Matie 24:6 - BII BILA

⁶ La tuɛinin sɔɔn cɔwvon a ɲiimu-ɲiimu lacɔwvo. Kɛ la caa, yɔŋii kɔlta niaalan la laasian. Kani fɔ mì ken tosan, kɛ o ve vɔnin lamɛɛlu le la vanin ndan te.

Matie 24:6 Referans Kwoze

Luke 21:9

Tuma niaa tuɛinin sɔɔn cɔwvon a dɛnnda laasi-laasilan-ndo, siòòŋii bii niaa le. Kani fɔ mì kon tosan fɔlɔn. Kɛ mɛɛlulan la ve vɔnin kpɛɛlun te.»

Nsaŋ 14:1

Mí Yeesu dimul kaandeŋaa ndɔa aa: «Kɔlta niaalan la sanga le, la laalan Hala mì la laalan ya vɛlɛ.

2Tesalonikea 2:2

la malnùn mì la keleŋa luɛyɔɔ o lapɔw nin te, yɔŋii vana pum luei niaa siòònde, mò dimul niaa siɔdii lacio, te kon te diomnden, te kon te mà sɛval niaa sɛbɔɔ maa naa o ba o fula ni, maa paale Maalii len le tiiya.

Nsaŋ 14:27

I co niaa kɔlɲuloo mel, i co niaa kɔl ni ɲuloo ke. Ya, i kenin niaa ndu mɛɛ ceendo yɔngu yɛ le. Kɔlta niaalan la lààsian mì la buulan te.

Condii lisai 112:7

Siòòŋii ve ndu a sɔɔn vɔɔn te. O nɔ kɔlkɛsiaa, o tiindan Mɛlɛka.

Matie 24:14

Yoongu kɛndɛ soo a masale Hala len o kɔɔ-o yondannin o ceendo coo kpow, haliko mi ken i va seilen le vanaa-mangalaa-isɔɔa súúlan kpow. O kon kɔɔli, mɛɛlulan la tiiya.»

Luke 21:19

Lelan la ló biuvɔnndo, mì la sɔla cindaa.»

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Luke 22:37

Kani i co niaa toɲaa dimul, o co o sɛvaa o Sɛbɛ Hala-o nin aa: ‹A cɔm ndu vanaa tosaa yɔŋ vɔɔnda coo›. Mɛɛ mì sɔɛi ken i peelun a ya o kɔɔ. Kani ɲɛ sɛvan a ya o kɔɔ-o co nin le peelɔnndo.»

Matie 26:54

Kɛ te i tosa pɛ lende, vɛ̀ɛ̀ ɲɛ sɛvan o Sɛbɛ Hala-o nin-ndo peelun yɛnin? Kani o co o sɛvaa maa lende i bɛnda le tosan-ndo ni.»

Esekiɛl 21:28

Vanaa co icali Yerusalɛm lon-nda co ko yiyanndo maa còòlan sɔɔn mun co ni, maa n tosannin te. Kani vannda cuel nda ciɛ́ɔn má mɛnalan nda. Kɛ masaa Babilɔn ndu yiyalan nda haki ndaa, lelan nda sɔlanin biyɔɔ ni.

Yeremi 47:6

La diminin aa: ‹Éé nɔm mɔɛi cɔvii Mɛlɛka-e, vɛ̀ɛ̀ o ve nihau nuaa le? Muungu o boo nɔmndo nin, cal yili, kpeŋan lɛhau le ɲɛ-ɲɛ tosa le dɛ.›

Esai 7:4

A tiiya pɛ, a dimul ndu aa: ‹Kɛsi kɔllo, siòòŋii bii nɔm te. Kɔl nɔmndo fula mayoomu le kilin biyan miunndon mun te. Vu n'dial le kɔltuw Resin-ndo, kɔltuw Aramiia a le kɔltuw po Remalia-o le.

Matie 2:3

Masaa Herɔde tueyɔɔ sɔɛi ken, mó voolu nda Yerusalɛmnda kpow.

Dɛnnda cɔɔmuanndan 6:4

O kon mí so celen fula, kɔɔlen le va ndu le siaŋa maa leyin. Mí dio kennun vana va lecoo-o le kɔlɲuloo faŋaa o lɛŋnden coo, haliko mi vanndacieea diuvan vellaa-velle, o kon mí mɔɛi cɔvii bɛnduei pum kennun ndu.