Matie 27:1 - BII BILA

¹ Ɲɔɔ tengaa, mí bolii vanaa-solia-lasálàá a simlacia lelɛŋnda yii diomnden le Yeesu diyɔɔ.

Matie 27:1 Referans Kwoze

Marke 15:1

Ɲɔɔ tengaa, mí bolii vanaa-solia-lasálàá tundu nda simlacia, vanaa pɛɛkaa latɔŋnda a vanaa bɛndua tɔ̀a kpow. Má viam vannda, má yii Yeesu, má kɔa a ndu, má kɔ mal ndu Pilate o ba.

Nsaŋ 18:28

Idiiyo púŋ, má can a Yeesu o Kaif lo, má hiaw a ndu o cɛi lemasa masa ibunga Rɔmnda. Kɛ Yuifia pila luei o cɛi lemasaa nin te. Haliko a nɔɔlian te, o kon mi ndáà de ɲɛdiaa kafo-hiavaa-coo.

Luke 22:66

Paalen siɔu, mí simlacia lelɛŋnda, bolii vanaa-solia-lasálàá a vanaa pɛɛkaa latɔŋnda bɔɔŋian, má kɔa a Yeesu o vanaa kialaa n'yamaa lelɛŋnda lo,

Misee 2:1

«Dɛnɛ palaa co nda cum, vanaa túù tuula vɔɔnndan, ma yíì vannda dúmbúlan o kpelela ndalan coo icɔl-la. Paalen le sɛ dɔ́ɔ́ pɛ, a peelu sɔɔn nda tuu mun-ndon.

Condii lisai 2:2

Le yɛɛ masaa lelɛŋnda co yɛ cɔnɔnndo nda simlacia, má va dúmbúlan yiiyo nda ndaa le Mɛlɛka a vana o pɔla-o cɔlɔbaa?

Matie 23:13

«Dɛnɛ palaa co le niaa, niaa vanaa pɛɛkaa latɔŋnda a niaa Faliisia muuluannda ha! Kani la co vannda dio masale halataalaa kindallo. Niaa pila co luɛyɔɔ le, la co vɛlɛ cɛlɔɔ mì vanaa yeema le luɛyɔɔ-a luɛi le. [

Dɛnnda kiilaa 5:21

Mí kiila tosa mɛɛ nda dimul nda yɛ. Paalen siɔu dɔ́ɔ́, má kɔa o Cɛi-Hala-o nin, má kandu vannda pɛɛkoo. Mɛɛ bolle vanaa-solia-lasálàá a vanaa va ndu ikɛi-ya hin, má veelu vanaa kialaa n'yamaa lelɛŋnda a simlacia lelɛŋnda Israɛl kpow. Má viam vannda le kɔlan kiilaa kan cuaa o kaasoo le hunɔɔ a nda.

1Samiɛl 19:11

Mí Saul viam vannda, má kɔ balu cɛi David-o pindo, má lɔl ndu cumullo le ndu diyɔɔ idiiyo. Kɛ mí Mikal laa ndɔ dimul ndu aa: «David sei! Taa ɲeenun cɔɛllɛn te, o vílɛ́iyo n co va siɔdii ni.»

Masaa kialaa n'yamaa 16:2

Má dimul vanaa va o kobi kon nin-nda maa Samsɔn co lon. O kon má balu simndan pindo, má lɔl ndu cumul pii o dio kobio. Icɔl kon pii, a yɔŋ Samsɔn ɲɛ-ɲɛ le, kani má dimi aa: «A paalen siaalen n diinin ndu.»

Condii lisai 31:13

A pɔɛɛnun ya o yiyannda ndalan nin mɛɛ vana pɔɛɛnun sɔɛi vana vílɛ́iyo yɛ, i siŋnun ɲɛ vana nɔ lɛ mako loo.

Condii lisai 71:10

Kani yaamɔaa nia co kɔngɔlanndo, vanaa co ya mɛngɛlaa-a co cɛlanndo.

Luke 13:1

O telen kon, mí vanaa pum a kɔa o Yeesu lo, má dimul ndu aa: «Mí Pilate ndóò bingulan kooma Kalilea a sálàlá nda va solio lan.»