Matie 26:54 - BII BILA

⁵⁴ Kɛ te i tosa pɛ lende, vɛ̀ɛ̀ ɲɛ sɛvan o Sɛbɛ Hala-o nin-ndo peelun yɛnin? Kani o co o sɛvaa maa lende i bɛnda le tosan-ndo ni.»

Matie 26:54 Referans Kwoze

Sakari 13:7

Ɲɛ Mɛlɛka-Nɔ-Kpaayaa-Kpow-vo dimi-o co hoo ni aa: «Mɔɛi cɔwve! Cɔ́n ma kuel vana mandaa n'cɔlu nuu! Cɔ́n ma kuel vɛlɛ vana naa n co nɛɛ pilɛ-o! Lɔva vana mandaa n'saa, o kon mì saa saŋnun! O kon, i mululunnin saa cuawva, mì diw nda tɛ́ɛ́.»

Matie 26:24

Po vanacieo co hunɔɔ piɔ́mndo sɔla mɛɛ o sɛvan a ndu o kɔɔ o Sɛbɛ Hala-o nin yɛ. Kɛ dɛnɛ palaa co le vana malnin ndu vannda o ba-o. Ndóò va fisa hali mì vana kon ndóò vilun te.»

Dɛnnda kiilaa 1:16

«Puapilɛa nia, mɛɛ mì ɲɛ Hala Kɔl-Diandaa ndóò dimi o Sɛbɛ-Hala-o nin-ndo ndóò peelun. Ɲɛ ndóò dimi a sondo David-o le Yuda-o pɛɛn. Yuda sim kon vannda laci le Yeesu biyɔɔ-o.

Nsaŋ 10:35

Tɔŋndo veelu vanaa sɔɛi Hala-e dimulun-nda aa halaa. Nduyɛ, o Sɛvan-ndo ndu nɔla faŋan te.

Matie 21:42

O kon mí Yeesu dimul nda aa: «Kabi bɛɛ la ci vɔ sɔɛi he isɛvaa le aa: ‹Pow vanaa tangulaa cɛiya viow-vo, pow kon siŋnun pow lebollo ni? Mɛlɛka o ba dɛnɛ kon fula ni. Dɛnɛ kaamaa bɛndoo co kon naa o hɔl ni.›