lɔa kola keesoo, mó yin ndu a kaan, a ɲɛ siaŋaa vólotótoo a á ɲɛ siaŋa sɔɔtɔtɔɔ, mó kɛmikɛmiaa mɛlɛkaa kanda ɲɛm Hala-on-nda lecoo.


Kɛ le tùú o co namtanɔɔ-o, o bɛnda mò sɔɔnguu o kola-landaa co o Cɛi-Diandaa nin-ndo ikɛi le. O bɛnda vɛlɛ mo sɔɔnguu o fonda-loamaa-lasálàá ikɛi le, yɔŋii o nɔɔliaa fonda ni diandaa. Kani ya co Mɛlɛka ni, ya hɛli vanaa-solia-lasálàá ni mí dindi nda le baala nuu.›»


A fula le vanaa nɔmnda ciindiaa, le vana n pɔla-o baŋaa. A yɔl masa yungu vanaa kɔlvesɛiya, má tɛɛmbuu ndu few-few.


Mó va kɔɔn ndɔn vuuo, mó va yaamɔɔa puusiaa, mí piɔɔ-volia va iŋuanndi-ŋuanndiei, má laasian kɔltan.


O sanga nuu nin, mí ɲuna Mɛlɛka le malaa sɔlaa, mí yonnda kpélén Hala nuu o lani. O lo o cɛi ndɔ lemasaa nin, mó tuɛi ya diom, mí diom nuu tiiya ndu o lani.


«Dimul Aarɔn bɛ nɔm aa o va hiovɔɔ telen oo telen o kola-landaa co o Cɛi-Diandaa nin-ndo kɔɔli le tiiyaa o Fonda Diandaa-Diandaa nin te, o kumbu kesu kpemaa hɔl-ndɔ pɛɛn. Te o va pɛ hiovɔɔ lon telen oo telen, lɔ́ɔ́ o co komal mì fula o kumii bɛndu-bɛnduei nin o kumbu kesu kpemaa coo-o, o co ɲinkon piɔ́mndo sɔla.


Mó dimul vannda, má kɔa a kesu kalaa o Calta Mɛlɛka lan nin, mó landu kola-landaa sɛi Fonda-Diandaa a Fonda Diandaa-Diandaa-o, yɔŋii vanáà cɔ kesoo. Mó tosa mɛɛ Mɛlɛka dimul ndu yɛ kpafii.


Te la puusiaa pɛ dɔ́ɔ́ngɔ́ niaa vanin nin-ndo le hiovɔɔ laci, mì Aarɔn nda poaa ndɔa timbi kola-landaa kelu Fonda-Diandaa a Fonda Diandaa-Diandaa tɛɛn-ndo, a kuumbuu ndu o kesu kpemaa coo,


Bolle vanaa cɔvaa kɛmɛa cɔw ɲɛ yɔŋnun-ndo, mó biilu Hala, mó dimi aa: «A toɲa, vana sandaa langbanɔɔ ho va ni.»


Swiv nou:

Piblisite


Piblisite