Matie 26:45 - BII BILA

⁴⁵ O kon kɔɔli, mó muungu nɛɛ kaandeŋaa ndɔa va-a, mó dimul nda aa: «La co vɔ o lɔan a pɛngio háá sisa? Telenndo cɛn tiiyaa, mì Po vanacieo del vanaa yɔŋ vɔɔnda o ba.

Matie 26:45 Referans Kwoze

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Nsaŋ 17:1

Yeesu ciiyo sɔɛi lende, mó heelu hɔlla o halataala, mó dimi aa: «Pua, telenndo tiiya. Biilu Po nɔmndo haliko mi Poo biilu nɔm,

Nsaŋ 12:27

«Sisa, kɔllo laasian ya niŋ kpede, i sina bɛɛ ɲɛ ya dimi le! Vɛ̀ɛ̀ mì dimi aa Pua baŋa ya o telenndo ho? Ɛ-ɛ, kani le sangaa ho sɔlaa ya hin ni.

Luke 22:53

Lepalaa-lepala, i va icali o Cɛi-Hala-o nin niaa tɛɛn, la bii ya le. Kɛ telen niaa a telen maɲumndo tiiya hoo ni.»

Matie 26:18

Mí Yeesu mulul nda aa: «La kɔ o kobio nin, o vanndo pum ndo, mì la dimul ndu aa: ‹Kɔɔfa dimi aa telen ndɔɔ tiiya, o nɔm ndo o tosanin kafo-hiavaa-coo nda kaandeŋaa ndɔa ni.›»

Matie 26:2

«La sinà maa o lo palɛi ndii ŋiin le kafo-hiavaa-coo tiiyaa. À malnin Po vanacieo vannda o ba le ndu baŋɔɔ o yɔm singafilaa coo.»

1Masaa 18:27

Paalen tiiyaa o pol, mí Elii va nda mamɔɔ aa: «La cɔɔlu deŋi kpélén, kani hala o co ni, o nɔ kpekulan taw. Bɔɔle o dɛnɛ pum coo o co vɔ yiyanndo ni, bɔɔle o bahavɛiyo pum nin o co vɔ ni, bɔɔle kelanndo o kɔɛnnun yɛ ni, ko o lɔan o connun yɛ ndo-u. O co tiondɔɔ.»

Vana Kɔlkaloo 11:9

Nɔm langbanɔ felengoo, dɔwnun ɲaale telen n co vɔ felengi-o. Naŋ kɔl o felengiyɛi nɔmnde nin. Kela o nɛila kɔl nɔmndo yeema lan coo, tosa dɛnnda n co cɔw lan kpow. Kɛ sinà pɛɛngu maa Hala kialunin dɛnnda nɔmndan kpow iyama.

Matie 26:44

Mí Yeesu faŋan nda vɛlɛ, mó kɔ piɛi Hala o yàándɔɔ, mó miinguu sɔɔn pilɛn mun.

Matie 26:46

La cɔn, n kɔnnun. La tofa vɔ vana co ya malɔɔ nda o ba-o hunɔɔ!»

Marke 14:35

Mɛɛ o kɔɛ tiŋ laci, mó hini, mó kuumbuu hɔlla lɛŋ, mó piɛi Hala le mɛɛ telen kon ndóò hiaw ndu coo yɛ.

Nsaŋ 12:23

Mí Yeesu mulul nda aa: «Telenndo tiiya, mì Po vanacieo sɔla biiloo.