Matie 27:41 - BII BILA

⁴¹ Mí bolii vanaa-solia-lasálàá, vanaa pɛɛkaa latɔŋnda a simlacia bɛɛ va ndu mamɔɔ. Má va dimio aa:

Matie 27:41 Referans Kwoze

Condii lisai 35:26

Màá siɛmbulan la tol nda kpow mà tambu labɛɛ! Vanaa co kan a ɲaaloo le dɛnɛ palaa nuu-a pɛɛn. Màá siɛmbulan la bii vanaa co ya ciŋilanndo-a, mà laasian!

Luke 23:35

Vannda va isisi lon má va tofaa. Simlacia Yuifia va ndu mamɔɔ aa: «O ciindiaa caanda, mɛɛ ndu pila ciindian-ndɔ hau. Te ndu co Krista vana Hala hɛli-o ni.»

Luke 22:52

Mí Yeesu ɲuna bolii vanaa-solia-lasálàá, simlacia kpalilaa cumulaa Cɛi-Hala-a a simlacia lelɛŋaa ndáà hinul ndu-a aa: «La vɛ hunɔɔ le ya biyɔɔ a mɔɔn cɔwvon a á yɔmii bingiei maa vui?

Luke 18:32

Kani a malnin ndu vanaa sina Hala le-a o ba, mà mam ndu, mà saangiaa ndu, mà tufu ndu lɔluan coo.

Sakari 11:8

O paangei ndii pilɛ bɛngu, mí toaw vanaa mandaa n'cɔlua yáá-a. O kon kɔɔli, i nɔla biuvɔnndo a saa le. Saa kan bɛɛ, mí dɛnɛ nuu fula nda iyeema.

Esai 49:7

Mɛlɛka, vana baŋaa a O-Diandaa Israɛlla soo o vanaa nda pɛɛsa má ca nda ɲɛ fondoo-a lo, vanaa co cɛa vanaa kpaayaa-a pɛɛn, mó dimul nda aa: «Masaa canin niaa ma cɛn isisi, cuavaa lemasaa canin niaa ma baŋ vulan, le Mɛlɛka biiloo, o lo o lediom coo-o, le O-Diandaa Israɛlla, o hɛli niaa-o biiloo.

Esai 28:22

Lelan sunsun, la pɛngi vannda mamɔɔ, yɔŋii yɔlɔn nda yii niaa-on ŋɔwnun peŋ, kani i cuu kiolɔn le lɛŋnden kpow tambei. Maalii, Mɛlɛka-Nɔ-Kpaayaa-Kpow-vo o sondo ya tuei ndi ni.

SƐBƐ YƆB-O 13:9

Te o yaasiaa pɛ niaa, vɛ̀ɛ̀ ɲɔɔ naŋnin pá le niaa? Kani vana nɔla Hala pala mɛɛ vana pala vanacieo yɛ le!

Matie 27:40

Má va ndu dimullo aa: «Nɔm dimi ni aa a co Cɛi-Hala-o tɛɛmbuu mà mingi o celen tangul o palɛi ndii yáá bɛngu. Mɛɛ nɔm pila ciindian ndɔ niko. Te Po Hala-o n co ni, mɛɛ tol-lɔ hau o yɔm singafilaa coo.»

Matie 27:42

«O ciindiaa caaŋaa celen, vɛ̀ɛ̀ mo bumba ndu pila ciindian? Ndu co masa Israɛlla ni, o tol-lɔ niko o yɔm singafilaa coo. O kon mì n laalan ndu.