Matie 26:61 - BII BILA

⁶¹ «Langbanɔɔ ho dimi ni maa o nɔla Cɛi-Hala-o tɛɛmbuu mò mingi ndu tangalu o palɛi ndii yáá bɛngu.»

Matie 26:61 Referans Kwoze

Matie 27:40

Má va ndu dimullo aa: «Nɔm dimi ni aa a co Cɛi-Hala-o tɛɛmbuu mà mingi o celen tangul o palɛi ndii yáá bɛngu. Mɛɛ nɔm pila ciindian ndɔ niko. Te Po Hala-o n co ni, mɛɛ tol-lɔ hau o yɔm singafilaa coo.»

Marke 15:29

Mí vanaa va hiovɔɔ-a va ndu yeowlan a bolle hiiloo, má va dimio aa: «Nɔm dimi ni aa a co Cɛi-Hala-o tɛɛmbuu, mà mingi ndu tangul o palɛi ndii yáá bɛngu,

Esai 53:3

Vana vannda ndáà pɛɛsa ma kɛɛ-o o va ni, vana ɲɛ kindilaa o va ni, vana dema sangaa sɔla-o o va ni. Maa vana vannda feŋal hɔlla-o o va ni, ndáà tɛɛndan ndu bɔɔ, ndáà ci ndu ɲɛ-ɲɛ le.

Esai 49:7

Mɛlɛka, vana baŋaa a O-Diandaa Israɛlla soo o vanaa nda pɛɛsa má ca nda ɲɛ fondoo-a lo, vanaa co cɛa vanaa kpaayaa-a pɛɛn, mó dimul nda aa: «Masaa canin niaa ma cɛn isisi, cuavaa lemasaa canin niaa ma baŋ vulan, le Mɛlɛka biiloo, o lo o lediom coo-o, le O-Diandaa Israɛlla, o hɛli niaa-o biiloo.

Dɛnnda kiilaa 22:22

Haa mí Pol cii diomndan ndan dimi, sɛ́lɔ́ɔ́ va ndu yaŋnɔnndo. O kon kɔɔli, má can yondaa aa: «La dii langbanɔɔ ho, la dii ndu! O bɛnda mò lo yoomu le.»

Dɛnnda kiilaa 18:13

Má dimi aa: «Langbanɔɔ ho co vannda kɔltan mangalaa mà va Hala biiloo, kɛ o co mɛɛ tɔŋndo dimi yɛ le.»

Dɛnnda kiilaa 17:18

Vanaa kɔlkalua del Epikuri nda Stoise kɔɔli-a a pum a va ndu sɛɛngiaa. Mí a pum a va ɲunaa aa: «Yɛɛ vana tombolaa ho yeema yɛ dimio?» Mí a pum nda dimi aa: «Bɔɔle a halaa mialla o kɔɔ o co sɔɛi nuaa ni.» Le tùú nda tuei Pol sɔɛi a Yoongu Kɛndɛ Yeesu-o o kɔɔ a á tendul ndɔɔ fulaa vanvílɛ́iya tɛɛn-ndo o kɔɔ-o nda va dimio lende ni.

Nsaŋ 9:29

N sina maa mí Hala ndóò soaa o Moise lo, kɛ hoo ndu, n sina nɛɛ o fula le!»

Luke 23:2

Má kɔ hɛɛnduu ndu sɔɔn coo aa: «Langbanɔɔ ho naa n komal vannda lueyo o pɔwlan nin ni, o va nda dimullo maa a mel Sesar muloo le, ndu pila va vɛlɛ dimio maa ndu co Krista ni, masaa pɛɛn.»

Matie 26:71

O kon kɔɔli, mó kɔannun a kpengii dio bɛɔ. Mí buɛi laandu celen ca ndu, mó dimul vanaa va lon-nda aa: «Langbanɔɔ ho bɛɛ va Yeesu fula Nasarɛte-o kɔɔli.»

Matie 12:24

Faliisia tueyɔɔ lende, má dimi aa: «A kpaaya Beɛlsebul, bolle ɲinaa vɔɔnda langbanɔɔ ho co ɲinaa vɔɔnda tovɔɔ ni.»

2Masaa 9:11

Mí Yehu fula, mó muungu nɛɛ simlacia vana ndɔ bɛndoo va-a. Má kɔ ɲuna ndu aa: «Vɛ o co sɔɛi vɔɔn te? Yɛɛ nɛ vana seemɛi kon ndóò hin yɛ tosa o nɔm ndo?» Mí Yehu mulul nda aa: «Niaa pila sina langbanɔɔ ho a sɔɔn fula ndu o sondo-on!»

1Masaa 22:27

ma kɔ dimul nda aa ya laa a mal ndu o kaasoo, mà va ndu baloo dɔvɔɔ a buloo a á mɛnndan daama. A vá tosaa lende háá telen ya fulanin o cɔwvo mì muungu nanu kɛndia a kɔlɲuloo-o.»

O Kandɔɔ 19:9

Má mulul ndu aa: «Faŋan naa o hɔl! Nɔm hin kaunalen o naa lo-o a hin naa tɔŋndo hendul. N co mɔnɛ soli a nɔm mò hiow bɛɛ ɲɛ naa n co tosa a nda-o, a co bila biinɔn.» Má ɲindu Lɔt voŋ, má hiaw le kɔlan dioo bɛŋio.

Matie 26:62

Mí bolle vanaa-solia-lasálàá can, mó ɲuna Yeesu aa: «Vɛ̀ɛ̀ a co ɲɛ-ɲɛ dimi a seile vannda ha co tɛndaa a nɔm o kɔɔ len te?»

Matie 27:5

O kon, mí Yuda kɔ vuu volin latámán mun o Cɛi-Hala-o nin. Mó muungu, mó kɔ baanun yoolen o labolo, mó landun.

Marke 14:58

«Langbanɔɔ ho dimi ni maa o co Cɛi-Hala vanndacieea tangul hoo-o tɛɛmbuu, mò mingi o vanaciee tengulnin te-o simi o palɛi ndii yáá bɛngu.»