Matie 27:2 - BII BILA

² Má yii ndu, má kɔa a ndu, má kɔ mal ndu Pilate masa ibungaa o ba.

Matie 27:2 Referans Kwoze

Dɛnnda kiilaa 3:13

Hala Abraham-ndo, Hala Isaak-o a Hala Yakɔb-o, a yɔŋnun fuɲaa naa mamaa-a cɔm kpaaya ndɔɔ o diola vana ndɔ baalaa Yeesu lan ni. Yeesu niaa pila mal masalen o ba, mí la kɛɛ ndu Pilate o hɔl-lo pɛɛn. Nduyɛ, mí Pilate ndóò dimi le ndu malɔɔ.

Matie 20:19

A malnin ndu vɛlɛ vanaa-mangalaa-isɔɔa o ba le ndu mamɔɔ, mà soŋ ndu, mà baŋ ndu o yɔm singafilaa coo. Kɛ mò tendul o paale yàándɔlen.»

1Timote 6:13

I co nɔm ɲuna Hala o hɔl, o yɔngu ɲaa yoomaa kpow yoomoo-o, a Yeesu Krista o hɔl, ó soli seile kɛndɛlen Pɔnse Pilate o hɔl-lo,

Luke 13:1

O telen kon, mí vanaa pum a kɔa o Yeesu lo, má dimul ndu aa: «Mí Pilate ndóò bingulan kooma Kalilea a sálàlá nda va solio lan.»

Hebreea 13:3

La yiyan vanaa co o kaasolan-nda coo maa niaa ndaa co o kaasoo ni, mì la yiyan vanaa nda co saangiaa-a coo maa mɛɛ nda va niaa bɛɛ saangiaa yɛ.

2Timote 2:9

Le Yoongu Kɛndɛ kon ya co sangaa sɔlaa nuaa ni, mì va vɛlɛ o yɔlɔn maa vana tɛɛmbuu dɛnɛ pum-ndo. Kɛ sɔɛi Hala-e co i yiyaa le.

Dɛnnda kiilaa 28:20

Lelan ya ɲuna ni mì hun soo o niaa lo. Kani le tiindan Israɛlla nɔ-o ya co o yɔlɔn nuaa ni.»

Dɛnnda kiilaa 24:27

Vɔsila tiɔn o kon kɔɔli, mí Pɔrsius Fɛstis muungu masa-ibungaa o fonda Felisi-o. Kɛ le tùú Felisi ndóò yeema ndu pila siingɔɔnndo vana kɛndɔɔ Yuifia o hɔl-lo, mó mal Pol o kaasoo.

Dɛnnda kiilaa 22:29

Fɔ́ɔ́fɔ̀, mí vanaa va le ndu lɔɔ haliko mi ndóò soo-a a faaŋian. Mɛɛ simlacinɔ simlacia vanaa cɔvaa kan síná maa pilacieo Rɔm Pol co ni, maa ndáà cii nin ndu yii o yɔlɔn, mí siòònde bii ndu.

Dɛnnda kiilaa 22:25

Kɛ ndáà ciiyo ndu yiiyo le ndu lɔɔ, mí Pol dimul simlacinɔ va kon lon-ndo aa: «Vɛ̀ɛ̀ a nɔ pá dí le pilacieo Rɔm yamɛi ndɔɛi kilun bɛɛ loo lɔɔ?»

Dɛnnda kiilaa 21:33

O kon mí simlaci-vanaa cɔwva kan sɔɔnguu Pol ikɛi, mó simi ndu, mó dimul vannda le ndu yiiyo o yɔlɔn kundalan tan tiɔn. O kon kɔɔli, mó ɲuna le sinaa vana súú Pol va-o a ɲɛ o va tosaa-o.

Dɛnnda kiilaa 12:6

Icɔl Herɔde ndóò yeema le yamɛi ndɔɛi kiolɔɔ vannda o hɔl diimandɔɔ-o, Piɛr va o lɔan vanaa cɔwva nda ŋiɔn tɛɛn. O va o yɔlɔn, kpalilaa cumulaa va cumullo o dioo coo,

Dɛnnda kiilaa 9:2

mó ɲuna ndu sɛbɛla di lan le kɔlan o cɛila lekaanda va Damas lan nin. O kon te ndóò komal pɛ vanpiaandua, te kon te vanlaandua, mì ndáà va kelaa o nɛi kon coo, ndóò bii nda, ndóò yiw nda, ndóò hin a nda Yerusalɛm.

Dɛnnda kiilaa 4:27

I co toɲa, maa mí Herɔde nda Pɔnse-Pilate a cɛlan o kobio ho nin nda vanaa-mangalaa-isɔɔa celen, a Israɛlla, má yii Yeesu dúmbú, Yeesu vana baala diandaa nɔmndo, o n hɛli mo va Krista-o pɛɛn.

Nsaŋ 18:24

Yeesu lo o yiyaa lende, mí Anɛɛ hivi ndu o Kaif bolle vanaa-solia-lasálàá lo.

Nsaŋ 18:12

Mí kunda vanaa cɔwva, vana va nda bollen-ndo a vanaa kándà masaa-a o Yuifia tɛɛn a bii Yeesu, má yii ndu.

Luke 20:20

O kon ma va Yeesu hɔlten kɔɔli, má viam vannda, mí vanaa kan tosa maa a kɔlta ndalan kpeekpei ndáà kɔɛ ni. Ndáà yeema mì ndáà tosa, mì Yeesu ndóò biinun a sondo, o kon mì ndáà kɔ lɔlu ndu o vanaa kialaa n'yamaa a o simlacia lelɛŋnda lo.

Luke 3:1

O vɔsi tɔ́ a o ŋuɛɛnundɔɔ o masale Tibɛr Sesar len bɛngu, telen Pɔnse Pilate va masa-ibungaa o tàndá Yuda-o nin, mí Herɔde va masalen tosaa o tàndá Kalile-o nin, mí Filipe puapilɛ ndɔ ndu va masaa o lɛŋnde Iture len nin a o lɛŋnde Trakonitis len, mí Lisanias ndu va masalen tosaa o lɛŋnde Abilɛn-nden nin-ndo,

O Kandɔɔ 22:9

Mɛɛ nda tiiya o fonda Hala cɔm-ndo, mí Abraham cɔaw fonda-loamaa-lasálàá, mó ciŋa kilion lecoo. Mó bii Isaak po ndɔ, mó yii ndu peŋ, mó yambu ndu o kilin va o fonda-loamaa-lasálàá coo-on coo.

Matie 28:14

Sɔɛi ken i del bɛɛ masa ibungaa o lani, n sina mɛɛ naa n co ndu dimul haliko la sɔla isɔɔ le yɛ.»

Luke 23:1

Mí vanaa bɛndua kan kpow a can, má kɔa a Yeesu o Pilate lo.

Luke 23:12

Paale len canyɛi kandun Pilate nda Herɔde tɛɛn ni, kani vɔvanndo pila ndáà vɔvan paandu ni.

Nsaŋ 18:28

Idiiyo púŋ, má can a Yeesu o Kaif lo, má hiaw a ndu o cɛi lemasa masa ibunga Rɔmnda. Kɛ Yuifia pila luei o cɛi lemasaa nin te. Haliko a nɔɔlian te, o kon mi ndáà de ɲɛdiaa kafo-hiavaa-coo.

Masaa kialaa n'yamaa 15:12

Má dimul ndu aa: «Yiiyo naa n hin nɔm ni, mì n yoo Filistia nɔm.» Mí Samsɔn dimul nda aa: «La mɛnalan ya maa niaa pila diinin ya le.»