Matie 26:40 - BII BILA

⁴⁰ O kon kɔɔli, mó muungu nɛɛ kaandennda va-a, mó komal nda o lɔan, mó ɲuna Piɛr aa: «La nɔla bɛɛ vaa lahɔl a ya latulu le lɛɛlɛ pilɛ le!

Matie 26:40 Referans Kwoze

Marke 14:37

O kon kɔɔli, mó muungu nɛɛ kaandeŋaa ndɔa va-a, mó komal nda o lɔan, mó dimul Piɛr aa: «Simɔn, la nɔla vaa lahɔl hali le lɛɛlɛɛ pilɛ bɛɛ le?

Luke 22:45

Ndóò ciiyo piɛilen, mó muungu nɛɛ kaandennda va-a, mó komal nda o lɔan a mɔnɛi.

Matie 26:43

Ndóò muungoo, mó komal nda vɛlɛ o lɔan. Kani lɔan ma va nda o hɔl taw.

Luke 9:32

Piɛr a vanaa va ndu kɔɔli-a a vannun o lɔan cundun. Kɛ ndáà tiondɔɔ, má ca biilu Yeesu-o a vanaa ŋiɔŋaa va ndu isisi ikɛi-ya.

Matie 26:35

Mí Piɛr mulul ndu aa: «Hali i sɔla bɛɛ piɔ́mndo, i viinunnin sɔɛi nɔmnde le.» O kon mí kaandennda kpow dimi ɲɛ pilɛ kon.

Matie 26:38

O kon mó dimul nda aa: «Kɔl nuu sanga háá pɛɛngu piɔ́mndo, la lo pɔɔ nanu, mì la va lahɔl a ya latulu.»

Matie 25:5

Nuyɛ, vana yil lanɔɔ sɛnɛi-yo yala hunɔɔ le. Mí nda kpow a yinda, má hiawnun o lɔan.

1Masaa 20:11

Kɛ mí masa Israɛlla mulul ndu o tale nin, mó dimi aa: «La kɔ dimul ndu aa: ‹Vana co yáwlen yiinɔnndo le kɔlan o cɔwvo-o bɛnda mò sangalan maa vana kɔ nɔla yaamɔɔa o cɔwvo, mó muungu, mó va yáwlen timbio-o le!›»

Masaa kialaa n'yamaa 9:33

Siɔdii idiiyo púŋ, paalen le sɛ dɔ́ɔ́ pɛ, a hun del kobio coo a cɔwvo. O kon, telen Kaal nda vanaa ndɔa fulanin niaa o hɔl-lo, a tosa ɲɛ hɛnan nɔm-ndo a nda.»

Condii kɛndɛ-kɛndɛi 5:2

I va o malɔ, kɛ kɔl nuu va lahɔl. Diom vanapɔnɔ ya kaola-o co dioo lɔɔ nuaa ni. Ndu co dimio nuaa ni aa: ‹Kumbil-la dioo, yemanndo, caan ni laandoo, poonpoon nuu, tivɔnndo caan ni, kumbil-la dioo mbɔ̀! Kani mɔ́mndo kumbu ya bollen mɔku-mɔku, yiiŋii nii yiwnannde lindan lingili a pɔɔpɔɔma deli icɔl-lan.›

Matie 26:41

La tiondu mì la piɛi, yɔŋii niaa del o tɔɔndanndo nin. La co yiyanndo le tosaa lende, kɛ dialun vílɛ́iyon co niaa.»