Matie 25:3 - BII BILA

³ Mí felengia nɔ taasi le-a a cua fitinala ndalan, kɛ a kue a cuɛima celen o ba le.

Matie 25:3 Referans Kwoze

2Timote 3:5

A vanin Hala vow a lahɔl, kɛ mà kɛɛ kpaaya Mɛlɛka kpeekpeiyo. Faŋan vanaa vaa lende kɔɔli.

Esai 58:2

A co ya nuwviaa lepalaa-lepala, a yeema ma sina nɛila nilan, maa vanaa-mangalaa-isɔɔa tosa dɛnɛ sandaa-a, a mel sandii Hala nda-e le-a. A co ya ɲunaa le yaman sandan kiolɔɔ, a yeema ma va ya Hala macɛlu kpɛɛlun.

Dɛnnda cɔɔmuanndan 3:1

Sɛval mɛlɛkanɔ vanaa laalannda Sarde aa: «Ɲɛ vana nɔ kɔlta ŋɔmmɛwla Hala lan a loeon ŋɔmmɛwvon o ba-o dimi-o co hoo ni aa: I sínà dɛnnda nɔmndan, a kela tɔ́ɔ́ maa a co yoomu, kɛ o vílɛ́iyo n co ni.

Hebreea 12:15

La caa dɛ! Vana-vana fula o kɛndɛi Hala-e bɛngu le. Vana-vana va maa tɔlɔɔ vɔɔn vul o tɔlɔɔ kɛndɔɔ tɛɛn mò tɛɛmbuu ndu-o le.

Esekiɛl 33:3

te kpalilnɔ kon ce pɛ cɔwvo hunɔɔ o lɛŋnden nden nin, o hɔŋ buloo le vannda dimullo.

Matie 25:1

Mí Yeesu dimi aa: «Masale halataala len le vanin ko kpen a felengia laandua n'van tɔ́, á cua fitinala ndalan, má fula le kɔlan vana yil lanɔɔ sɛnɛi-yo bɔŋaa-a.

Matie 25:2

Felengia nɔ taasi le-a va nda tɛɛn nda ŋuɛɛnu, a nɔ taasio-a nda ŋuɛɛnu.

Matie 25:4

Mí á nɔ taasio-a nda cua fitinala ndalan, má cua vɛlɛ cuɛima celen.

Talelan 31:18

O co sinaa maa o co malaa sɔlaa o kpekula ndɔlan nin, ɲɛ-tengaa yala ɲum o ndu lo cɛinin icɔl te.