Matie 26:72 - BII BILA

⁷² Mí Piɛr vuunun vɛlɛ, mó mɛnan po aa: «I sina langbanɔɔ ho le.»

Matie 26:72 Referans Kwoze

Luke 22:34

Mí Yeesu mulul ndu aa: «Piɛr, mì dimul nɔm, kongillo koovanin hau le mà viinun leyáá maa a sina ya le.»

Matie 26:74

O kon mí Piɛr kandu vuunɔnndo a mɛɛnianndan aa: «I sina poo ho le. Te còòlan ya co dimio ni, màá Hala tuisi ya dɛnɛ palaa coo!» Fɔ́ɔ́fɔ̀, mí kongillo koova.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Sakari 8:17

La túù le dɛnɛ vɔɔndo tosalanndo niaa pila tɛɛn vellaa-velle le. La yéémà mɛɛniannda lacòòvalan te. Kani dɛnnda lan kpede la nɛinun ya ni. Ya Mɛlɛka dimi lende ni.›»

Esai 48:1

«Niaa cuavaa Yakɔb-a, niaa co o diola Israɛl-tan bɛngu-a, niaa fula o mɛmma co o tàndá Yuda-o nin-ndan nin-nda, niaa co mɛnanndo o diola Mɛlɛka lan-nda, niaa co Hala Israɛl-lo piɛiyo o co a toɲa le, o co a isandu le-a, la yaŋ-ndɔ nila mì la tuei!

Fulaa 20:7

La pial diola Mɛlɛka Hala niaa o fondo fúúo coo le, kani vana pɛl pɛ diola ndɔlan o fondo fúúo coo, Mɛlɛka tuisi vana kon dɛnɛ palaa coo.

Matie 26:71

O kon kɔɔli, mó kɔannun a kpengii dio bɛɔ. Mí buɛi laandu celen ca ndu, mó dimul vanaa va lon-nda aa: «Langbanɔɔ ho bɛɛ va Yeesu fula Nasarɛte-o kɔɔli.»

Matie 26:73

Telen bingi hiovɔɔ vɛlɛ, mí vanaa va lon-nda sɔɔnguu Piɛr ikɛi, má dimul ndu aa: «A toɲa, a co vana pilɛ o vanaa kan tɛɛn, kani vana tuei dɔ́ɔ́ pɛ nɔm sɔɛi, a sina.»