Matie 26:53 - BII BILA

⁵³ Sina pɛngu maa te yáà dimul pɛ Fuɲa nuu le ya malaa, ndóò nɔla mì ndóò yɔŋ ya mɛlɛkaa cɔwva kundalan tɔ́ a latiɔn.

Matie 26:53 Referans Kwoze

Matie 4:11

O kon mí masa ɲinaa vɔɔnda faŋan Yeesu kɔɔli. Mí mɛlɛkaa sɔɔnguu ndu ikɛi, má nɛŋi ndu makoo.

2Masaa 6:17

Mí Elise piɛi Mɛlɛka aa: «Mɛlɛka, i co nɔm tɛɛlɔn yandi, kumbi ndu hɔltan, haliko mo ce.» Mí Mɛlɛka kumbi buɛiyo hɔltan, mó ca pembei ipiaa ca a soa leyinnda a á ɲɛla ɲaanannda soa nan-ndan, lan bɛɛ yinnden la va ni.

Luke 8:30

Mí Yeesu ɲuna ndu aa: «Vɛ̀ɛ̀ nɛ n nɔ yɛ diolan?» Mó muli aa: «Sɛ́lɔ́ɔ́», kani ɲinaa vɔɔnda taw aa luɛi ndu nin ni.

Daniɛl 7:10

Pee bɛndu leyinndo va fulaa mó va hiovɔɔ ndu laci. Mí sɛ́lɛ́ bɛndu-bɛndoo va ndu baalaa tosallo. Mí sɛ́lɛ́ bɛndu cuu cɔm too va isisi ndu laci. Mí vanaa kialaa n'yamaa cal, mí sɛbɛlan la kumbin.

Yude 1:14

A nda o kɔɔ Enɔk, fuɲa-mama ŋɔmmɛwndɔɔ o Adam kɔɔli tɛɛnguu diom Hala-o ni aa: «La tofa vɔ, Maalii co hunɔ̀ɔ́ a mɛlɛkaa ndɔa diandaa vaalan a vaalan

2Tesalonikea 1:7

mò ke niaa pɛngio, mò ke vɛlɛ naa ndu. Kon tosannin telen Maalii Yeesu cɔmnunnin lɔ́ɔ́ o fulanin o halataala, mò hin a mɛlɛkaa ndɔa kpaayaa o yinnde biyaa len nin-ndo.

Matie 25:31

Mí Yeesu dimi aa: «Lɔ́ɔ́ Po vanacieo hunnin o biilu ndɔɔ nin a mɛlɛkaa kpow-vo, o calnin o kpɛŋɛ ndɔ lemasaa nin.

Marke 5:9

Mí Yeesu ɲuna ndu aa: «Vɛɛ n nɔ yɛ diolan?» Mó mulul ndu aa: «Diola nilan aa Sɛ́lɔ́ɔ́, kani n co sɛ́lɛ́.»

Marke 5:15

Má kɔa nɛɛ Yeesu va-a, má komal langbanɔ ɲinaa vɔɔŋaa sɛ́lɛ́a kan va nin-ndo icali a volɔɔlan lekɔɔ, ndóò muungu nin o ndu pila nin. Mí siòònde bii nda taw.

Nsaŋ 10:18

Vana-vana hélú ndu ya o ba le, kɛ ya pila yɔngu ni. I nɔ dí ya yɔ́ngù ndu-o, i nɔ vɛlɛ di ya mingin ndu o ba-o. Lende Fuɲa nuu dimul-la ni.»

Nsaŋ 18:36

Mí Yeesu muli aa: «Masale nilen le co o ceendo coo nanu le. Te masale nilen léè va pɛ o ceendo ho coo, buɛyaa niaa va isisi le ya. Ndáà cɛlnin mì ndáà hin a ya o simlacia Yuifia lo le, kɛ sunsun masale nilen le co ɲɛ vaa ceen nanu le.»