Matie 24:48 - BII BILA

⁴⁸ Kɛ te o va pɛ vana baala vɔɔndo, o co dimi aa: ‹Vana ni bɛndoo yalanin hunɔɔ le›.

Matie 24:48 Referans Kwoze

Matie 18:32

Le hee, mí vana ndɔ bɛndoo veelu vana baala kon, mó dimul ndu aa: «Éé, nɔm vana baala kɔlvesɛiyo ho! Kuee ni va nɔm-ndo kpow, mí mal nɔm haki le ndu le tùú n tɛɛlun ya-o.

Luke 12:45

Kɛ te vana baala kon dimi pɛ aa: ‹Vana ni bɛndoo co yala hunɔɔ le›, o kon mò saan vanaa baalaa tɔ̀a lɔɔ, a piaandua a à laandua, mò luɛi dioo a kolɔɔ,

Esai 32:6

Kani diɔmndo diɔmnde o dimi ni, dɛnɛ vɔɔndo kposon o tuunun o kɔl ndɔɔ nin le dɛnnda siòòŋii Hala co nin te lan tosaa ni, le sɔɔn vɔɔnndon dimio a diola Mɛlɛka lan, le vana co a yiaan ndo malɔɔ dembe fondo, le vana kolɔɔ bii-o mɛnndan tuŋɔɔ.

Dɛnnda kiilaa 5:3

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila?

Nsaŋ 13:2

Telen Yeesu nda kaandeŋaa ndɔa va ɲɛdiaa icɔl-lo dioo-o, mí ɲina vɔɔndo yɔngu Yuda po Simɔn Iskariɔt-o yiyanndo le Yeesu malɔɔ vannda o ba.

Marke 7:21

Kani vanacieo nin, o kɔlta vanndacieea nin yiyannda vɔɔnndan la fula ni: sɔɔn lasiɛmbon, vuilen, vannda diwvo,

Tɔŋ miingua 9:4

Te Mɛlɛka Hala niaa puu pɛ nda lɛŋnden o ba mò yɔngu niaa len, la dimi le aa: ‹Le tùú naa n co vanaa sandaa-o Mɛlɛka hin a naa le lɛŋnden-nden hiɔlɔɔ ni.› O co le sandii niaa le, kɛ le mɛɛ vanaa-mangalaa-isɔaa kan laasian a yɔŋ vɔɔndo yɛ o co nda tovɔɔ niaa laci ni.

Dɛnnda kiilaa 8:22

Lelan, mal yiyan vɔɔn n nɔ hoo-o, mà piɛi Mɛlɛka, o kon te o nɔla pɛ tosan, mò mal nɔm haki le yiyan n sɔla ho o kɔl-lo.

Luke 19:22

Mí vana ndɔ bɛndoo dimul ndu aa: ‹Nɔm vana baala vɔɔndo ho, i co nɔm iyama kiolɔɔ a sɔɔn fula nɔm pila o sondo-on. A va sinaa maa vana ya co-o, dɛnɛ nuu kendu bɔɔ, maa ɲɛ ya kɛsi loo ndu ya cua ni, ɲɛ ya seŋ too ndu ya koaw ni.

Matie 25:26

Mí vana ndɔ bɛndoo mulul ndu aa: ‹Vana baala vɔɔndo a vana siɛlɛiyo n co ni. Nɔm óò sina maa nɛɛ ya seŋ te-a lon ya koaw ni, nɛɛ ya tol te-a lon ya kiandu ni.

Esekiɛl 12:27

«Po vanacieo sei, tuei-yɔ mɛɛ cuavaa Israɛlla co dimio yɛ aa vundule o nɔ len, ɲɔɔ bandu vɔnin le len peelɔnndo, o co diom Hala-o tɛɛnguuo. Kɛ ɲɔɔ bandu vɔ bɔɔ le diom nda co kon tɛɛnguuo-o peelɔnndo.»

Esekiɛl 12:22

«Po vanacieo sei, taloo pum dimin niaa tɛɛn a lɛŋnde Israɛl-ten o kɔɔ aa: ‹Palɛi co viovɔɔ, nduyɛ levundu oo levundu le co peelɔn te›, kɔlɔ yɛɛ nɛ talekon nɔ yɛ?

Vana Kɔlkaloo 8:11

A ve vanaa yɔŋ vɔɔnda keleŋa sanga tuisi coo le, lelan tuula vɔɔnndan la va nda piɔw o kɔltan nin ni.

2Masaa 5:26

Kɛ mí Elise dimul ndu aa: «Kɔl nuu va lon telen langbanɔɔ pum va tolɔɔ o ɲɛ ɲaanan ndɔ soa nan-ndo coo le nɔm bɔŋaa-o. Vɛ̀ɛ̀ telen biyaa lavolɔɔ a telen biyaa n'volio co hoo ni? Sisa a sɔla volion le nakɔla olivieelan a nakɔla n'rɛsɛnndan piondɔɔ a mun, le cɔlua pɔmbɔa a cɔlua bɛndua piondɔɔ a mun a le cɛa piaandua a cɛa laandua piondɔɔ a mun.

Tɔŋ miingua 15:9

La mandan le yiyan vɔɔndo sɔlaa o kɔlta niaalan nin mì la dimi aa: ‹Vɔsi ŋɔmmɛwndɔɔ bendu lɛ le tiiyaa le, vɔsi vana mal vannda haki le kueelan-ndo›, yɔŋii niaa tofa puapilɛ niaa co o kuɛi nin-ndo tofa vɔɔndo, mì la tuŋ ndu ɲɛm niaan. Te la tosal ndu pɛ lende, mò koŋul o Mɛlɛka lo a niaa o sondo, mɛɛ hakio niaa tosa lende ni.

Matie 24:47

Mì dimul niaa toɲaa, vana ndɔ bɛndoo handunin ndu ɲɛm ndɔn kpow bollen.

Matie 24:49

O kon o kandu caaŋaa ndɔa lɔɔ, o luɛi dioo a kolɔɔ nda vanaa kolaa latulu.