Matie 26:7 - BII BILA

⁷ mí vanalanɔɔ pum sɔɔnguu ndu ikɛi. Ndóò nɔ sianio pum o ba a cuɛima cun kɛndɛma báà kalan mapum lenin. Tuma nda va ɲɛdiaa dioo-o, mó taaliaa cuɛima man Yeesu o lebol.

Matie 26:7 Referans Kwoze

Luke 7:46

A dow cuɛima cun kɛndɛ a o lebol te. Kɛ ndu ndu, mó dɔaw ya cuɛima cun kɛndɛan o lebol.

Esai 57:9

La co kɔlan o piɔmaa niaa siinguu masaa-a lo a cuɛiyan, la co lasikɔlɔma niaan kuiyo tuŋ, la co vanaa niaa viamaa vomɔɔ nɛɛ levil, la co nda tuisio háá ciee-piɔ́m.

Condii kɛndɛ-kɛndɛi 1:3

Lasikɔlɔma nɔmndan ma naŋ bɔɔ cun. Maa cuɛima cun kɛndɛma tiw cunndo kpow-van, diola nɔmndan la co ni. Lelan, cuaambɔa laandua kaola nɔm ni.

Vana Kɔlkaloo 9:8

Vá ɲɛ cuɛiyan kɛndɔɔ vownɔnndo lɔ́ɔ́-lɔ́ɔ̀, pɔɛɛnun le cuɛima cun kɛndɛan suunɔnndo o lebol te.

Condii lisai 133:2

O co ko macoaa maa cuɛima kɛndɛ-kɛndɛma nda tala o lebol mì ma toal o siɛye coo-an, o siayii Aarɔn-nde coo pɛɛn, ma co tolɔɔ o cɔcɔn doma ndɔɔ coo-an.

Vana Kɔlkaloo 10:1

«Pengia vílɛ́iya del pɛ o cuɛima cun kɛndɛan nin, a yɔngu man cun vɔɔndo, ma tumulu. Lende koni, ɲɛ-pɔmbɔ bɛɛ diɔmnde del o kɔlkaloo coo ni, i tɛɛmbuu ndu.

2Masaa 9:1

Mí Elise, vana-tɛɛngaa-diom Hala-o veelu vana pilɛ o vanaa-tɛɛngaa-diom Hala-a tɛɛn, mó dimul ndu aa: «Yiinun yáwlen o caŋ, ma cua lee macuɛiyo, ma kɔɛ Ramɔt o tàndá Kalaad-o nin.

Matie 26:8

Kaandennda cɔu lende, má tambu kɔltan, má ɲuna aa: «Le yɛɛ nɛ man tɛɛmbuuo ho nuaa?

Marke 14:3

Yeesu va Betani o Simɔn nàà siaŋaa va-o lo cɛinin. Tuma o va ɲɛdiaa dioo-o, mí vanalanɔɔ pum luɛi. Ndóò nɔ sianio pum o ba a cuɛima cun kɛndɛma báà kalan mapum lenin. Mó pial siani kon, mó taaliaa cuɛima man Yeesu o lebol.