Matie 27:25 - BII BILA

²⁵ Mí vannda kpow a muli aa: «Sɔɛi piɔ́m ndɔɔ va naa pila a cuavaa naa coo!»

Matie 27:25 Referans Kwoze

Yosue 2:19

Vana-vana fula pɛ o nɔm ndo cɛinin le kɔlan o bɛ́ɛ̀, mɛɛ ndu pila nuwviaa piɔ́m ndɔɔ ni, naa n sɔlanin yaala le. Kɛ vana-vana lo pɛ o nɔm ndo cɛinin mi n yɔŋ ndu ɲɛ, mɛɛ kooma vana kon ma delnin naa o lebol.

Dɛnnda kiilaa 5:28

«N kuuna niaa ndi pɛ́-pɛ́ maa la pɛɛku lɛ vannda o diola Yeesu lan te. Kɛ la tofa vɔ mɛɛ niaa pei Yerusalɛmnda pɛɛkula niaala lan nin yɛ. La yeema vɛlɛ mì la mingi naa kooma piɔ́m langbanɔ kon o lebol.»

Dɛnnda kiilaa 7:52

Fuɲaa niaa mamaa lekɛ́ndɛi niaa vel ni! Vana-tɛɛngaa-diom Hala kon co le, o fuɲaa niaa mamaa kɛɛ yɛlen tollo. A cii vanaa va sɔɛi a hunɔɔ vana sandaa ndu pilɛ kpé dimio-a diw. Sunsun yɛ niko, niaa bɛɛ cii ndu baa kei o mundu, mí la dii ndu.

Tɔŋ miingua 19:10

O kon vana venin vanaa tɛɛmbuu isɔɔ le-a diyɔɔ o lɛŋnde Mɛlɛka Hala niaa ke niaa kɛ́ɔ len nin te, yɔŋii sɔɛi piɔ́m vanaa vaa lende hel niaa o lebol.

Kundalan 35:33

La laasiaa lɛŋnde niaa co nin-nden te, kani vana dii pɛ vanacieo mɛɛ ndu nɔɔliaa lɛŋnden. Nduyɛ le lɛŋnden dindinndo, fɔ mì vana dii vanacieo-vo sɔla piɔ́mndo.

1Masaa 2:32

Abnɛr po Nɛr va simlacinɔ vanaa cɔwva Israɛl-lo a Amasa po Yetɛr va simlacinɔ vanaa cɔwva Yuda-o pɛɛn. Vanaa ŋiɔŋaa kan ndáà hiow ndu sandei, ndáà va vɛlɛ fisa a ndu ni. Kɛ mó diw nda, fuɲa nuu sina le. Lelan Mɛlɛka co ndu pila màá kon mingi coo.

2Samiɛl 1:16

Mí David dimi aa: «Nɔm pila cii yaalan, kani a dimi maa nɔm dii masa Mɛlɛka pɔla-o ni. Lelan nɔm pila nuwviaa piɔ́m nɔmndo ni.»

Tɔŋ miingua 19:13

La tuínun vana vaa lende iɲíí le, kɛ lende niaa bɛnda ni mi la dindi Israɛlla Mɛlɛka o hɔl le piɔ́m vana tɛɛmbuu isɔɔ loo sɔla-o. La tosa pɛ lende, la sɔla dɛnɛ kɛndɔɔ.»

Fulaa 20:5

La baŋ vulan ɲɛm mun o labɛngunin te, la sooluu mun te. Kani ya Mɛlɛka Hala niaa, Hala paŋalaa ya co ni. I soaŋ cuavaa vanaa nɔ nɛyɔn nuu-a le hakila fuɲaa ndaa, i soaŋ cuavaa ndaa háá o lambi yàándɔɔ, háá o lambi hiɔɔlundɔɔ bɛɛ.

Matie 21:44

Vana-vana del pɛ o pow kon coo, o yomiyomi. Vana-vana pow kon del pɛ coo, o cui ndu.»

Dɛnnda kiilaa 18:6

Kɛ le mɛɛ Yuifia va ndu simullo ma va ndu yeowlan yɛ, mó koaŋ cundu va o doma ndɔɔ-o, mó dimul nda aa: «Te la sɔla lɛ cindaa le, mɛɛ a niaa pila ken fula ni, o co lɛ sɔɛi ni le co ken te. O hau kɔɔli, o vanaa co N'Yuifi le-a lo ya co lakɔ ni.»