Matie 26:70 - BII BILA

⁷⁰ Kɛ mó vuunun sɔɛi ken vannda kpow o hɔl, mó dimi aa: «I sina bɛɛ sɔɛi n co hee dimio-e le.»

Matie 26:70 Referans Kwoze

1Korɛntea 10:12

Lelan, vana-vana yiyan pɛ maa o sim yili, ndu mandan yɔŋii o del.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Rɔmnda 11:20

Toɲaa ken ndi co ni. Le laalan nda lepɛŋndo n sɔla kilio ni, mì nɔm va o holaa le laalanndo. Lelan kuundian te, kɛ siòònde va nɔm,

Matie 26:58

Háá má tiiya a Yeesu o bolle vanaa-solia-lasálàá lo bɛɛ, Piɛr va ndu kɔlan kɔɔli lándán. Mó luɛi o bɛ́ɛ̀ lon, mó kɔ cal kpalilla tɛɛn le sinaa mɛɛ sɔɛi ken i va mɛɛlu yɛ.

Matie 26:56

Kɛ hee kpede tosan, haliko mi sɔɔn vanaa-tɛɛngaa-diom Hala-an sɛvan-ndon peelun.» O kon mí kaandennda kpow mal ndu, má sɔɔndian.

Matie 26:51

Mí vana pilɛ o vanaa va Yeesu kɔɔli-a tɛɛn siɛndi baa, mó nan mɔɛi ndɔɛi cɔwve, mó kialu buɛi bolle vanaa-solia-lasálàá nilen.

Yeremi 17:9

Ɲɛ-ɲɛ hui vana maa kɔl vanacieo le. Vana nɔla ndu singio le, vana nɔla ndu bɛɛ bila biyɔɔ le.

Esai 57:11

Nɛ̀ɛ́-nɛ̀ va yɛ niaa vueinɔnndo? A Nɛ̀ɛ́ niaa va yɛ siòònde yɔŋndo, mí la va còòlan dimio, la ve vɛlɛ loonɔn a ya o kɔɔ le. La ve yiyan o dɛnɛ nuu coo le? Vɛ̀ɛ̀ le mɛɛ ya co o meiyo nin kabi lɔ́ɔ́ levil lɛ niaa kɛɛ le siòòŋii nii nɔu ni?

Talelan 29:25

Vana yɔŋ pɛ siòònde a vanndacieea mɛɛ yaŋɔɔlen le co ndu laci. Kɛ vana tiindan pɛ Mɛlɛka, ndu sɔla kandaa.

Talelan 29:23

Yongaa hun a siɛmbulan ni, kɛ kɔl tuisianndo tosà mì sɔla biiloo.

Talelan 28:26

Vana tiindan pɛ yiyannda ndɔla ndu pila lan, mɛɛ diɔm sondo vesɛiyo co kon ni. Kɛ vana kela pɛ a kɔlkaloo, o hɛli-hɛlin kpundɛla bɔɔ-bɔɔ.

Matie 26:69

Piɛr ndu va icali o dio o bɛ́ɛ̀ lon, mí buɛi laanndoo pum sɔɔngu ndu ikɛi, mó dimul ndu aa: «Nɔm bɛɛ a va Yeesu langbanɔ fula hoo Kalile-o kɔɔli.»

Matie 26:71

O kon kɔɔli, mó kɔannun a kpengii dio bɛɔ. Mí buɛi laandu celen ca ndu, mó dimul vanaa va lon-nda aa: «Langbanɔɔ ho bɛɛ va Yeesu fula Nasarɛte-o kɔɔli.»

Luke 22:57

Kɛ mí Piɛr vuunun aa: «I sina ndu le vuɛɛndo.»