Matie 26:18 - BII BILA

¹⁸ Mí Yeesu mulul nda aa: «La kɔ o kobio nin, o vanndo pum ndo, mì la dimul ndu aa: ‹Kɔɔfa dimi aa telen ndɔɔ tiiya, o nɔm ndo o tosanin kafo-hiavaa-coo nda kaandeŋaa ndɔa ni.›»

Matie 26:18 Referans Kwoze

Nsaŋ 7:6

Mí Yeesu dimul nda aa: «Le ya, telen tiiya vɔ le, kɛ le niaa niaa, telenndan kpow la naŋ.

Nsaŋ 17:1

Yeesu ciiyo sɔɛi lende, mó heelu hɔlla o halataala, mó dimi aa: «Pua, telenndo tiiya. Biilu Po nɔmndo haliko mi Poo biilu nɔm,

Nsaŋ 13:1

Lɔ́ɔ́ pá mí Kafo-hiava-coo tiiya, Yeesu ndóò sina nin maa telen ndɔɔ tiiya le faŋanndo o ceendo coo le kɔlan o Fuɲa ndɔ lo. Ndóò kaola kaandeŋaa ndɔa va o ceendo coo-a taw, nduyɛ mó lo nda kaolaa háá o mɛɛlulan.

Nsaŋ 7:30

A va nɛilan nuwviaa le ndu biyɔɔ, kɛ vana-vana ve ndu ba holɔɔ le, kani telen ndɔɔ ndóò tiiya vɔ le.

Nsaŋ 7:8

Niaa, la hel mì la kɔɛ o kafoo. Ya i hel lɔnin o kafo kon te, kani telen tiiya vɔ le ya le.»

Nsaŋ 12:23

Mí Yeesu mulul nda aa: «Telenndo tiiya, mì Po vanacieo sɔla biiloo.

Luke 22:53

Lepalaa-lepala, i va icali o Cɛi-Hala-o nin niaa tɛɛn, la bii ya le. Kɛ telen niaa a telen maɲumndo tiiya hoo ni.»

Nsaŋ 11:28

Mɛɛ Marte cii sɔɔn mun dimi, mó kɔa Mari pɔmbɔ ndɔ veelu, mó kɔ dimul ndu tootoo aa: «Vana bɛndoo co nanu, o co nɔm veelu.»

Marke 5:35

O lo sɔɛi, mí vannda hun fulaa o simlacinɔ cɛi lekaanndo lo, má dimi aa: «Cua nɔmndo vinnun, le yɛɛ n co yɛ vɛlɛ vana bɛndoo saangiaa?»

Matie 26:2

«La sinà maa o lo palɛi ndii ŋiin le kafo-hiavaa-coo tiiyaa. À malnin Po vanacieo vannda o ba le ndu baŋɔɔ o yɔm singafilaa coo.»

Matie 23:10

La tosa mì vannda veelu niaa aa: ‹Vana kúndaa› le, kani Vana kúndaa ndu pilɛ kpé niaa nɔ ni, Krista pɛɛn.

Matie 23:8

Kɛ niaa niaa, la tosa mì vannda veelu niaa Kɔɔfa lan te, kani Kɔɔfanɔɔ ndu pilɛ kpé niaa nɔ ni. Niaa kpede, puapilɛa niaa co ni.

Matie 21:3

Te vanndo ɲuna pɛ niaa, la mulul ndu aa: ‹Maalii nɔ makoo a nda ni.› O kon a malnin niaa hunɔɔ a nda.»

Nsaŋ 20:16

Mí Yeesu dimul ndu aa: «Mari!» Mó síná ndu, mó veelu ndu aa: «Kɔɔfa!»

Matie 26:49

Fɔ́ɔ́fɔ̀, mí Yuda sɔɔnguu Yeesu ikɛi, mó yil ndu aa: «Kɔɔfa isɛ!» Mó kɔman ndu.

Matie 26:19

Mí kaandennda tosa mɛɛ Yeesu dimul nda yɛ. Má toosiaa ɲɛdiaa kafo-hiavaa-coo.