Matie 27:42 - BII BILA

⁴² «O ciindiaa caaŋaa celen, vɛ̀ɛ̀ mo bumba ndu pila ciindian? Ndu co masa Israɛlla ni, o tol-lɔ niko o yɔm singafilaa coo. O kon mì n laalan ndu.

Matie 27:42 Referans Kwoze

Nsaŋ 1:49

O kon mí Natanaɛl dimi aa: «Kɔɔfa, nɔm, Po Hala-o n co ni, nɔm co masaa Israɛl ni.»

Matie 27:37

Má baŋ sɛvaa pum ndu o bollen coo, le cɔmndo kɔlɔ nda dii ndu-o aa: «Yeesu co hoo ni, masa Yuifia.»

Dɛnnda kiilaa 4:14

Kɛ a va langbanɔ sɔla siongɔɔ-o cɔu isisi nda ikɛi, a muli ɲɛ-ɲɛ celen te.

Nsaŋ 12:47

Te vanndo tuei pɛ sɔɔn nun, mò bii mun te, o co ya le kialu ndu iyama le, kani i hin le ceendo yaala le, kɛ le ndu ciindiaa.

Nsaŋ 12:13

mí nda kpow a bii siɔ̀ɔ́la vawlan o laba, má kɔa ndu bɔŋaa a yoondiaalan aa: «Biiloo co le Hala! Biiloo co le vana co hunɔɔ o diola Mɛlɛka lan-ndo, masa Israɛlla pɛɛn!»

Nsaŋ 9:24

Mí Faliisia veelu vɛlɛ langbanɔ va kon paandu o sumɛiyo-o, má dimul ndu aa: «Naa n sina maa vana lahakio vana singi nɔm kon-ndo co ni, lelan dimul naa toɲaa le Hala.»

Luke 19:38

Má va dimio aa: «Biiloo co le masa co hunɔɔ o diola Mɛlɛka lan-ndo! Màá kɔlɲuloo va o halataala, mì biiloo va coocoo pɔ́!»

Matie 2:2

má ɲuna aa: «Kuɛɛ masa Yuifia co yɛ, o langa volun-ndo pɛɛn? Kani n lo a ba paalen le can-ndo, mí n ca loei ndɔɛi. Le ndu biiloo naa n hin ni.»

Matie 27:40

Má va ndu dimullo aa: «Nɔm dimi ni aa a co Cɛi-Hala-o tɛɛmbuu mà mingi o celen tangul o palɛi ndii yáá bɛngu. Mɛɛ nɔm pila ciindian ndɔ niko. Te Po Hala-o n co ni, mɛɛ tol-lɔ hau o yɔm singafilaa coo.»

Matie 27:41

Mí bolii vanaa-solia-lasálàá, vanaa pɛɛkaa latɔŋnda a simlacia bɛɛ va ndu mamɔɔ. Má va dimio aa:

Marke 15:31

Mí bolii vanaa-solia-lasálàá a vanaa pɛɛkaa latɔŋnda bɛɛ a va ndu mamɔɔ, ma va dimulanndo aa: «O ciindiaa caaŋaa celen, vɛ̀ɛ̀ mo bumba ndu pila ciindian!

Marke 15:32

Ndu masa Israɛlla, o tol-lɔ hau o yɔm singafilaa coo, mì n ce, mì n laalan ndu.» Vanaa ndáà baŋ ndu ikɛi-ya bɛɛ va ndu yeowlan.

Luke 23:35

Vannda va isisi lon má va tofaa. Simlacia Yuifia va ndu mamɔɔ aa: «O ciindiaa caanda, mɛɛ ndu pila ciindian-ndɔ hau. Te ndu co Krista vana Hala hɛli-o ni.»

Luke 23:37

má dimi aa: «Te nɔm co masa Yuifia ni, mɛɛ nɔm pila ciindian niko!»