Matie 24:8 - BII BILA

⁸ Kɛ kon kpow vanin-ndɔ ko mɛɛ pulii vialɛi kandu vanalanɔɔ nɛiyo nuaa yɛ.

Matie 24:8 Referans Kwoze

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Tɔŋ miingua 28:59

mɛɛ Mɛlɛka tuisinin niaa a cuavaa niaa imamaa dɛnnda palaala kaamaalan coo. O solinin niaa pavii koloŋii yala siongɔɔ lei a nààla vɔɔnnda cɛ̀wnun te lan.

Esai 10:4

A pum a tundunnin vanaa co o biyɔɔ nin-nda tɛɛn, a pum a cɛɛlunnin vanvílɛ́iya tɛɛn. Kɛ a kon kpede, kɔltuw Mɛlɛka-o ɲulul-lɔnin te, ba ndɔɔ va vɔnin o heelaa.»

Esai 9:17

Kani kɔlvesɛiyo, lomɔɔ o loam ni maa leyin, lomɔɔ o loam ni maa yinnde loam siɛmbulle a hɛɛnndon-nden, maa yinnde loam bundɛla bɛndulan, mí kumii tiŋitiŋiei hel coocoo maa masungbu len.

Esai 9:12

Kɛ vannda ha muungu Mɛlɛka va nda sanga kon tuisio coo-o o ibuŋ te, a muli hɔlla o Mɛlɛka-Nɔ-Kpaayaa-Kpow-vo lo le.

Osee 13:13

Sangaa toalnin nda coo mɛɛ dembe vialaa nɛi vanalanɔɔ nuaa yɛ. O co cɛlɛkpɛa nɔ kɔlkalu le nda co le. Telenndo tiiya bɛɛ le violɔɔ kala nda-o, a cɛl le keleŋaa fulaa ndu o dembe le.

Marke 13:8

Vanaa-mangalaa-isɔɔa cannin vanaa-mangalaa-isɔɔa celen cɔlɔba, mì masalen le cɛn masale celen cɔlɔba. Lɛŋnden le ɲiiyanin o fondalan lapum, mì yima fofolan ma luɛi o fondalan lapum. Kon kpow vanin-ndɔ ko mɛɛ pulii vialɛi kandu vanalanɔɔ nɛiyo nuaa yɛ.

Luke 21:12

«Kɛ lɔ́ɔ́ pá mì kon kpede hun tosan, a biinin niaa, mà tol niaa yɛlen, mà kɔɛ a niaa o cɛila lekaanndan nin. A malnin niaa o kaasolan, mà kɔɛ a niaa o masaa lo a o masaa n'bungaa lo le diola nilan.

Nsaki 5:1

Niaa vanaa bolofaa, la caŋ, la koŋul kpélén le dɛnnda palaala toalnin niaa coo lan.