Matie 24:7 - BII BILA

⁷ Vanaa-mangalaa-isɔɔa cannin vanaa-mangalaa-isɔɔa celen cɔlɔba, mì masalen le cɛn masale celen cɔlɔba. Yima fofolan ma luɛinin o fondalan lapum, mì lɛŋnden le ɲiiya o fondalan lapum.

Matie 24:7 Referans Kwoze

Luke 21:11

Lɛŋnden le ɲiiyanin taw, mì nààla halimaalan a yima fofolan ma luɛi o fondalan lapum. Dɛnnda kɔndɔfiltan a kaamaala bɛndulan la cɔmnunnin o halataala.»

Dɛnnda cɔɔmuanndan 6:8

Mí mɛɛndan, mí ca so pupulaao. Vana va lecoo-o diolan aa Piɔ́mndo, ciee-piɔ́m va ndu kɔlan kɔɔli. Mí dio kennun nda le masalen tosaa o bungɛi pilɛ, o bungan hiɔɔlun lelɛŋndon coo le vannda diwvo a mɔɛi cɔwve, a yima fofolan, a nàà halimaa a á visia biyaa co o lɛŋnden coo-a.

Esai 19:2

I co sɔngɔɔ malɔɔ Esiptea tɛɛn, mà simulan vellaa-velle, vanndo cɔlɔbanin nda puapilɛ ndɔɔ, vanndo cɔlɔbanin nda caan ndɔ, kobio cɔlɔbanin kobio, masalen le cɔlɔbanin masalen.

Sakari 14:13

O palɛi ken nin, Mɛlɛka hiiluunin nda vokuu-vokuu, a biyannin a sɔngɔɔ vellaa-velle, mì vana-vana del vana nda cɛɛlan-ndo coo.

Dɛnnda kiilaa 11:28

Mí vana pilɛ o nda tɛɛn, diolan Akabus, o can a kpaaya Hala Kɔl-Diandaa, mó dimul vannda siɔdii lacio maa yima fofolan ma va hunɔɔ luɛyɔɔ fɔ́ɔ́fɔ̀, o ceendo ho coo kpede. (Telen Klode va masalen tosaa-o dɛnɛ kon yɔŋnun ni.)

2Dɛnnda lemasalan 15:6

Vanaa-mangalaa-isɔɔa va diuvanndo vellaa-velle. Kobilan la va delnanndo coo vella-velle a cɔwvo, kani Hala va nda hiiloo a dɛnnda palaala súú-súù ka tuisio nda coo.

Dɛnnda cɔɔmuanndan 6:12

Telen o kumbi tɔɔmasele ŋɔmpumndɔɔ-o, mí lɛŋnden le ɲiiya taw, mí paalen le muungu le tiŋi maa volɔɔla biisi, mí paangei kpow i muungu maa makòó,

Hebreea 12:27

Dimi kon lende aa: «vɛlɛ» kon co dimio ni maa ɲɛm cɔwnun-ndon, n nɔla tambeiyon, mun hiawnin. O kon mì ɲɛm nɔla itambu loon mun lo.

Esekiɛl 21:27

Ɲɛ co o ba kɛndɛ ndɔɔ nin-ndo cɔm maa yavaa bii Yerusalɛm, o baŋnin balamaniei lon, mò yɔngu diomndo le vannda diwvo, mò yonda coocoo kpélén. O baŋnin balamaniei o diola luɛyaalan sondoo, o lueinin ndu o píŋndo nin, o cɔawnin kungala saasalan.

Esekiɛl 14:21

A toɲa, nuaa Maalii o co Mɛlɛka-o dimi ni aa: «Maa lekɛ́ndɛi, i tuisinin sangala hiɔɔlula kálà-kálàlan ndan Yerusalɛm coo: cɔwvo, yima fofolan, visia biyaa a nàà n'kɔnyaa le vanndacieea a cɔlua ciiyo diwvo.

Dɛnnda kiilaa 2:19

I tosanin dɛnnda kɔndɔfiltan coocoo o halataalaa nin, mì tosa tɔɔmaselelan o lɛŋnden coo nanu: koovan, yinnden a tindile ikumnden le vanin.

Esai 29:6

Mɛlɛka-Nɔ-Kpaayaa-Kpow-vo toalnin niaa tɛɛn a diom mataŋndo, a lɛŋnde ɲiiyaalen, a vóólun-vóólunn bɛndoo, a felenfelen bɛndoo, a hoeyii fùkù-fùkùei a á yinnde yelenyelennde bɛndulen.

Dɛnnda cɔɔmuanndan 6:5

Ndóò kumbio tɔɔmasele yàándɔɔ, mí tuɛi ɲɛ yoomaa yàándɔɔ dimio aa: «Hun!» Mí tofa, mí ca so tiŋio. Vana va lecoo-o ndóò nɔ kilo tuvaa o ba.

Dɛnnda cɔɔmuanndan 6:6

Mí tuɛi diomndo pum ɲaa yoomaa hiɔɔlua tɛɛn, mó dimi aa: «Maalon panio ca le sala vali paale pilɔɔ, ɔrse panio leyàá le sala vali paale pilɔɔ, cuɛiyan a mɔiyan man, pilan man te.»