Matie 27:22 - BII BILA

²² Mó ɲuna nda aa: «Mí vɛ̀ɛ̀ ya yɔŋ yɛ a Yeesu nda veelu hoo aa Krista-o?» Mí nda kpow muli aa: «Baŋ ndu o yɔm singafilaa coo!»

Matie 27:22 Referans Kwoze

Dɛnnda kiilaa 13:38

Lelan, puapilɛa nia, mɛɛ mì la sina maa: o ndu Yeesu nin niaa tuɛi yoongu malɔɔ lahakio ni. Tɔŋ Moise-o tiwba niaa baŋaa le. Kɛ vana-vana laalan pɛ Yeesu, Yeesu baŋa ndu a hakila ndɔlan kpow.

Esai 49:7

Mɛlɛka, vana baŋaa a O-Diandaa Israɛlla soo o vanaa nda pɛɛsa má ca nda ɲɛ fondoo-a lo, vanaa co cɛa vanaa kpaayaa-a pɛɛn, mó dimul nda aa: «Masaa canin niaa ma cɛn isisi, cuavaa lemasaa canin niaa ma baŋ vulan, le Mɛlɛka biiloo, o lo o lediom coo-o, le O-Diandaa Israɛlla, o hɛli niaa-o biiloo.

Marke 14:55

Mí simlacia vanaa-solia-lasálàá a vanaa bɛndua kpow va nɛilan nuwviaa le Yeesu sɔɔn hɛɛnduuo coo haliko mi ndáà dii ndu, kɛ a seelun nɛi oo nɛi le.

Matie 27:17

Mí Pilate ɲuna sɛ́lɛ́ bɛndu va lon-ndo aa: «Barabas a Yeesu nda veelu aa Krista-o, ɔ́ɔ̀ vana niaa yeema mì mel niaa-o?»

Matie 1:16

Yakɔb yɔŋnun fuɲaa Yosɛf ni, pɔnɔɔ Mari, o velu Yeesu-o, Krista pɛɛn.

Sakari 11:8

O paangei ndii pilɛ bɛngu, mí toaw vanaa mandaa n'cɔlua yáá-a. O kon kɔɔli, i nɔla biuvɔnndo a saa le. Saa kan bɛɛ, mí dɛnɛ nuu fula nda iyeema.

SƐBƐ YƆB-O 31:31

Ɔ́ɔ̀ vanaa va o cɛi-kola-toandaa nuu nin, má kɛɛ vision dio, má pum-nda?

Matie 27:21

Mí masa ibungaa ɲuna nda vɛlɛ aa: «Ɔ́ɔ̀ o niaa yeema mì i mal o vanaa ŋiɔnda ha tɛɛn-ndo?» Má muli aa: «Barabas.»

Matie 27:23

Mí masa ibungaa ɲuna nda aa: «Dɛnɛ vɔɔn yɛɛ o tosa yɛ?» Kɛ má cɔɔlu deŋi coocoo kpélén aa: «Baŋ ndu o yɔm singafilaa coo!»

Nsaŋ 4:25

Mí vuɛɛndo dimul ndu aa: «I sina maa vana Mɛlɛka hɛli-o co hunɔɔ, Krista pɛɛn. Telen o hunnin-ndo, o tɛɛsialnin naa dɛnndan kpow.»

Dɛnnda kiilaa 13:28

A sɔla nɛi oo nɛi ndáà yaala ndu le piɔ́mndo sɔlaa le, kɛ nduyɛ, má ɲuna Pilate maa o viom vannda ma dii ndu.